Сўнгги янгиликлар
Янгиликлар
Бугун, 16 январь куни Ўзбекистон Республикаси Оила ва хотин-қизлар қўмитаси томонидан Зулфия номидаги давлат мукофоти танловининг Республика босқичи саралаш жараёнлари бошланди.
Танловнинг биринчи кунида Наманган вилоятидан номзоди тавсия этилган 7 нафар иқтидорли қизлар спорт ва санъат йӯналишида иштирок этишди.
Қувонарлиси, улар орасида Косонсой фарзандлари Мадина Усубжонова (Санъат) ҳамда Нуржаҳон Муҳиддинова (Спорт) ҳам бор.
Ҳамюртларимиз танловда фаол иштирок этишди. Эртага Косонсой туманидан Республика босқичига йӯлланма олган яна 4 нафар қизларимиз иштирок этишади.
Барча юртдошларимизга омад ва зафарлар тилаб қоламиз.
Косонсой тумани “Нуроний” жамғармаси ва туман “Лимончилик” мактаби ташаббуси билан, ўз хонадонида, боғларида, ташкилот-корхона қошида иссиқхона ташкил этган ва шу соҳа орқали даромад олиб, ишчи ўрни яратган ёшларга шу соҳада касб ўргатган фуқаролар ўртасида “Энг намунали иссиқхона ташкил этган” номинацияси бўйича танлов ўтказилади.
🔗 Танловда қатнашишни истаган фуқаролар қуйидаги маьлумотни тақдим этишлари керак: 1️⃣ Танловда қатнашувчи фуқаро манзили ва телефон рақами;2️⃣ Танловда қатнашувчи фуқаро ҳақида маълумот;3️⃣ Иссиқхона қурилиши ва етиштирилаётган маҳсулот ҳақида маълумот;4️⃣ Ишчи ўрин яратганини асослантирувчи маълумот;5️⃣ Ёшларни касб ўргатгани ва ёшларни шу соҳа бўйича иш ташкил этилгани ҳакида;
📎 Ҳамма маълумотлар электрон ва ёзма равишда, иложи борича сифатлироқ суратлар билан тақдим қилиниши керак. 📃 Ҳужжатлар 10.02.2025 гача “Лимончилик” мактаби маъмурияти томонидан қабул қилинади.
📞 Мурожаат учун телефон: +998939484663 (Телеграм ҳам шу рақамда).
✅ Ғолиблар "Нуроний" жамғармаси Косонсой туман бўлими томонидан диплом ҳамда эсдалик совғалари билан тақдирланади.
Ташкилий қўмита
Жорий йилнинг 15 январь куни “Қорасув” ва “Боғ” маҳаллаларида Косонсой туман фавқулодда вазиятлар бўлими ҳарбий ва хизматчилари томонидан “Чоршанба - фавқулодда вазиятлар профилактикаси куни” муносабати билан тадбир ўтказилди. Унда ҳамкор хизматлар билан биргаликда хонадонларда профилактик тадбирлар ўтказилди. Ўрганишлар давомида хонадон эгаларига ёнғин хавфсизлиги қоидаларига амал қилиш, ис гази ва ботулизмдан заҳарланишни олдини олиш, аҳоли хонадонларида газ конденсатидан фойдаланмаслик, ёнғин ва чақнаш ҳолатларига йўл қўймаслик тўғрисида тушунтириш ишлари олиб борилиб, йўриқнома берилди.
Шунингдек, туман фавқулодда вазиятлар бўлимига бириктирилган “Қорасув” маҳалласида жойлашган 25-сонли мактаб ўқувчиларига техника намойиши ва учрашув ўтказилди.
Oʻzbekiston Respublikasi Prezidentining 2024-yil 5-apreldagi PQ-153 sonli qarori qabul qilindi. 2024-yilda Kosonsoy tumani hokimligi zaxirasidagi 366 gektar yer maydoni elektron onlayn auksion savdolariga qoʻyilib, 30 yil muddatga 1414 nafar yoshlarga 367 gektar yer maydolarini
“e-auksion.uz” platformasi orqali ijaraga beriladi.
Shuningdek, “Bir massiv - bir mahsulot” tamoyili asosida qishloq xoʻjaligi mahsulotlarini yetishtirishdan sotishgacha boʻlgan zanjirni qamrab oluvchi yangi tizim joriy etiladi.
Qarorga muvofiq:
- yer maydonini ijaraga berish boʻyicha elektron onlayn auksion savdolari “E-auksion” elektron savdo platformasi orqali “mahalla yettiligi” ning tavsiyasi bilan shakllantiriladigan roʻyxatga kiritilgan yoshlar oʻrtasida oʻtkaziladi;
- yer maydonlarini ijaraga berish boʻyicha elektron onlayn auksion savdolari gʻoliblariga yer uchastkasi narxini 10 yil muddatga teng ulushlarda foizsiz boʻlib-boʻlib toʻlashga ruxsat beriladi;
- zakalat puli bazaviy hisoblash miqdorining 1 baravari miqdorida belgilangan.
Bunda, elektron onlayn auksion savdolarida 1 nafar talabgor ishtirok etgan taqdirda, istisno tariqasida, auksion oʻtkazilgan hisoblanadi hamda ushbu imtiyozli shartlar asosida oʻtkaziladigan auksion savdolarida yoshlarga yer maydonini faqat bir marotaba ijaraga olishga ruxsat beriladi.
Kosonsoy tumani hokimi Dilmurod Qodirovning jismoniy va yuridik shaxslar uchun navbatdagi qabuli “Doʻstlik” mahallasida oʻtkazildi. Sayyor qabullar xalqning uzogʻini yaqin qilayotgani shu kabi tadbirlarda namoyon boʻladi.
Bugun qabulda murojaatchilarning aksariyat qismi mazkur mahalla fuqarolarini tashkil etdi. Jumladan, bugun fuqarolarning uy-joy, moddiy yordam, ijtimoiy koʻmak, tibbiy yordam, bandlik hamda tadbirkorlik faoliyatini yoʻlga qoʻyish kabi masalalari koʻrib chiqildi.
Qabulda qatnashgan masʼullar bilan murojaatlarga yechim izlandi, oʻrganib chiqish va amaliy yordam berishga aniq muddat belgilandi.