Сўнгги янгиликлар
Янгиликлар
Ўзбекистон Республикаси Президенти ҳузуридаги Ижтимоий ҳимоя миллий агентлиги директори Мансурбек Оллоёров ҳамда Наманган вилояти ҳокими Шавкатжон Абдураззоқовлар Косонсой туманидаги «Илк ривожланиш маркази»да бўлиб, яратилган шароитлар ва амалга оширилаётган ишлар билан яқиндан танишдилар.
Хабарингиз бор, муҳтарам Президентимиз раислигида ўтказилган видеоселекторда «Илк ривожланиш марказлари» ҳақида сўз борди, ҳамда ҳар бир туманда биттадан шундай марказларни ташкил этиш топшириғи берилди.
Мазкур марказ болаларни эрта ёшдан ривожлантириш хизматларидан фойдаланиб, мактабгача таълим муассасаларига қамраб олинмаган ва чекка қишлоқ жойларда яшовчи болалар учун таълимнинг муқобил шакли ҳисобланади.
Камбағал оила фарзандлари ҳамда турли нуқсонли болалар билан ишловчи ушбу марказ фаолиятидан ота-оналар жуда мамнун.
Ўзбекистон Республикаси Президенти ҳузуридаги Ижтимоий ҳимоя миллий агентлиги директори Мансурбек Оллоёров ҳамда Наманган вилояти ҳокими Шавкатжон Абдураззоқов «Илк ривожланиш маркази»даги болажонларнинг оналари билан суҳбатлашар экан, улар фарзандларидаги ижобий ўзгаришлар ва педогогик жамоанинг меҳнатларини эътироф этдилар. Шунингдек, уларнинг бу борадаги таклиф-мулоҳазалари ҳам тингланди.
Агентлик директори томонидан мазкур марказлар фаолиятини оммалаштириш ва янада такомиллаштириш юзасидан янги лойиҳалар амалга оширилиши айтиб ўтилди.
Ўзбекистон Республикаси Президенти ҳузуридаги Ижтимоий ҳимоя миллий агентлиги директори Мансурбек Оллоёров ҳамда Наманган вилояти ҳокими Шавкатжон Абдураззоқовлар Косонсой туманида ўрганиш олиб боришди.
Агентлик директори Косонсой туманидаги “Туятойди” массивида жойлашган “TERRY JAR” МЧЖ фаолияти билан яқиндан танишди. Корхонанинг экспорт салоҳияти, яратилган ишчи ўринлари, хусусан ногиронлиги бор шахслар ҳамда ижтимоий ҳимоя ягона реестрида турувчи фуқароларни бандлиги таъминланганлигига алоҳида эътибор қаратилди.
Мазкур корхонада ҳозирги кунда 2000 нафардан зиёд ишчи-ходимлар мавжуд бўлиб, улардан 200 нафари ижтимоий ҳимояга муҳтож фуқаролардан иборат. Улардан 12 нафарини ногиронлиги бор шахслар ташкил этади.
- Ўзим 2-гуруҳ ногирониман, оиламиз боқувчиси бетоблиги сабаб, оғир вазиятга тушиб қолган эдик. Ижтимоий ходим уйимизга келиб шароитимизни ўрганиб, ишга жойлашишимга кўмак берди. Ҳозир анча ўзимизни ўнглаб олдик, - дейди корхона ишчиси Атабекова Феруза.
Текстиль ва трикотаж маҳсулотлари ишлаб чиқаришга ихтисослашган мазкур корхона раҳбари томонидан келгусида яна 200 та иш ўрни яратилиши ва уларнинг 70 фоизи ижтимоий ҳимояга муҳтож фуқаролардан иборат бўлиши таъкидлаб ўтилди.
О.Игамбердиев 1992 йил Наманган шаҳрида туғилган. Маълумоти олий: 2021 йили Наманган муҳандислик-қурилиш институтини тамомлаган.
Меҳнат фаолиятини 2020 йилда Наманган шаҳар ҳокимлигининг Назорат-мониторинг шўъбаси мутахассиси сифатида бошлаган.
2021-2022 йилларда Наманган шаҳар ҳокимлиги ҳузуридаги ижтимоий кўникмалар ҳосил қилиш маркази бош мутахассиси, 2022-2023 йилларда Наманган шаҳар ҳокимлиги “Маҳаллабай ишлаш ва тадбиркорликни ривожлантириш маркази” шўъба бошлиғи бўлиб ишлаган.
Тайинловга қадар Наманган шаҳар Иқтисодиёт ва молия бўлими бош мутахассиси бўлиб фаолият кўрсатиб келаётган эди.
Мазкур тайинлов Наманган вилояти ҳокимининг тегишли қарори билан амалга оширилди.
Наманган вилояти ҳокимлиги Ахборот хизмати.
Никоҳ шартномасининг тузилиши никоҳ тугатилгандан кейин ҳам собиқ эр-хотинлар ўртасидаги мулкий муносабатларни тартибга солишда муҳимдир.Яъни, шартномада мулкий муносабатларга оид қоидаларнинг батафсил акс эттирилиши кейинчалик юзага келадиган мулк билан боғлиқ низолар, келишмовчиликларни судгача, тинч йўл билан ҳал этиш имкониятини яратиб, судлашиб юришнинг олди олинади.
Наманган вилоятида вилоят ҳокими томонидан тасдиқланган судлар, ИИБ, адлия бошқармаси ҳамда маҳалла ва оилани қўллаб-қувватлаш бошқармаси ва бошқа манфаатдор ташкилотлар билан ҳамкорликда қабул қилинган “Вилоятда оила муносабатларини мустаҳкамлаш ва никоҳдан ажратиш ҳолатларининг олдини олишга қаратилган чора-тадбирларни амалга оширишда тегишли давлат органлари ва жамоат ташкилотлари ҳамкорлигини янада кучайтиришга қаратилган” қўшма қарор, вилоят суди, вилоят Ёшлар ишлари бўйича агентлиги, маҳалла ва оилани қўллаб-қувватлаш бошқармаси билан ўзаро ҳамкорлик тўғрисидаги меморандумлар оилаларни мустаҳкамлаш, хотин-қизларнинг ҳуқуқларини ҳимоя қилиш, қонунсиз (шаръий) никоҳларни олдини олиш борасидаги ишларимизни самадорлигини янада оширишга хизмат қилмоқда.
Асосий қонунимиз бўлган Конституциямизнинг 76-моддасида Оила жамиятнинг асосий бўғини эканлиги ҳамда жамият ва давлат муҳофазасида бўлиш ҳуқуқига эга эканлиги алоҳида эътироф этилган.
Наманган вилояти суди айнан мана шу тамойилларга асосланган ҳолда ҳамда Наманган вилояти, туман ва шаҳар ҳокимликлари барча ҳуқуқни муҳофаза қилувчи идоралар, маҳалла ва оилани қўллаб-қувватлаш бўлимлари ҳамда маҳалла фаоллари билан ҳамкорликда иш юритмоқда.
Биз келгусида ҳамкорликдаги ишларимизни янада кучайтириб, ҳар бир маҳалла кесимида хотин-қизларга нисбатан оилавий зўравонлик қилиш ҳолатларини олдини олиш чораларини кўришимиз лозим.
Р. М. Бойқораев,
Фуқаролик ишлари бўийча Наманган туманлараро суди судьяси
Қирғизистон Ўзбекистоннинг энг яқин қўшниси ва ишончли ҳамкоридир. Икки халқнинг тарихи ва маданияти бир-бири билан узвий боғлиқ бўлиб, бугунги кунда ҳам қардошлик муносабатлари, самимий дўстлик ва яхши қўшничиликка мустаҳкам пойдевор бўлиб хизмат қилмоқда.
Аввал хабар берганимиздек, бугун қўшни Қирғизистон Республикаси Жалолобод вилоятининг Ола-буқа ҳамда Ахси туманлари ҳокимлари Руслан Айтбаев ва Замирбек Сыдыковлар бошчилигидаги делегация Янги Наманган туманида бўлиб ўтган 2-халқаро зотдор чорва ҳайвонлари ва паррандалари кўргазмасида иштирок этишди. Тадбирдан сўнг меҳмонлар Косонсой туман ҳокими Дилмурод Қодиров бошчилигида Косонсой туманига ташриф буюришди. Мақсад Ола-буқа ҳамда Ахси туманлари билан Косонсой тумани ўртасида қардошлик ришталарини янада мустаҳкамлаш, ўзаро ижтимоий-иқтисодий, туризм, қишлоқ хўжалиги, спорт, маданий, сармоявий, илмий-техникавий алоқаларини ўрнатиш каби масалар бўлди.
Ўз навбатида икки туман ҳокимлари Наманган вилояти, хусусан Косонсой тумани ҳақида илиқ фикрларни билдириб, ўзаро ҳамкорликни янада мустаҳкамлаш юзасидан фикр алмашишди. Самимий ва дўстона тарзда ўтган суҳбат чоғида ҳар икки томон ҳудудлараро алоқаларни янада мутаҳкамлаш учун кўп имкониятлар борлигини эътироф этдилар.
Мартабали меҳмонларга миллий урф-одатларимизга биноан чопон кийдирилиб, эсдалик совғалари топширилди.
Косонсой туман ҳокимлиги Ахборот хизмати.