Сўнгги янгиликлар
Янгиликлар
Аҳолини рўйхатга олиш соҳасини давлат томонидан тартибга солиш:
Аҳолини рўйхатга олиш соҳасини давлат томонидан тартибга солиш ЎзР ВМ, ЎзРда Аҳолини рўйхатга олишни ўтказишга кўмаклашиш бўйича республика комиссияси, Аҳолини рўйхатга олиш соҳасидаги махсус ваколатли давлат органи, шунингдек маҳаллий давлат ҳокимияти органлари томонидан ўз ваколатларига мувофиқ амалга оширилади.
Ўзбекистон Республикаси Вазирлар Маҳкамасининг Аҳолини рўйхатга олиш соҳасидаги ваколатлари:
Аҳолини рўйхатга олиш соҳасида ягона давлат сиёсати амалга оширилишини таъминлайди; Аҳолини рўйхатга олишга тайёргарлик кўриш ва уни ўтказиш тартибини, Аҳолини рўйхатга олиш дастурини ҳамда рўйхатга олиш варағининг шаклларини тасдиқлайди; Аҳолини рўйхатга олишнинг якуний маълумотларидан фойдаланиш тартибини белгилайди; давлат бошқаруви органларининг ва маҳаллий давлат ҳокимияти органларининг Аҳолини рўйхатга олиш соҳасидаги фаолиятини мувофиқлаштиради; Аҳолини рўйхатга олишга жисмоний ва юридик шахларни жалб этиш ва ҳақ тўлаш тартибини белгилайди.
Ўзбекистон республикасида АРОни ўтказишга кўмаклашиш бўйича республика комиссияси:
Аҳолини рўйхатга олишга тайёргарлик кўриш ва уни ўтказиш билан боғлиқ чора тадбирларни ўз вақтида ва сифатли бажарилишини ҳамда жараёнларнинг мувофиқлаштирилиши ва маниторингини амалга оширади; Аҳолини рўйхатга олиш натижаларини таҳлилини ўтказади; Аҳолини рўйхатга олишга тайёргарлик кўриш ва уни ўтказишни молиялаштириш, Аҳолини рўйхатга олиш материалларига ишлов беришни ташкил этиш ва унинг якуний натижаларини эълон қилиш масалаларига доир таклифларни кўриб чиқади; Аҳолини рўйхатга олишга жисмоний ва юридик шахсларни жалб қилиш ва ишига ҳақ тўлашни ташкил қилади; Халқаро ташкилотлар билан ҳамкорлик қилишни амалга ошириш бўйича таклифлар ишлаб чиқади; Республика комиссисини шакллантириш ва унинг фаолиятини ташкил этиш тартиби Ўзбекистон Респбликаси Президенти томонидан белгиланади, Статистика агентлиги республика комиссиясининг ишчи органидир.
Аҳолини рўйхатга олиш соҳасида махсус ваколатли давлат органи:
Рўйхатга олиш хужжатлари шаклларини, рўйхатга олувчи ходимлар гувоҳномаси шаклини ишлаб чиқади ва тасдиқлайди; Аҳолини рўйхатга олиш дастури ва рўйхатга олиш хужжатларини ишлаб чиқади; рўйхатга олиш варақлари тайёрланишини ва ҳудудларга етказилишини таъминлайди; Аҳолини рўйхатга олишни ўтказиш тўғрисида аҳолини хабардор қилишга доир ишларни мувофиқлаштиради; рўйхатга олувчи ходимларни танлаб олиш ва ўқитиш тартибини, шунингдек шахсга доир маълумотларга ишлов бериш тартибини белгилайди ва ишлов беради; рўйхатга олиш варағи ва бошқа хужжатларни сақланиши ва йўқ қилинишини тартибини белгилайди.
O‘zbekiston Respublikasining ma’muriy javobgarlik to‘g‘risidagi kodeksining 36-moddasiga asosan ma’muriy jazo huquqbuzarlik sodir etilgan kundan boshlab, davom etayotgan huquqbuzarliklar uchun esa, huquqbuzarlik aniqlangan kundan boshlab bir yildan kechiktirmay qo‘llanilishi mumkin.
Mazkur kodeksning 271-moddasi 7-bandiga binoan ma’muriy huquqbuzarlik to‘g‘risidagi ishni ko‘rib chiqish paytiga kelib ushbu Kodeksning 36-moddasida nazarda tutilgan muddatlar o‘tib ketgan bo‘lsa ma’muriy huquqbuzarlik to‘g‘risidagi ishlarni yuritishni boshlash mumkin emas, boshlangan ish esa tugatilishi lozim.
Sizda ma’muriy jazo o‘sha payt qo‘llangan bo‘lsa ya’ni o‘sha payt jarima qo‘llash haqida qaror qabul qilingan bo‘lsa bunda uch oy ichida qaror kelsagina to‘lashingiz kerak.
"Yo‘l harakati qoidalarining buzilishiga doir ma’muriy ishlarni ko‘rib chiqish tartibi to‘g‘risida"gi YO‘RIQNOMAning 69-bandiga asosan agar ma’muriy jazo qo‘llanish to‘g‘risidagi qaror chiqarilgan kundan boshlab uch oy mobaynida ijroga qaratilmagan bo‘lsa (qaror nusxasi huquqbuzarga topshirilmagan, huquqbuzarning ishlash, yashash joyiga yoki davlat ijrochisiga yuborilmagan bo‘lsa va h. k.), u holda bunday qaror ijro etilmaydi. Ushbu holat bo‘yicha xizmat tekshiruvi o‘tkaziladi va aybdor mansabdor shaxsga nisbatan tegishli intizomiy chora ko‘rilib, u haqidagi ma’lumot ma’muriy ish hujjatlariga qo‘shib qo‘yiladi.
Agar o‘sha payt bayonnoma tuzib oradan bir yil o‘tib qaror chiqargan bo‘lsa jarima to‘lamaysiz.
Namangan viloyati Adliya boshqarmasi Kosonsoy tuman Adliya bo‘limi Yuridik xizmat ko‘rsatish markazi bosh yuriskonsulti
J.K.Akramov
Homiladorlik va tug‘ish bo‘yicha nafaqa, homiladorlik va tug‘ish bo‘yicha nafaqani tayinlash va to‘lash uchun belgilangan tartibda berilgan mehnatga layoqatsizlik varaqasi asos bo‘ladi. Varaqa yo‘qolgan hollarda nafaqa uning o‘rniga takroriy berilgan vaqtincha mehnatga layoqatsizlik varaqasi (dublikat) asosida beriladi.
Vaqtincha mehnatga qobiliyatsizlik, homiladorlik va tug‘ish bo‘yicha nafaqalar barcha hollarda xodimning haqiqiy ish haqidan hisoblab chiqariladi.
Nafaqalarni hisoblashda asos qilib olinadigan haqiqiy ish haqiga ish joyidan, sug‘urta badallari undirilib to‘lanadigan jami ish haqi to‘lovlari kiradi.
Vaqtincha mehnatga qobiliyatsizlik yoki homiladorlik ta’tili boshlangan oydan oldingi 12 oy davrida olgan va sug‘urta badallari chegirilgan barcha mukofotlarning 1/12 qismi nafaqa hisoblab chiqariladigan oylik ish haqiga qo‘shilib, o‘rtacha oylik ish haqi miqdori aniqlanadi.
12 oy to‘liq ishlamaganlar uchun “dekret puli” 75% to‘lanadi.
Mehnat kodeksining 404-moddasi 1-qismiga ko‘ra, “dekret puli” o‘rtacha oylik ish haqining 75 foizidan kam bo‘lmagan miqdorda to‘lanishi belgilangan.
O‘zbekiston Respublikasi Prezidentining 2016 yil 27 dekabrdagi PQ-2699-son qaroriga ko‘ra, 12 oydan ko‘proq tanaffusdan so‘ng mehnat faoliyatini qaytadan boshlovchi xodimlar uchun dekret puli 75 foiz to‘lanishi belgilangan.
Namangan viloyati Adliya boshqarmasi Kosonsoy tuman Adliya bo‘limi Yuridik xizmat ko‘rsatish markazi boshlig‘i
- A.G‘ofurov
Косонсой туманидаги Абу Али ибн Сино номидаги Жамоат Саломатлиги техникумида 2024-2025 ўқув йилида Давлат тест синовлардан муваффақиятли ўтиб, техникум ўқувчилар сафига қабул қилинган ўқувчиларнинг "Ўқувчилик қасамёди" деб номланган тадбир ўтказилди.
Давлат мадҳияси билан бошланган тадбир, иқтидорли ўқувчилар томонидан тайёрланган ажойиб куй-қўшиқ ва рақсларга уланиб кетди.
Тадбирда Косонсой туман ҳокими ўринбосари А.Шералиев иштирок этиб, барча талабаларга янги ўқув йилида муваффақият тилади.
Тадбир сўнгида фаол ўқувчилар техникум маъмурияти томонидан тақдирланди.
Kosonsoy tumani hokimining maʼnaviy-maʼrifiy ishlar samaradorligini oshirish, davlat tili toʻgʻrisidagi qonun hujjatlariga rioya etilishini taʼminlash masalalari boʻyicha maslahatchisi Zamira Nishanova, tumanda Oʻzbekiston Respublikasi Prezidentining 2019-yil 21-oktyabrdagi “Oʻzbek tilining davlat tili sifatidagi nufuzi va mavqeini tubdan oshirish chora-tadbirlari toʻgʻrisida”gi Farmoni ijrosini taʼminlash maqsadida tuman hokimligi xodimlari yigʻilish oʻtkazdi.