Сўнгги янгиликлар
Янгиликлар
Сессияда кун тартиби ва иш регламенти тасдиқланиб биринчи масала юзасидан Ўзбекистон Республикаси Президентининг Косонсой туман Халқ қабулхонаси мудири Т.Муйдинованинг “Ҳоким ёрдамчилари фаолиятини натижадорлигини ўрганиш” юзасидан ахбороти тингланди.
Навбатдаги Косонсой туман ички ишлар бўлими бошлиғи Б.Шукуровнинг Ҳуқуқбузарликларнинг олдини олиш ва уларнинг профилактикаси ҳолати бўйича туманда амалга оширилаётган ишлари ҳамда йўлларда ҳаракат хавфсизлигини таъминлаш бўйича олиб борилаётган ишлар юзасидан ҳисоботи эшитилди.
Шунингдек, кун тартибида Туман прокурори 2-сектор раҳбари Қ.Асқаровнинг “Ёшлар дафтари”га киритилган ёшларнинг бандлигини таъминлаш ва моддий ёрдам бериш орқали уларга даромад яратиш ҳамда “Ёшлар дафтари” дан чиқариш юзасидан ҳисоботи, Маҳаллий бюджет ижроси тўғрисида, шунингдек ҳудуд салоҳиятидан келиб чиққан ҳолда маҳаллий бюджет даромадларининг қўшимча манбаларини шакллантириш ҳамда қўшимча манбалардан фойдаланиш йўналишлари, жумладан, маҳаллий бюджет даромадларини оширишнинг аниқланган резервлари ҳамда Косонсой тумани маҳаллий бюджетининг 2022 йил тасдиқланган параметрларида туман Ободонлаштириш бошқармасида ички йўлларни таъмирлаш учун ажратилган маблағлар ҳисобидан “Очиқ бюджет” ахборот портали орқали “Менинг йўлим” лойиҳасида энг кўп овоз тўплаган таклифлар учун маблағлар ажратиш юзасидан туман молия бўлими бошлиғи Э.Тошпўлатовнинг ҳисоботи, Ҳудудда инвестицияларни жалб қилиш ва инвестиция лойиҳаларини амалга ошириш бўйича туман ҳокимлигининг котибият мудири Р.Хожиевнинг ҳисоботи, “Саховат ва кўмак” жамғармасига тушган маблағларини сарфлаш юзасидан “Маҳалла” хайрия жамоат фонди раис М.Носировнинг ҳисоботи, Косонсой туманида “Аёллар дафтари”га киритилган аёлларни қўллаб-қувватлаш, ижтимоий ҳимоясини кучайтириш юзасидан ажратилган моддий маблағлар ҳамда Ўзбекистон Республикаси Президентининг 2022 йил 7 мартдаги “Оила ва хотин-қизларни тизимли қўллаб–қувватлашга доир ишларни янада жадаллаштириш чора-тадбирлари тўғрисида”ги ПФ-87-сон Фармонининг туманда бажарилиши юзасидан туман ҳокимининг ўринбосари-оила ва хотин-қизлар бўлими бошлиғи Д.Турғунованинг ҳисоботи, Халқ депутатлари Косонсой туман Кенгашига сайлов ўтказувчи туман сайлов комиссияси таркибига ўзгартириш киритиш юзасидан туман марказий сайлов комиссияси раиси М.Носировнинг ахбороти ҳамда Ўзбекистон Республикаси Президентиннг “Ўзбекистонда янги тараққиёт давридаги таьлим-тарбия ва илм-фан соҳаларини ривожлантириш чора-тадбирлари тўғрисида”ги 2020 йил 6 ноябрдаги ПФ-6108-сон Фармонининг тумандаги ижроси юзасидан Халқ депутатлари туман Кенгаши котибияти мудири Д.Валиеванинг ахбороти тингланди
Муҳокамаларга бой ўтган сессияда туман Кенгаши депутатларининг саволларига ахборот берувчилар томонидан атрофлича жавоблар берилди.Сессия якунида Халқ депутатлари Косонсой туман Кенгашининг тегишли қарорлари қабул қилинди.
Шу билан Халқ депутатлари Косонсой тумани Кенгашининг 47-сессияси ўз ишини якунлади.
Бугун, Косонсой тумани “Соҳил” ёзги болалар оромгоҳида Халқ таълими, Соғлиқни сақлаш, Фавқулодда вазиятлар, Ички ишлар вилоят бошқармалари билан ҳамкорликда 2022 йилги ёзги мавсумни уюшқоқлик билан ташкил этиш мақсадида ташкилотчилар ва уларга жалб этиладиган ходимлар учун вилоят семинари бўлиб ўтди.
Тадбирда вилоят ҳокими ўринбосари Ғуломжон Муродхўжаев, Халқ таълими бошқармаси бошлиғи Рустамжон Исраилов, Фавқулодда вазиятлар бошқармаси бошлиғи генерал-майор Қосимали Аҳмедов, туман (шаҳар) ҳокимларининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосарлари, вилоят соғлиқни сақлаш, ички ишлар бошқармалари масъул ходимлари, оромгоҳлар директорлари, бош тарбиячилари, спорт йўриқчилари, тиббиёт ходимлари, касаба уюшма қўмиталари раислари, тармоқ касаба уюшмалари Республика кенгашларининг вилоятдаги масъул ташкилотчилари, меҳнат ва дам олиш оромгоҳлари раҳбарлари, касаба уюшма фаоллари, оммавий ахборот воситаларининг вакиллари иштирок этдилар.
Амалий семинар давомида болажонлар дам олиш вақтининг мазмунли ўтиши, уларни назоратга олиш, санитария қоидаларига риоя этилиши, ёнғин хавфсизлиги қоидаларига риоя этилиши бўйича тушунчалар берилди.
Шундан сўнг семинар иштирокчилар ўзларининг фикр-мулоҳазаларини билдириб ўтишди ва ўзларини қизиқтирган саволларга масъул ходимлардан жавоб олишди.
Семинар давомида қатнашчилари оромгоҳда яратилган шароитлар билан танишишди. Оромгоҳда замонавий жиҳозлар билан таъминланган ётоқ павильони, ёзги амфитеатр, сузиш ҳавзаси, спорт мажмуаси, ташқи ва ички ўйингоҳлар ҳамда ошхонада ташкил этилган қулайликлар иштирокчиларда катта қизиқиш уйғотди.
Шунингдек, меҳмонлар оромгоҳдаги болалар учун қизиқарли адабиётлар билан таъминланган кутубхона, маънавият ва тиббиёт хоналари билан танишдилар.
Болалар ҳаётимиз давомчилари, келажагимиз эгаларидир. Бинобарин, уларни асраб-авайлаш, ҳар томонлама баркамол қилиб вояга етказиш ҳар бир давлат, ҳар бир оила, ҳар бир ота-онанинг муқаддас бурчидир. Ўзбекистонда ҳам фарзандларимиз ана шундай меҳр-муҳаббат, улкан ғамхўрликлар оғушида вояга етмоқда.
Бугун, 1 июнь – Халқаро болаларни ҳимоя қилиш куни республикамизнинг барча ҳудудлари қатори Косонсой туманида ҳам кенг нишонланди.
Жойларда, хусусан, туманимиздаги барча мактабгача таълим муассасаларида, маҳаллаларда болажонларимиз учун байрам дастурлари ташкил этилди.
Турли даражадаги раҳбар-ходимлар, жамоатчилик вакиллари тадбирларда, хонадонларда, маҳалалларда ҳозир бўлиб, болажонларга байрам совғаларини улашдилар. Уларни келажакда етук шахслар бўлиб вояга етишларини тиладилар.
So’ngi yillarda Yuridik ta’lim sohasiga juda katta e’tibor qaratilmoqda. Jumladan, O’zbekiston Respublikasi VMning 2021-yil 22-noyabrdagi 705-sonli “O’zbekiston Respublikasi Adliya vazirligi tizimidagi ta’lim muassasalari faoliyatini yanada takomillashtirish chora tadbirlari to’g’risida” gi qarorining qabul qilinishi ham bu boradagi islohotlarni yangi bosqichga olib chiqdi.
Qarorga ko’ra TDYU bakalavriat ta’lim yo‘nalishlariga sirtqi ta’lim shakli hamda ikkinchi va undan keyingi oliy ta’limga qabulni Vazirlar Mahkamasi huzuridagi Davlat test markazi tomonidan o‘tkaziladigan test sinovlari orqali amalga oshirish. Respublikadagi oliy ta’lim tashkilotlarining buyurtmalariga ko‘ra TDYU magistraturasida bazaviy oliy yuridik ma’lumotga ega bo‘lgan kadrlarni maqsadli tayyorlash uchun kirish sinovlarisiz magistraturaga qabul parametrlaridan tashqari to‘lov-kontrakt asosida qabul qilish, shuningdek, ushbu tashkilotlarga ularning budjetdan tashqari mablag‘lari hisobidan kontrakt to‘lovlarini amalga oshirish huquqini berish.
Hududiy adliya organlari tomonidan O‘zbekiston Respublikasi Adliya vazirligi yuridik texnikumlari bitiruvchilariga yo‘llanmalar berish, abituriyentlarni “yurisprudensiya” mutaxassisligi bo‘yicha yuridik kadrlarni tayyorlashni amalga oshiruvchi davlat oliy ta’lim tashkilotlari bakalavriatiga test sinovlarisiz yakka tartibda suhbat o‘tkazish orqali bakalavrlarni tayyorlashning maxsus uch yillik dasturi bo‘yicha o‘qishga qabul qilish hamda o‘qish tugagandan so‘ng oliy ta’lim tashkilotlari bakalavriati bitiruvchilarining taqsimotga muvofiq uzluksiz ishlab berishini amalga oshirish tartibi belgilandi.
Yuridik texnikumlardagi ta’lim shaklidan qat’i nazar, oliy ta’lim tashkilotlari bakalavriatining kunduzgi, sirtqi va kechki (smenali) ta’lim shakllariga abituriyentlarni qabul qilish qabul parametrlaridan tashqari to‘lov-kontrakt asosida amalga oshirilishi, Bunda, har bir oliy ta’lim tashkiloti bo‘yicha o‘rinlar soni yuridik texnikumlar bitiruvchilariga beriladigan yo‘llanmalar taqsimotiga mos ravishda belgilanadi. Oliy ta’lim tashkilotlari bakalavriatiga o‘qishga qabul qilish belgilangan tartibda o‘tkaziladigan yakka tartibdagi suhbat natijalariga ko‘ra oliy ta’lim tashkilotlari rektorining buyrug‘i asosida amalga oshiriladi. Yakka tartibdagi suhbatda quyidagilar aniqlanadi:
-mamlakatda amalga oshirilayotgan keng qamrovli islohotlarning mohiyati va ahamiyatini tushunish;
-ixtisoslikni tanlashda motivatsiya;
-shaxsiy-kasbiy xususiyatlar;
-yurisprudensiya sohasidagi bilim va kasbiy ko‘nikmalarning mavjudligi.
Hududiy Adliya organlari tomonidan yuridik texnikumlar bitiruvchilariga quydagi tartibda yo’llanma berish tartibi belgilandi.
-Maxsus komissiya har yili, qoida tariqasida, tegishli o‘quv yilining 10-iyunidan kechikmay 7 nafar kishidan iborat tarkibda tuziladi. Maxsus komissiya tarkibiga adliya organlari va muassasalari xodimlari kiritiladi.
-Maxsus komissiya o‘z faoliyatini kollegiallik, oshkoralik, xolislik va betaraflik prinsiplari asosida amalga oshiradi.
-Hududiy adliya organlari boshliqlari lavozimi bo‘yicha maxsus komissiyaning raisi hisoblanadi.
-Maxsus komissiyaga komissiyaning boshqa a’zolari faoliyatini o‘zaro umumiy muvofiqlashtiruvchi rais boshchilik qiladi. Maxsus komissiya faoliyatini tashkiliy ta’minlash uning kotibiga yuklanadi.
Yuridik texnikumlar bitiruvchilari har yili 20-iyundan kechikmay maxsus komissiyaga yo‘llanma berishni so‘rab onlayn platforma orqali ariza bilan murojaat qiladi.
Maxsus komissiya faqat komissiya tashkil etilgan tegishli o‘quv yili bitiruvchilarining arizalarini ko‘rib chiqadi.
Arizaga ilova qilinadigan hujjatlar maxsus onlayn platformaga har bir o‘quvchi va texnikumning mas’ul xodimlari tomonidan butun o‘qish davrida yuklab boriladi hamda o‘quvchining portfoliosi shakllantiriladi. Onlayn platformada mavjud bo‘lmagan hujjatlarni arizaga ilova qilish man etiladi.
Yo‘llanma berish masalasi ko‘rib chiqilayotganda, maxsus komissiya quyidagi asosiy minimal talablarni hisobga oladi:
- a) o‘quvchi kunduzgi ta’lim shaklida o‘qiganda:
yuridik texnikum bitiruvchisining har bir fan bo‘yicha o‘zlashtirish ko‘rsatkichi reyting natijalari bo‘yicha 71 va undan ortiq foizni tashkil qilishi kerak;
bitiruvchining chet tilini B2 va undan yuqori darajada bilishini tasdiqlovchi amaldagi davlat malaka sertifikatiga yoki xalqaro sertifikatga ega ekanligi;
yuridik texnikum bitiruvchisining ma’naviy-ma’rifiy va jamoat ishlari, loyihalar va tanlovlarda faol ishtirok etishi, shaxsiy yutuqlar mavjudligi (tegishli tashkilotning birinchi rahbari, birinchi navbatda yuridik texnikum direktori tomonidan tasdiqlangan hujjatlar asosida);
yuridik texnikum bitiruvchisining yuridik texnikumda o‘rnatilgan ichki tartib-qoidalarga, odob-axloq qoidalariga rioya etishi va namunali xulq-atvorga egaligi;
- b) o‘quvchi sirtqi yoki masofaviy ta’lim shakllarida o‘qiganda:
yuridik texnikum bitiruvchisining umumiy o‘zlashtirish ko‘rsatkichi reyting natijalari bo‘yicha 85 va undan ortiq foizni tashkil qilishi kerak;
bitiruvchining chet tilini B2 va undan yuqori darajada bilishini tasdiqlovchi amaldagi davlat malaka sertifikatiga yoki xalqaro sertifikatga ega ekanligi;
yuridik texnikum bitiruvchisining yuridik texnikumda o‘rnatilgan ichki tartib-qoidalarga, odob-axloq qoidalariga rioya etishi va namunali xulq-atvorga egaligi.
Mazkur bandda ko‘rsatilgan asosiy minimal talablarga tegishli masalalarni ko‘rib chiqishda bitiruvchining yuridik texnikumdagi butun o‘qish davri hisobga olinadi.
Ushbu asosiy minimal talablarga javob bermagan bitiruvchilar tanlovda ishtirok etmaydi.
N.Kamolova,
Kosonsoy tuman Yuridik xizmat ko’rsatish markazi rahbari
Жорий йилда Косонсой туманида 6170 майдонда ғалла, 3955 гектар майдонда пахта етиштирилмоқда. Вилоят ҳокими Шавкатжон Абдуразаков бошчилигидаги ишчи гуруҳи ҳамда туман сектор раҳбарлари тумандаги бир қатор фермер хўжаликларида бўлиб, ғалла ҳамда ғўза парвариши ва олиб борилаётган агротехник тадбирларни кўздан кечирди.
Соҳа мутахассислари туманнинг Қуқумбой, Худойбердиев, Дўстлик, Намуна, Ободон, Янги ҳаёт, Ш.Рашидов, Навоий, Деҳқонобод ММТП ҳудудларидаги фермер хўжаликлари ғўза майдонларини бегона ўтдан тозалаш, минерал ўғитлар сепиш, ғўза ёнини юмшатиш, бегона ўтлардан тозалаш, култивация ва чопиқ қилиш, зараркунандаларга қарши курашиш, чизеллаш ва ўғитлаш каби жараёнлар билан танишиб, керакли тавсиялар ва кўрсатмаларни берди.
Вилоят ҳокими бугунги кундаги долзарб вазифаларни ижроси билан танишар экан, далада кўтаринкилик билан ишларни ташкил этиш, қишлоқ хўжалигида кечиктириб бўлмас вазифаларни тезлаштириш бўйича мутасаддиларга кўрсатмалар берди.