Сўнгги янгиликлар
Янгиликлар
Косонсой туманидаги 8-сонли умумий ўрта таълим мактабида “Эзгулик, билим ва маърифатни қурол қилиб, жаҳолат ва ёвузлик йўлини тўсайлик!” шиори остида ота-оналарга кенг жамоатчилик иштирокида директор томонидан мурожаат қилинди.
Унда ўқувчиларнинг ўз вақтида дарсларга иштирокини таъминлаш, дарсдан сўнг тўгараклар ёки касб-ҳунар билан банд қилиш, болаларга тегишли ҳужжатларсиз автотранспорт воситаларини ишониб топширмаслик ёки уларни бошқаришга рухсат бермаслик кабилар бўйича суҳбатлашилди.
Фарзандларни тўғри тарбиялаш нафақат ота-онанинг, балки ҳар бир инсоннинг жамият олдидаги муқаддас инсонийлик бурчи экани яна бир бор эслатиб ўтилди.
Косонсой туман электр таъминоти ишчи ходимлари томонидан аҳолига барқарор электр энергияси билан таъминлаш мақсадида, янги электр тармоғи тортиш ишлари олиб борилмоқда.
Жумладан, «Файзобод» маҳалла фуқаролар йиғинига қарашли ҳудудларда янги электр тармоғи қуриш ишлари олиб борилмоқда.
Ушбу ҳудудда дастурга асосан махсус техникалар жалб қилиниб ишлар давом этмоқда. Янги темир бетон таянчларни ўрнатиш учун авто кран ҳамда ишчи ходимлар бириктирилган.
Мамлакатимизда ёшларга оид давлат сиёсати изчил амалга оширилиб, бутун ишончимиз ва асосий суянчимиз бўлган ёшлар тақдири ва келажаги доимий давлатимиз эътиборида бўлиб келаётир.
Албатта, бу эътибор замирида мамлакатимиз ёшларини ҳар томонлама камол топтириш, мустақил ва эркин фикрлайдиган, соғлом ва баркамол авлодни вояга етказишдек эзгу мақсад мужассам. Зеро, давлатимиз раҳбарининг: «Янги Ўзбекистонни, албатта, ёшлар билан бирга қурамиз, деган фикрлари, ҳар доим ёшларни янги марралар сари янада руҳлантирмоқда.
Бугун, 16 октябрь куни Косонсой туманидаги Миллий маданият марказида туман сектор раҳбарлари илмга ташна, билимли ҳамда иқтидорли ёшлар билан учрашдилар.
Учрашувдан мақсад иқтидорли ёшларни қизиқтираётган саволлар, мавжуд муаммоларни биргаликда ҳал қилиш ва иқтидорли ёшларни қўллаб қувватлашдир.
Шунингдек, учрашув давомида иқтидорли йигит-қизлар томонидан ўртага ташланган қатор таклиф ва ташаббуслар қўллаб-қувватланиб, амалга ошириш юзасидан чора-тадбирлар белгиланди.
Косонсой туман ҳокимлиги Ахборот хизмати.
Бугунги кунда Косонсой туманида 55та мактаб бўлиб, унда жами 40 993 нафар ўқувчилар таълим-тарбия олиб келишмоқда.
📌 Ўқувчилари энг кўп мактаблар учлиги қуйидагилар:1️⃣ 5-мактаб - 2415 нафар ўқувчи;2️⃣ 2-мактаб - 1909 нафар ўқувчи;3️⃣ 8-мактаб - 1906 нафар ўқувчи.
Косонсой туман ҳокимлиги Ахборот хизмати.
Har kim o‘z huquq va erkinliklarini qonunda taqiqlanmagan barcha usullar bilan himoya qilishga haqli
O’zbekiston Respublikasi Konstitutsiyasiga muvofiq, shaxsni ushlash chog‘ida unga tushunarli tilda uning huquqlari va ushlab turishning qonuniy asosi tushuntirilishi kerak.
Gumon qilinuvchi, ayblanuvchi va sudlanuvchi o‘zining aybsizligini isbotlab berishga majbur emas.
Qonunni buzgan holda olingan dalillardan odil sudlovni amalga oshirish chog‘ida foydalanishga yo‘l qo‘yilmaydi.
Hibsga olishga, qamoqqa olishga va qamoqda saqlashga faqat sudning qaroriga ko‘ra yo‘l qo‘yiladi.
Uy-joyda tintuv o‘tkazishga faqat qonunga muvofiq va sudning qaroriga asosan yo‘l qo‘yiladi.
Jinoyat uchun hukm qilingan har kim qonunda belgilangan tartibda hukmning yuqori turuvchi sud tomonidan qayta ko‘rib chiqilishi huquqiga, shuningdek afv etish yoki jazoni yengillashtirish to‘g‘risida iltimos qilish huquqiga ega.
Gumon qilinuvchi, ayblanuvchi va sudlanuvchi tergov va suddagi savollarga javob bermasdan sukut saqlash huquqidan foydalanishi mumkin.
Shaxs sudning qarorisiz qirq sakkiz soatdan ortiq muddat ushlab turilishi mumkin emas.
O‘z isbotini topmagan aybdorlikka oid barcha shubhalar gumon qilinuvchi, ayblanuvchi, sudlanuvchi yoki mahkumning foydasiga hal qilinadi.
Inson o‘ziga va yaqin qarindoshlariga qarshi guvohlik berishga majbur emas.
Agar shaxsning o‘z aybini tan olganligi unga qarshi yagona dalil bo‘lsa, u aybdor deb topilishi yoki jazoga tortilishi mumkin emas.
Mahkum o‘ziga nisbatan insoniy muomalada bo‘linishi hamda inson shaxsiga xos bo‘lgan sha’ni va qadr-qimmati hurmat qilinishi huquqiga ega.
Har kim yozishmalari, telefon orqali so‘zlashuvlari, pochta, elektron va boshqa xabarlari sir saqlanishi huquqiga ega.
Ushbu huquqning cheklanishiga faqat sudning qaroriga asosan yo‘l qo‘yiladi.
Advokatga o‘z himoyasidagi shaxs bilan moneliksiz va xoli uchrashish, maslahatlar berish uchun shart-sharoitlar ta’minlanadi.
Advokat, uning sha’ni, qadr-qimmati va kasbiy faoliyati davlat himoyasida bo‘ladi va qonun bilan muhofaza qilinadi.
Huquqbuzarliklardan jabrlanganlarning huquqlari qonun bilan muhofaza qilinadi.
Davlat jabrlanganlarga himoyalanishni va odil sudlovdan foydalanishni ta’minlaydi, ularga yetkazilgan zararning o‘rni qoplanishi uchun shart-sharoitlar yaratadi.
Ayblanuvchiga o‘zini himoya qilish uchun barcha imkoniyatlar ta’minlanadi.
Kosonsoy tuman YXMK raxbari
F.A.G’ofurov