Сўнгги янгиликлар
Янгиликлар
Йўлларимиз ва кўчаларимиз ободлигига ўз ҳиссасини қўшаётган фидойи касб эгалари ҳар тонг кўчаларни ораста қилишга киришадилар. Уларнинг чинакам меҳнати ўлароқ юрган йўлларимиз тоза ва озода.
Бугун, Косонсой тумани миллий маданият марказида туман ҳокими Дилмурод Қодиров бошчилигидаги сектор раҳбарлари, туман Халқ қабулхонаси мудири Тоҳирахон Муйдинова туман ободонлаштириш бошқармаси ходимлари учун сайёр қабул ўтказдилар.
Қабул давомида ходимларниннг турли масалаларда мурожаатлари тингланиб, ечими юзасидан тегишли ташкилот масъулларига йўналтирилди.
Сайёр қабулдан сўнг йил давомида фаоллик кўрсатган ходимларга эсдалик совғалари, барча ишчи ходимларга сектор раҳбарлари томонидан Янги йил байрами совғалари улашилди.
Косонсой туман ҳокимлиги Ахборот хизмати
Шу кунларда мамлакатимизнинг барча ҳудудларида бўлгани каби Косонсой туманида ҳам Янги йил байрами кўтаринки кайфиятда нишонланяпти.
Хусусан, бугун Косонсой туманида 51 нафар ота-она қарамоғидан маҳрум бўлган болалар, шунингдек, Ватанимиз тинчлиги йўлида мардларча ҳалок бўлган ҳуқуқни муҳофаза қилувчи органлар ходимларининг фарзандлари учун Президент совғалари туҳфа қилинди.
Тумандаги 4-сонли болалар мусиқа ва санъат мактабида ташкил этилган тадбирда Косонсой тумани ҳокими Дилмурод Қодиров бошчилигидаги сектор раҳбарлари, туман Халқ қабулхонаси мудири Тоҳирахон Муйдинова болаларни Янги йил билан табриклаб, уларга эзгу тилаклар билдиришди.
Шундан сўнг, туман сектор раҳбарлари томонидан барча таклиф этилган болажонларга “Президент совғаси” топширилди.
Шунингдек, бир қатор болажонларга “Президент совғаси” туман сектор раҳбарлари, Ижтимоий ҳимоя миллий агентлиги Наманган вилоят бошқармаси шўъба мудири Б.Алимов ҳамда "Инсон" ижтимоий хизматлар маркази ходимлари томонидан манзилларга бориб тақдим этилди.
Косонсой туман ҳокимлиги Ахборот хизмати
Косонсой тумани ҳокими - фуқаро муҳофазаси бошлиғининг соҳага оид топшириғи ижросини таъминлаш мақсадида Косонсой тумани фавқулодда вазиятлар бўлими ҳамда ҳамкор ташкилотларни жалб этган ҳолда Косонсой тумани “Улуғ чинор” маданият ва истироҳат боғида атракционлар билан боғлиқ фавқулодда ҳодисаларни олдини олиш ва уларнинг оқибатларини бартараф этишга қаратилган тарғибот тадбирлари ўтказилди.
Шунингдек, истироҳат боғи атрофида жойлашган умумий овқатланиш корхоналарида юз бериши мумкин бўлган ёнғинлар, чақнаш ҳолатлари, уй шароитида тайёрланган консерва маҳсулотлари ва овқатдан заҳарланиш, ботулизм касаллиги ҳамда ис газидан заҳарланишнинг олдини олиш бўйича соҳавий хизматлар билан ҳамкорликда профилактик тушунтириш ишлари олиб борилди.
Истироҳат боғида байрам тадбири арчасининг техник мустаҳкамлиги, ёнғин хавфсизлиги қоидаларига асосан ўрнатилганлиги кўздан кечирилиб, туну-кун навбатчилиги ташкил этилди. Бундан ташқари, ҳудудларда соҳага оид профилактик тарғибот тадбирлари ўтказилиб тунги рейд тадбирлари давом этмоқда.
Тошкент шаҳрида корейс тили бўйича II Республика олимпиадасининг якуний босқичи ҳамда олимпиада ғолиб ва совриндорларини тақдирлаш маросими бўлиб ўтди.
Мазкур олимпиада Мактабгача ва мактаб таълими вазирлиги, Ихтисослаштирилган таълим муассасалари агентлиги томонидан Корея Республикасининг Ўзбекистондаги элчихонаси ҳузуридаги Корея таълим маркази билан ҳамкорликда умумтаълим мактабларининг 9-, 10-, 11-синф ўқувчилари ўртасида 2 босқичда ташкил этилди.
Косонсой тумани 41-сонли мактабнинг 9-синф ўқувчиси Абдумуталов Одилхон мазкур Республика олимпиадасида муносиб иштирок этиб, совриндорлар қаторидан ўрин эгаллади. Ўқувчига Мактабгача ва мактаб таълими вазирлиги томонидан диплом, Корея Республикасига таълим саёҳати йўлланмаси ва эсдалик совғалари топширилди.
Косонсой туманида Янги йил байрамининг муносиб ўтказиш, жамоат тартибини сақлаш ҳамда фуқаролар хавфсизлигини таъминлаш мақсадида Косонсой туман ҳокими Д.Қодиров, туман ИИБ бошлиғи Р.Каримовлар томонидан ҳуқуқни муҳофаза қилувчи органлар вакилларига хизмат олди йўриқнома ўтказилиб, амалга оширилиши лозим бўлган вазифалар бўйича аниқ чора тадбирлар белгилаб берилди.
Шунингдек, ишчи гуруҳ томонидан янги арчаси ўрнатилган “Улуғ чинор” маданият ва истироҳат боғида аҳолига янги йил шукуҳини улашиш мақсадида олиб борилаётган ишлар кўздан кечирилди. Айниқса, хавфсизлик қоидаларига амал қилиш зарурлиги ҳисобга олиниб, масъулларга керакли кўрсатмалар берилди.
Тадбир жараёнида юзага келиши мумкин бўлган фавқулодда вазиятларнинг олдини олиш, байрам тадбири арчасининг техник мустаҳкамлиги, ёнғин хавфсизлиги қоидаларига асосан ўрнатилганлиги кўздан кечирилиб, куну-тун навбатчилиги ташкил этиш, ёнғин-қутқарув экипажларининг шайлигини ошириш, боғ атрофида тозалик ва ободонлаштиришга эътибор қаратиш, фуқароларга ва ташриф буюрадиган меҳмонларга шарт-шароитлар яратиш бўйича тегишли масъулларга топшириқ ва кўрсатмалар берилди.