Сўнгги янгиликлар
Янгиликлар
Давлатимиз раҳбари томонидан тадбиркорларга жуда катта имкониятлар ва шароитлар яратилмоқда. Бундан руҳланган хусусий сектор вакиллари ўзларига куч ва ғайрат-шижоат олиб, фаолиятларини кенгайтиришмоқда, қўшимча янги иш ўринларини яратишяпти.
Худди шу маънода бугун Косонсой туманида ҳам тадбиркорликни ривожлантириш борасидаги ташаббуслар қўллаб қувватланиб, янги иш ўринлари яратилмоқда.
Косонсой тумани "Гулобод" маҳалласининг "Меъмор" кўчасида лойиҳа қиймати 3 млрд. сўм бўлган замонавий типдаги “MAGNIS” супермаркетининг янги филиали ўз фаолиятини бошлади. Тадбиркор Бахтиёр Султонов томонидан асос солинган, Тошкент шаҳридаги замонавий супермаркетлардан қолишмайдиган ушбу савдо комплекс косонсойликлар учун чинакам туҳфа бўлди. Қувонарлиси, янги супермаркетнинг фаолият бошлаши ҳисобига 20 нафар ишсиз ёшлар бандлиги таъминланди.
Тантанали очилиш маросимига ташриф буюрган Косонсой тумани ҳокими Дилмурод Қодиров ташаббускорнинг аҳоли фаровонлигига, узоғини яқин қилишга, сифатли озиқ-овқат маҳсулотлари билан таъминлашга хизмат қилувчи эзгу саъй-ҳаракатига омад тилади. Мана шундай тадбиркорларимиз сафи янада кўпайишига умид билдирди.
Косонсой туман ҳокимлиги Ахборот хизмати.
Косонсой тумани «Файзобод» маҳалла фуқаролар йиғини ҳудудида олиб борилаётган инфратузилма ишлари аҳоли фаровонлигини оширишга қаратилган муҳим қадамдир.
Ушбу ҳудудда яқинда қабул қилинган махсус қарорга асосан 2,2 км узунликдаги 0.4-10 кВ тармоқ тортилди. Бугун ушбу маҳаллага 400кВА кучланишли трансформатор пункти ўрнатилиб, электр таъминоти яхшиланди.
Трансформатор пунктининг ўрнатилиши нафақат электр энергияси таъминотининг сифатини оширишга, балки ҳудуднинг иқтисодий ва ижтимоий ривожланишига ҳам катта ҳисса қўшади. Аҳоли уй-жойларида электр энергияси билан боғлиқ муаммолар бартараф этилиши натижасида, хонадонларда яшаш шароитлари яхшиланади, уй-рўзғор техникалари ва бошқа электр қурилмаларининг барқарор ишлаши таъминланади.
“Файзобод” маҳалласидаги мазкур лойиҳа давлатнинг ижтимоий соҳадаги саъй-ҳаракатларининг натижаси бўлиб, аҳолини замонавий инфратузилма билан таъминлашга бўлган ёрқин намунасидир.
Namangan Toʻqimachilik Sanoati Institutida talabalar uchun “Yoshlar oqshomi” nomli madaniy tadbir o‘tkazildi. Kecha davomida turli ijodiy chiqishlar, “Osh tanlovi” va liboslar ko‘rgazmasi namoyish etilib, talabalar o‘z iste’dodlarini ko‘rsatish imkoniga ega bo‘ldilar.
Tadbirning asosiy maqsadi talabalar hayotini madaniy jihatdan boyitish va ijodkor yoshlarga o‘z qobiliyatlarini namoyon qilish uchun sahna yaratish edi.
Institut rektori Q.Xoliqov hamda O‘zbekiston yoshlar ittifoqi Namangan viloyati kengashi raisi B.Umarov Yoshlar ittifoqi viloyat Kengashi boshlagʻich tashkilot yetakchilari bilan ishlash boʻyicha raisi oʻrinbosari M.Axralovalar “Osh tanlovi” g‘oliblarini taqdirlab, sovg‘alar topshirdilar. Shuningdek, yangi saylangan yoshlar ittifoqi koordinatorlariga ishonch yorliqlari va esdalik sovg‘alari taqdim etildi.
“Yetakchi spartakiadasi"aynan shu shior ostida davom etmoqda. Mahallalardagi yoshlar yetakchilarining intellektual salohiyatni yuksaltirish maqsadida yoshlar yetkachilari o'rtasida aql jangi "Zakovat", o'yini tuman bosqichi o'tkazildi.
🏆 Musobaqaning tuman bosqichida bellashayotgan yoshlar yetakchilari jamoaviy ishlash va birdamlik orqali g'alabaga erishishmoqda.G'olib bo'lgan yoshlar yetakchilari viloyat bosqichiga yo'llanmani qo'lga kiritishdi.
Наманган вилояти адлия бошқармаси бошлиғининг тегишли буйруғи билан Ахунова Ойлор Мамаджановна Косонсой тумани адлия бўлими фуқаролик ҳолати далолатномаларини ёзиш бўлими мудири лавозимига тайинланди.
О.Ахунова тайинловга қадар Норин тумани адлия бўлими фуқаролик ҳолати далолатномаларини ёзиш бўлими мудири лавозимида фаолият юритган.
О.Ахуновани тайинлов билан қутлаб, келгусидаги ишларида омад ва муваффақиятлар тилаймиз.