Сўнгги янгиликлар
Янгиликлар
Мазкур танловнинг асосий мақсади ёшларга бириктирилган нуронийларни жамият ҳаётига фаол жалб қилиш, ёшлар тарбиясида кекса авлод вакилларининг тажрибасидан фойдаланиш ва жиноятчиликнинг олдини олишга қаратилган тадбирларни кенг тарғиб қилишдан иборат.
Шунингдек, ёш оилалар ўртасида барқарор муҳит яратишда нуронийларнинг тажрибасини қўллаб-қувватлаш ва уларнинг ижтимоий фаоллигини оширишга йўналтирилган.
Танлов жараёнида иштирокчиларнинг ёшлар билан ишлаш борасидаги тажрибалари ва амалий ишларини кўрсатишга алоҳида эътибор қаратилди.
Наманган шаҳридаги "Маърифат маскани"да ташкил этилган танловда Косонсой тумани нуронийлар жамоатчилик кенгаши фаоли, “Ифтихор” маҳалласи кексалар маслаҳат гуруҳи раиси, "Мўътабар аёл" кўкрак нишони соҳиби Насибахон Ҳайдарова муносиб иштирок этиб, фахрли 1-ўринни эгаллаб, Республика босқичига йўлланмани қўлга киритди.
Косонсой туманидаги "Учқўрғон" маданият марказида туман ҳокимлиги, Республика маънавият ва маърифат маркази туман бўлинмаси, "Нуроний" жамғармаси туман бўлими ҳамкорлигида умумтаълим мактабларининг маънавий-маърифий ишлар бўйича директор ўринбосалари, ҳарбий хизматчилар, нуронийлар, ўқувчи-ёшлар иштирокида ёшларда миллий ғурур, ватанпарварлик руҳида тарбиялаш мақсадида Республика Маънавият ва маърифат Маркази ҳамда тегишли вазирлик ва ташкилотлар билан биргаликда чоп этилган “Мен ҳам ҳарбий бўламан” номли китоб-альбоми тақдимоти ўтказилди.
Тадбирни туман ҳокими ўринбосари А. Шералиев очиб бериб, ушбу китоб-альбомда миллий давлатчилигимиз тарихи, ватан мустақиллиги ва озодлиги йўлида жасорат ва мардлик кўрсатган қаҳрамон аждодларимиз ҳаётидан лавҳалар, жанговор қуролларнинг ривожланиш тарихи, замонавий армиямиз, мудофаа доктринамиз акс этганлигини алоҳида таъкидлади.
Халқимизда “Устоз – отангдек улуғ”, деган нақл бор. Ҳақиқатдан ҳам, қўлимизга қалам олиб, ўқишни, ёзишни ўргатган, оқ-қорани, яхши ёмонни танитган, илм-маърифат ила қалбимизга зиё олиб кирган устозларимизни қанча мақтасак, эътироф этсак шунча кам. 1-октябр – “Ўқитувчи ва мураббийлар куни”. Бу улуғ кунда барча ўқитувчилар, устоз ва мураббийлар ўз шарафли касбларини нишонлайдилар.
Байрам муносабати билан Косонсой туманидаги "Истиқлол" тантаналар мажмуасида устоз ва мураббийлар куни муносабати билан бир пиёла чой устида байрам тадбири ташкил қилинди. Унда туман ҳокими Дилмурод Қодиров иштирок этиб, ўқитувчи ва мураббийларни машаққатли касби йўлидаги фаолияти, изланишлари яна бир бор эътироф этиб, келгусидаги ишларига улкан зафарлар тилаб, ташаккурнома ва эсдалик совғалари билан тақдирлади.
Шунингдек, тадбир давомида таълим ва фан ходимлари касаба уюшмаси Косонсой туман бўлинмаси томонидан ҳам устозларга совғалар топширилди.
Тадбирда истеъдодлари хонандалар ҳамда туман маданият бўлими хонандалари томонидан ижро этилган куй-қўшиқлар йиғилганларга хушкайфият улашди.
Косонсой туман ҳокимлиги ахборот хизмати
Jahon tajribasida mamlakat aholisining aniq soni, yoshi, jinsi, fuqaroligi, milliy tarkibi, oilaviy ahvoli, kasbi, bandligi, daromad manbai va boshqa jihatlar bo‘yicha batafsil ma’lumot to‘plashning eng samarali usuli aholini ro‘yxatga olishni tashkil etish hisoblanadi. Shu bois, mamlakatimizda ilk bor o‘tkaziladigan aholini ro‘yxatga olish tadbirlariga hozirdan jiddiy tayyorgarlik ko‘rilmoqda. — Ko‘pchilik insonlar aholini ro‘yxatga olish amaliyotini statistik ma’lumotlar to‘plash tadbirlarining bir ko‘rinishi, deb tushunadi. Ammo bu shunchaki statistika emas, balki mamlakat aholisining ma’lum bir vaqtdagi fotosuratini ko‘rish imkoniyatini beradigan yirik miqyosdagi tadbir hisoblanadi. Mazkur davlat darajasidagi keng ko‘lamli, ko‘p vaqt va mablag‘ talab etadigan tadbirni o‘tkazish uchun xalqaro talablarga muvofiq 2-3 yil davomida tayyorgarlik ishlarini olib borish talab etiladi. Birinchi usulda ro‘yxatga oluvchi xodimlar uyma-uy yurib, so‘rov o‘tkazadi va savollardan iborat varaqani respondentlarning so‘zlari asosida to‘ldiradi. Bunda ro‘yxatga olish ishlari besh xil shakldagi so‘rovnomalar — turar joyning xususiyatlari va unda yashovchilar ro‘yxati, shaxsga oid savolnoma, O’zbekiston Respublikasiga vaqtincha kelgan chet el fuqarolari uchun savolnoma, aholining ayrim toifalariga nisbatan shaxsga doir ma’lumotlarni yig‘ish bo‘yicha savolnoma hamda vaqtincha turgan joyi bo‘yicha O’zbekiston Respublikasi fuqarolari va fuqaroligi bo‘lmagan shaxslar uchun nazorat varaqasi berish asosida o‘tkaziladi. So‘rovnomalar asosiy demografik ko‘rsatkichlar, aholining mexanik harakati, migratsiyasi, milliy xususiyatlari, fuqaroligi, ta’lim darajasi, uy xo‘jaligi a’zolarining iqtisodiy holati, bolalar soniga oid savollardan iborat bo‘ladi. Yashab turgan xonadonida ro‘yxatdan o‘tishni istamagan respondentlar uchun ro‘yxatga olish so‘rovnomalarini to‘ldirish ularning o‘zlari yashab turgan mahallalarda tashkil etiladigan instruktorlik uchastkalarida amalga oshiriladi. Respondentlar tomonidan taqdim etilgan shaxsga doir ma’lumotlarning maxfiyligi va ularning mazmuni oshkor etilmasligi ro‘yxatga oluvchi tomonidan kafolatlanadi.Ikkinchi usulda respondentlarga qulaylik yaratish maqsadida internet jahon axborot tarmog‘i orqali ro‘yxatdan o‘tish imkoniyati yaratiladi. Bunda so‘rovnomalar aholining o‘zi tomonidan maxsus dastur orqali to‘ldirilib, belgilangan elektron manzilga jo‘natiladi.—Ro‘yxatga oluvchi xodimlar tomonidan tayyorlangan yig‘ma ro‘yxatlar natijalari asosida shahar va qishloqlar, shu jumladan, erkaklar va ayollar bo‘yicha aholi soni to‘g‘risidagi ma’lumotlar yakuniy ma’lumotlar respublika hamda hududlar bo‘yicha shakllantirilib, rasman e’lon qilinadi.Mazkur vazifalarning bari tizimli tarzda amalga oshirilgani holda, ro‘yxatga olish orqali respublika aholisi va uning farovonligi to‘g‘risida ishonchli ma’lumotlar to‘planadi. Ular aholi soni, tarkibi va taqsimlanishi bo‘yicha to‘liq bazani shakllantirish bilan birga, Milliy rivojlanish strategiyalarini ishlab chiqish, ularda foydalaniladigan demografik o‘zgarishlar tendensiyalari, mehnat resurslari joylashuvi hamda ilmiy tadqiqotlar olib borishda qo‘l keladi.
Президентимиз томонидан камбағал оилаларнинг даромадини ошириш орқали уларни камбағалликдан чиқариш бўйича белгиланган бир қатор вазифаларни амалга ошириш учун ҳудудларга вазирлик ва идоралардан мутасадди раҳбарлар бириктирилган эди.
Хусусан, Наманган вилоятига бириктирилган Савдо-саноат палатаси раисининг ўринбосари Зоҳиджон Камалов иштирокида бугун 4-сонли болалар мусиқа ва санъат мактабида Косонсой туман ижтимоий реестрда турган камбағал оилаларнинг даромадини ошириш, уларни камбағалликдан чиқариш масалалари юзасидан муҳокама йиғилиши ўтказилди.
Йиғилишда ҳар бир хонадонга бириктирилган раҳбарлар томонидан олиб борилаётган ишлар муҳокама қилиниб, мавжуд имкониятлар таҳлил қилинди.
Косонсой туман ҳокими Дилмурод Қодиров, сектор раҳбарлари ва хонадонларга бириктирилган мутасадди ташкилотлар раҳбарлари иштирок этган йиғилишда аниқ вазифалар белгиланди.
Косонсой туман ҳокимлиги Ахборот хизмати