Янгиликлар

17.06.2022

Бугун Наманган вилоят ҳокими Шавкатжон Абдуразаков Косонсой туманида бўлиб, тиббиёт соҳасидаги мавжуд муаммоларни ўрганди.

Дастлаб, вилоят раҳбари шошилинч тез тиббий ёрдам бўлимида бўлиб, бу ердаги шарт-шароитларни кўздан кечирди.

Шунингдек, туғруқ комплексининг қурилиш жараёнлари билан танишди.

Шундан сӯнг ҳозирда фаолият кӯрсатаётган 100 ӯринга мӯлжалланган туғруқ комплексида бӯлиб, тиббиёт ходимлари билан суҳбатлашди. Шифокорларнинг таклиф ва муаммоларини тинглаб, мутасаддиларга мавжуд муаммоларни бартараф этиш буйича кӯрсатма берди.

Маълумот учун, ҳозир кунда инвестиция дастури асосида 28 млрд. 110 млн. маблағ эвазига тумандаги мавжуд 510 ӯринли марказий поликлиникасини реконструкция қилиш ва янги замонавий 130 ўринли туғруқ комплекси қуриш тасдиқланган.

Янги туғруқхона комплекси 2023 йилнинг 1 сентябрь кунига қадар фойдаланишга топширилиши кўзда тутилган.

16.06.2022

Косонсой туманида экология соҳасидаги қонунбузарликларни олдини олиш, жумладан дарахтларни рухсатсиз кесиш, броконьерлик, ноқонуний чиқиндилар ташлаш каби ҳолатлар бўйича амалга оширилаётган ишлар юзасидан очиқ мулоқот ўтказилди.Мулоқотда Халқ депутатлари туман кенгаши депутатлари, ОАВ вакиллари ҳамда соҳага дахлдор ташкилотлар иштирок этдилар.

Дастлаб, ПҚ-4845-сонли қарори ижросини таъминланиши юзасидан туман экология ва атроф-муҳитни муҳофаза қилиш бўлими бошлиғи Муҳаммаджон Турсуновнинг ҳисоботи тингланди.

Шунингдек, белгиланмаган жойларга чиқиндиларни ташламаслик, ҳуқуқбузарларга нисбатан чоралар кўриш, вақтинчалик чиқинди йиғиш учун контейнерлар ўрнатиш ва мораторий пайтида дарахт ва буталарни ноқонуний кесилишини олдини олиш ҳамда экологик маданиятни ривожлантириш бўйича муҳокама бўлиб ўтди.Депутатлар томонидан ижтимоий соҳа объектлари, шу жумладан мактабгача таълим ташкилотлари, мактаблар ҳудудларида чиқинди қутиларини кўпайтириш таклифи берилди.

15.06.2022

Бугун, 2022 йил 15 июнда Ўзбекистон республика товар-хом ашё биржасининг эрталабки савдо сессиясида ўтказилган биржа савдо натижаларига кўра шакарнинг нархи аввалги кунга нисбатан яна 123,8 сўмга пасайиб, маҳсулотнинг бир тоннаси учун 10 631,1 минг сўмни ташкил қилди (https://telegra.ph/Birzhevaya-cena-sahara-snova-snizilas-06-15).

Ушбу савдоларда шакар бўйича шаклланган минимал нарх маҳсулотнинг бир тоннаси учун 9 700 минг сўм атрофида қайд этилди.

2022 йил 10-15 июн савдо кунларида шакарнинг барча категорияси бўйича шаклланган ўртача кунлик нархи маҳсулотнинг бир тоннаси учун жами 14 554,5 минг сўмдан 10 631,1 минг сўмгача, яъни 27% га пасайган.

Таъкидлаш лозимки, 15 июнда биржанинг кечки савдо сессиясида сотувчи корхоналар томонидан 1 000 тонна қўшимча шакар ҳажми биржа савдоларига қўйилиши кутилмоқда.

Косонсой тумани ҳокимлиги ахборот хизмати

14.06.2022

Косонсой тумани 1-сектор ҳудудига қарашли "Обод" маҳалласида ўтказилган юзма-юз мулоқотда Косонсой туман ҳокими ӯринбосарлари томонидан аҳолини қийнаётган ва ечимини кутаётган мурожаатлар тингланди.Сайёр қабулда фуқаролардан уй-жой, ичимлик суви, таълим, кредит, электр таъминотини яхшилаш, моддий ёрдам, бандлик ва тадбиркорлик фаолиятини юритишга оид 60 дан ортиқ мурожаатлар келиб тушди.Қабулда мурожаатларнинг 14 таси жойида ечимга келтирилди, баъзиларига ҳуқуқий тушунча берилди, маълум бир вақт талаб этадиган мурожаатлар тегишлилиги юзасидан дахлдор ташкилотларга бириктирилди.

13.06.2022

Birinchidan, ma’lum bir sanada aholining aniq soni (yoshi va jinsi tarkibi, fuqaroligi, milliy tarkibi (keng qamrovli), barcha aholi punktlari bo‘yicha soni, oilaviy ahvoli, ma’lumot darajasi, uy-joy bilan ta’minlanganlik darajasi, mehnat resurslari, iqtisodiy faol aholi, aholi bandligi (kasbi va mutaxassisligi) va ishsizligi, daromad olish manbalari, nogironligi bo‘yicha batafsil ma’lumot olinadi.Ikkinchidan, aholi jon boshiga makroiqtisodiy ko‘rsatkichlarni hisoblashda (yalpi ichki mahsulot, aholi daromadlari, sanoat mahsuloti hajmi, iste’mol mahsulotlari hajmi, aholiga ko‘rsatiladigan xizmatlar hajmi, qishloq xo‘jaligi mahsulotlari) ishlatiladi.Uchinchidan, aholi migratsiyasi to‘g‘risidagi ma’lumotlar shakllantiriladi.To‘rtinchidan, Respublika va hududlarni ijtimoiy-iqtisodiy rivojlantirish, aholi bandligi, ayollar va bolalar salomatligini yaxshilash va oilalarga yordam ko‘rsatish bo‘yicha dasturlarni manzilli ishlab chiqishda axborot sifatida foydalaniladi.Beshinchidan, statistika idoralari tomonidan tashkil etiladigan tanlama kuzatuvlarni tashkil etishda ma’lumotlar bazasi sifatida qo‘llaniladi.Oltinchidan, Milliy barqaror rivojlanish maqsadlarini amalga oshirish ko‘rsatkichlarini shakllantirish va monitoringini yuritishda xizmat qiladi.Yettinchidan, aholi punktlarining infratuzulmasini yaxshilashda, mehnat resurslaridan foydalanish va joylashtirish bo‘yicha qisqa, o‘rta va uzoq muddatli prognozlar, dasturlarni ishlab chiqishda foydalaniladi.Sakkizinchidan, Xalqaro tashkilotlar va foydalanuvchilar tomonidan amalga oshiriladigan tahlillar uchun keng qamrovli axborotlar manbai hisoblanadi. Bunday ma’lumotlar ijtimoiy-iqtisodiy jarayonlarni prognoz qilish, bandlik sohasidagi siyosatni belgilash, ijtimoiy siyosat va aholi salomatligi bo‘yicha dasturlarni yaratishda, shuningdek davlat hokimiyati organlarining vazifalarini bajarishi, fan va jamiyatni axborot bilan ta’minlash uchun zarurdir.