Сўнгги янгиликлар
Янгиликлар
Ҳозирги кунда Косонсой туманида 59 та маҳалла фуқаролар йиғинидаги 40196 та хонадонда 227 мингдан кўп аҳоли истиқомат қилиб келмоқда.
📌 Туманда бугунги кунда энг кўп хонадонга эга маҳаллалар: “Равот” (1280), “Гўрмирон” (1230), “Боғишамол” МФЙ (1227), “Обод” (1127 та хонадон), “Янги Ўзбекистон” (1077), “Дўстлик” (1034), “Баҳористон” (1032), “Бўстон” (1023), “Тагижар” (1013), Узунқишлоқ (1012).
📌 Энг кам хонадонга эга маҳаллалар: “Гулистон-1” (318 та хонадон), А.Жомий (320), “Ёшлик” (320), “Садача” (330), “Гулобод” (381).
☑️ Маълумот учун, ушбу статистикада тумандаги 400 тадан кам ҳамда 1000 дан кўп хонадони бор маҳаллалар ҳисобга олинган.
Косонсой туман ҳокимлиги Ахборот хизмати.
O‘zbekiston Respublikasi Fuqarolik kodeksi ning 732-moddasida qarz shartnomasining tushunchasi quyidagicha ifodalangan: “Qarz shartnomasi bo‘yicha bir taraf (qarz beruvchi) ikkinchi tarafga (qarz oluvchiga) pul yoki turga xos alomatlari bilan belgilangan boshqa ashyolarni mulk qilib beradi, qarz oluvchi esa qarz beruvchiga bir yo‘la yoki bo‘lib-bo‘lib, o‘shancha summadagi pulni yoki qarzga olingan ashyolarning xili, sifati va miqdoriga baravar ashyolarni (qarz summasini) qaytarib berish majburiyatini oladi”.
Qarz oluvchining pul va turga xos alomatlari bilan belgilanadigan boshqa ashyolardan foydalanishi faqatgina ularni iste’mol qilish yo‘li bilan amalga oshirilishi mumkin. Shu sababli, qarz oluvchiga qarz ob’ektidan foydalanish muddati tugagandan so‘ng aynan shu pul yoki ashyoni qaytarish majburiyati yuklanishi mumkin emas. Qarz shartnomasining konstruksiyasiga yaqin bo‘lgan ba’zi shartnomalar (tekin foydalanish, mol-mulkni ishonchli boshqarish)da esa shartnoma ob’ekti foydalanish jarayonida o‘zining xususiyatlarini yo‘qotmaydigan individual – belgilangan ashyolar bo‘lganligi sababli aynan olingan ashyoning o‘zi qaytarilishi talab qilinadi.
Qarz shartnomasi shartiga ko‘ra, qiymatga ega olingan narsa shartnomada ko‘rsatilgan vaqtda qaytarilishi lozim. Bordi-yu, qaytarish muddati shartnomada ko‘rsatilmagan bo‘lsa, qarz qarzni beruvchi talab qilgan vaqtda qaytarilishi kerak.
Shuni alohida ta’kidlash joizki, bugun qarz bilan kredit bitta shartnoma deb o‘ylaydiganlar ham uchramoqda. Aslida esa unday emas. Ularning farqli jihatlari mavjud.
Kredit bu — bank yoki boshqa kredit tashkiloti tomonidan jismoniy va yuridik shaxsga ma’lum kelishilgan shartlar bo‘yicha aniq muddatga beriladigan mablag‘dir. Ya’ni olingan kreditni o‘rnatilgan grafik bo‘yicha qaytarish va unga to‘lanadigan foizlarni to‘lash majburiyatini siz o‘z zimmangizga olasiz.
Qarz esa birinchi tomon ya’ni qarz beruvchi qarz oluvchiga pul va boshqa ashyolarni mulk qilib beradi, qarz oluvchi esa qarzni bir yo‘la yoki bo‘lib-bo‘lib qaytaradi. Qarz shartnomasi pul yoki ashyolar topshirilgan paytdan boshlab tuzilgan hisoblanadi
Косонсой тумани юридик хизмат
курсатиш маркази рахбари Ф.Ғофуров
Subsidiya — ipoteka kreditlari asosida kvartira sotib olish uchun boshlang‘ich badal va kredit foizining bir qismini yoki yakka tartibdagi uy-joylarni qurish va rekonstruktsiya qilish uchun kredit foizining bir qismini qoplash maqsadida Davlat byudjetidan fuqaro uchun bankda uning nomiga ochilgan tegishli hisobvaraqqa o‘tkazilgan mablag‘.
- Ariza beruvchi — ipoteka kreditlari bo‘yicha boshlang‘ich badal va foiz xarajatlarining bir qismini qoplash uchun subsidiya olish maqsadida ariza bilan murojaat qiluvchi 18 yoshdan 60 yoshgacha bo‘lgan O‘zbekiston Respublikasi fuqarosi.
- Daromadi yuqori bo‘lmagan fuqaro yoki oila — qonunchilik hujjatlariga muvofiq aniqlanishi mumkin bo‘lgan o‘rtacha oylik daromadlar miqdori Qoraqalpog‘iston Respublikasi va viloyatlarda belgilangan mehnatga haq to‘lashning eng kam miqdorining 2,7 baravaridan 8 baravarigacha va Toshkent shahrida belgilangan MHTEKMning 2,7 baravaridan 9,2 baravarigacha bo‘lgan oilalar.
- riza beruvchi ipoteka kreditlari bo‘yicha subsidiya olish uchun istalgan tuman (shahar) davlat xizmatlari markaziga o‘zi kelib murojaat etadi yoki Yagona interaktiv davlat xizmatlari portalida davlat xizmatidan elektron tarzda foydalanish uchun ro‘yxatdan o‘tadi.
- O‘zi kelib murojaat etganda, Davlat xizmatlari markazi xodimi ariza beruvchi nomidan, YaIDXP orqali murojaat qilinganda esa ariza beruvchi mustaqil ravishda Nizomga muvofiq davlat xizmatidan foydalanish uchun anketa-arizani elektron tarzda to‘ldiradi.
- Zarur hollarda ayrim toifadagi shaxslar (O‘zbekiston Respublikasi Prezidenti Davlat xavfsizlik xizmati, O‘zbekiston Respublikasi Davlat xavfsizlik xizmati, Mudofaa vazirligi, Ichki ishlar vazirligi, Milliy gvardiya va boshqa harbiy tuzilmalarning xodimlari (harbiy xizmatchilaridan tashqari) va davlat hisobidan uy-joylar bilan ta’minlanmagan nafaqadagi harbiy xizmatchilar tomonidan oylik daromadlari to‘g‘risidagi ma’lumotnoma Davlat xizmatlari markazi yoki Yagona interaktiv davlat xizmatlari portali orqali tuman (shahar) davlat soliq inspektsiyasiga taqdim etiladi.
- Ariza beruvchidan yuqorida ko‘rsatilmagan ma’lumot va hujjatlarni hamda anketa-arizada qayt etilgan ma’lumotlardan tashqari boshqa hujjatlarni talab qilish qat’iyan taqiqlanadi.
Mehnat migrantlari nomidan ipoteka kreditlari bo‘yicha subsidiya olish to‘g‘risidagi arizani uning oila a’zolari notarial tartibda tasdiqlangan ishonchnoma asosida berishi mumkin. Davlat xizmatlari markazi va YaIDXP orqali ko‘rsatiladigan xizmatlar va markaz tomonidan tegishli tashkilotlarga so‘rov yuborish orqali ma’lumotlarga aniqlik kiritish to‘lovlarsiz (bepul) amalga oshiriladi.
Косонсой тумани юридик хизмат курсатиш маркази бош юрисконсулти Ж.К.Акрамов.
Кредитга уй-жой олиниши қонунчиликда, турар-жой сотиб олиш учун ипотека кредити олиш ҳисобланади.Кредит ҳисобига сотиб олинган турар-жой(тўлиқ шаклда битмаган,каробка )ҳам банк кредитининг таъминоти бўйича гаровга олинади.Бу нима дегани.Сиз ва банк ўртасида тузилган гаров шартномасига асосан,сиз кредит қарздорлигизни қопламагунизча шу уй-жой банкда гаровда туради дегани.
Ўзб.Рес “Ипотек тўғрисида"ги қонуннинг 1-моддасида кўчмас мулк гарови шартномаси ипотека деб ҳам, яъни ипотека шартномаси деб ҳам юритилиши кўрсатилган. Бунда кредит олиб, шу уйни гаровга қўядиган шахс ипотекага қўювчи деб, кредит бериб, шу кредитнинг таъминоти сифатида уй-жойни гаровга олувчи банк ипотекага олувчи деб юритилади.
Шунингдек ипотека тўгрисидаги шартнома бўйича гаровга қўйилган мол-мулк,агар ипотека тўгрисидаги шартномада бошқача назарда тутилмаган бўлса, ипотекага қўювчи томонидан сотиш,хадя этиш,айирбошлаш орқали ёки ўзгача усулда фақат ипотекага олувчининг розилиги билан тасарруфдан чиқаришилиши хам мумкин.
Бунда сиз гаровга (ипотекага) қўйилган турар-жойни сотиш ёки бошқача тартибда тасарруф қилишингиз учун шубҳасиз ипотекага олувчи – кредит ажратган банкнинг расмий розилиги бўлиши шарт ва мухим Бунда банкнинг розилигисиз мол-мулкни сота олмайсиз ва ўз-ўзидан нотариус ҳам банкнинг розилик хатини кўрмай туриб, олди-сотди нотариал харакатини амалга оширмайди,умуман.
Пул ажратган банк эса, одатда кредитни тўлиқ ёпмагунизча, бу уй-жойни сотишга асло руҳсат беришмайди,амалиётда банклар томонидан розилик хати берганини кўрмаганман).
Бу банкнинг ўзига тегишли ички сиёсатига боғлиқдир.Шунинг учун ипотекага олинган мол-мулкларни( уй,машина) бошқа шахсга ўтказишда нотариус банкнинг розилик хатини кўриш керак.
2.Онамдан менга квартира колган. Квартира хозир хам онамлар номларида. Шуни номимга ўтказмасдан туриб олди сотди қила оламанми? Иккита синглимнинг хам розилиги олинадими?
Биринчи ўринда, сиз мол мулкка (квартира) нисбатан мулк ҳуқуқини олмасдан туриб, уни олди сотди қилиб расмийлаштира олмайсиз.
Агар онангиздан ушбу уй сизга мерос тарзида қолдирган бўлсалар, сиз ўз мулкингизга ўтказишингиз керак.
Сиз биринчи навбатда квартира жойлашган ҳудуддаги нотариусдан мерос гувоҳномасини олиш лозим бўлади. Бу Фуқаролик Кодексининг 1146-моддасида белгиланган тартибда, яъни меросга бўлган ҳуқуқ тўғрисидаги гувоҳнома мерос очилган кундан эътиборан олти ой ўтганидан кейин берилади.Мерос очилган жойдаги нотариус меросхўрнинг илтимосига кўра унга меросга бўлган ҳуқуқи тўғрисида гувоҳнома бериши шарт.
Мерос гувоҳномаси меросхўрга ёки меросхўрларга берилиши мумкин.
Онангиздан қолган меросга биринчи навбатда сиз, ака-ука, опа-сингилларингиз ва дадангиз тенг даражада меросхўр бўласизлар.Агар сиз билан бирга ушбу шахслар ҳам бўлса, унда қолган меросхўрларнинг меросдан воз кечишлари лозим.Бўлмаса нотариус расмийлаштириб бермайди Фуқаррлик Кодексининг 1147-моддасида меросхўр мерос очилган кундан эътиборан исталган вақтда меросдан воз кечишга ҳақли эканлиги ва бу меросхўр томонидан мерос очилган жойдаги нотариусга ариза бериш орқали амалга оширилиши белгиланган.
Вазирлар Маҳкамасининг 2018-йил 29-декабрдаги 1060-сон қарорига 1-илова билан тасдиқланган “Кўчмас мулк обектларига бўлган ҳуқуқларни давлат рўйхатидан ўтказиш тартиби тўғрисида”ги низомга биноан мерос гувоҳномаси олингандан сўнг 1 ой муддатда кўчмас мулк объектларига бўлган ҳуқуқларни давлат рўйхатидан ўтказиш учун Давлат хизматлари марказларига мурожаат қилишлари шарт ёки Ягона давлат хизматлари портали орқали буни электрон тартибда уйингиздан туриб ҳам амалга оширсангиз бўлади.
Юқоридаги тартиблар амалга оширилгандан сўнг мол мулкни ўз номингизга ўткандагина уни бошқа шахсга сотишингиз мумкин.
Зокиржонов Абдукаххор Косонсой тумани юридик хизмат курсатиш маркази бош юрисконсулти.
Инсонлар нега қайсидир вазиятни суратга муҳирлайди? Суратлар айнан бирор воқеа ёки лаҳзани хотира сифатида сақлаш ёки бирор бир ҳодиса тафсилотини бошқаларга етказиш учун керак, шундай эмасми?
Аҳолини рўйхатга олиш ҳам ҳудди суратга тушишдек гап, фақат бунда давлатнинг маълум даврдаги демографик ҳолати фактлаштирилади. Кўпчилик мамлакатларда ҳар 10 йилда аҳолини рўйхатга олиш ўтказилади.
Ўзбекистонда сўнгги марта аҳолини рўйхатга олиш ишлари 1989 йилда ўтказилган. Мустақиллик йилларида Ўзбекистон Республикасида аҳолини рўйхатга олиш ўтказилмаган. Мамлакатимиз аҳоли сонини аниқ ҳисоблаб чиқиш уларнинг жинси, ёши, оилавий аҳволи, маълумоти, турмуш даражаси, яшаш шароити, бандлиги, миллати, фуқаролиги ҳамда бошқа демографик, ижтимоий-иқтисодий хусусиятлари бўйича ягона маълумотлар базасини яратиш мақсадида, давлатимиз раҳбари томонидан «Ўзбекистон Республикасида Аҳолини рўйҳатга олишни ўтказиш концепциясини тасдиқлаш тўғрисида» ги фармон имзоланди.
Аҳолини рўйхатга олиш Ўзбекистонга қандай фойда келтиради?
Ўзбекистонда аҳолини рўйхатга олиш мамлакат фуқароларига ижобий таъсир кўрсатади бунга мисол қилиб мактаб ёшидаги болалар сони ҳақидаги маълумотлар мактаб қуриш бўйича режаларни мувофиқлаштиришга ёрдам беради. Ҳудудлар кесимида қаерда ва қайси соҳада янги иш ўринларига эҳтиёж мавжудлиги, қандай мутахассислар кераклигини билиш учун ишсизлар сони ва уларнинг малака даражасини билиш лозим. Фавқулодда вазиятларда ФВВ ходимлари, шунингдек, шифокорлар аҳолини рўйхатга олиш маълумотлари асосида зарур ёрдам кўламини белгилайди. Аҳоли сони ва даромади, унинг турар-жойга бўлган эҳтиёжи тўғрисидаги маълумотларга эга бўлган ҳолда, масалан, маиший техника ишлаб чиқарадиган корхоналар ишлаб чиқариш ҳажмини прогноз қилишлари мумкин, уларни импорт қилувчи компаниялар эса харидларни режалаштиришлари ва зарарни минималлаштиришлари мумкин. Аҳолини рўйхатга олиш макроиқтисодий кўрсаткичларни келгуси 10−20 йиллик даврга прогноз қилиш учун ҳам зарур. Статистик маълумотлар манзилли дастурларни ишлаб чиқиш, фуқаролар саломатлигини мустаҳкамлаш, оилаларга моддий кўмаклашишда муҳим аҳамиятга эга.