Сўнгги янгиликлар
Янгиликлар
▫️Кенг жамоатчилик эътиборини яна бир бор Бюро органларида коррупцияга қарши муросасиз ва кескин кураш олиб борилаётганига қаратади. Бинобарин, вилоятимизнинг ҳар бир фуқаросини Бюро органларида коррупцияни таг-томири билан бартараф этишда фаол ҳамкорликка чақиради.
Хусусан, Бюронинг бирон-бир ходими фаолиятида коррупция билан боғлиқ хатти-ҳаракат (ёки ҳаракатсизлик)ни кузатсангиз, сезсангиз, бу ҳақда зудлик билан Бюронинг Наманган вилояти бошқармаси Шахсий хавфсизлик шўъбасининг 69-228-82-80 рақамли “Ишонч телефони”га маълум қилишингизни сўраймиз.
Aholini dastlabki ro‘yxatga olish qadimgi Gretsiya, Vavilon, Mesopotamiya, Rim, Xitoy, Yaponiya va Misrda o‘tkazilgan. Lekin, bu aholi ro‘yxatlarining maqsadi aholidan soliq yig‘ish, ya’ni boj olish hamda harbiy maqsad uchun aholi sonini aniqlash bo‘lgan. Shuning uchun ham, bu aholi ro‘yxatlarida asosan erkaklar ro‘yxatga olingan. Chunki, u paytlarda erkaklarning iqtisodiy o‘rni yuqori bo‘lgan, soliq to‘lashda faqat erkaklar, ya’ni oila boshliqlari qatnashgan.
Aholini eng birinchi rasmiy ro‘yxatga olish 1790 yilda AQShda, keyinchalik 1800 yilda Shvetsiya va Finlyandiyada, 1801 yilda – Angliya, Daniya, Norvegiya va Fransiyada o‘tkazilgan. Ammo, bu aholi ro‘yxatlari juda oddiy shaklda hamda uzoq muddatga cho‘zilgan. Masalan, birinchi AQShda aholini ro‘yxatga olish ishlari 18 oy davomida olib borilgan.
XIX asrga kelib, aholini ro‘yxatga olish juda kengaydi.Qator Evropa mamlakatlarida statistika tashkilotlari tuzildi. Aholini ro‘yxatga olish ilmiy dasturlar asosida olib borilishi yo‘lga qo‘yildi. Xususan, 1870-1879 yillarda dunyoning 48 ta, 1890 yillarda esa 57 ta davlatida aholi ro‘yxati o‘tkazilgan. XIX asr oxirida dunyo aholisining 21 foizi ro‘yxatga olingan bo‘lsa, XX asr boshida 54 foiz aholi ro‘yxatdan o‘tkazilgan.Respublikamizda demografik jarayonlarning holatini o‘rganishda mamlakat hududida o‘tkazilgan aholi ro‘yxati ma’lumotlari muhim ahamiyat kasb etadi. Manbalarda keltirilishicha, O‘zbekiston hududida dastlabki aholi ro‘yxati 1897 yilda o‘tkazilgan bo‘lib, ushbu ro‘yxat ma’lumotlari XIX asr oxirida O‘zbekistonda mavjud oilalar soni, aholi soni, yoshi va jinsi, etnik tarkibi, tug‘ilish, o‘lim kabi demografik jarayonlar haqida tassavvur hosil qilishga yordam bergan. O‘zbekiston hududida keyinchalik 1926, 1939, 1959, 1970, 1979 va 1989 yillarda aholini ro‘yxatga olish ishlari tashkil etilgan.
Kosonsoy tuman statistika bo'limi
Бугун, 28 май куни Косонсой туманидаги 39-сонли умумтаълим мактабида “Ҳоким ва ёшлар” учрашуви бўлиб ўтди.Унда Косонсой тумани ҳокими, 1-сектор раҳбари Дилмурод Қодиров "Бомраҳа" ёшлари мурожаатларини тинглади.Сектор раҳбари бугунги кунда ҳукуматимиз томонидан ёшларга яратиб берилаётган шарт-шароитлар ҳамда давлатимиз раҳбарининг бу масалага алоҳида эътибор бераётганликлари ҳақида гапириб, замон билан ҳамнафас бўлиб, кўпроқ китоб ўқиш, таълим олиш, касб-ҳунар ўрганиш, тадбиркорлик фаолиятини йўлга қўйиш каби кўплаб масалаларда ёшларга ўз таклиф ва тавсияларни берди.Учрашувда ёшлар томонидан кредит, бандлик, маҳалланинг кўчаларини асфальтлаш ҳамда тадбиркорлик фаолиятини юритишга оид ўндан ортиқ мурожаат ва таклифлар эшитилиб, айримлари ўрнида ҳал этилган бўлса, ижроси муддат талаб қиладиган масалалар тааллуқлиги бўйича мутасадди ташкилотларга йўналтирилди.
Футбол бўйича Давлат хавфсизлик хизмати раиси кубоги учун ўтказилаётган мусобақалар ёшларнинг чинакам спорт байрамига айланди.
🔰 Унинг ҳудудий босқичларида Косонсой туманидаги 59 та маҳалладаги уюшмаган ёшлар ўзаро баҳслашдилар. Спорт уларни бирлаштирди, дўстлик, ҳамжиҳатлик янада мустаҳкамланди.
🔰 Мусобақа натижаларига кўра, “Навбаҳор-1” маҳалласи ёшлари “Хонқўрғон” ёшлари устидан 1:0 ҳисобида устун келиб, 3-ўринни қўлга киритишди. Финал босқичида иштирок этган “Олмазор” МФЙ ёшлари эса “Ифтихор” маҳалласидан келган рақибларини 1:0 ҳисобда мағлуб этдилар.
🔰 Тақдирлаш маросимида Косонсой тумани ҳокими Дилмурод Қодиров бошчилигидаги сектор раҳбарлари фахрли ўринларни қўлга киритган ғолиб жамоалар, турли номинациялар бўйича алоҳида фаоллик кўрсатган ёшларга ташаккурнома, кубок ҳамда эсдалик совғаларни тантанали топширдилар.
🔰 Эндиликда Косонсой тумани 4-секторга қарашли “Олмазор” маҳалласининг ёшлар жамоаси мусобақанинг вилоят босқичида иштирок этади. (https://t.me/kosonsoyhokimligi)
Наманган шаҳридаги “Баркамол авлод” спорт мажмуасида “Тўқимачилик, чарм-пойабзал, озиқ-овқат ва мебелсозлик саноати”га ихтисослашган ҳудудий тармоқлараро саноат ярмаркаси иш бошлади.
1000 дан ортиқ тадбиркорлар, 350 дан ортиқ ишлаб чиқариш корхоналари иштирок этаётган ярмаркада саноат маҳсулотлари миллий брендлари ҳамда электротехника, енгил саноат, қурилиш материаллари, автомобилсозлик ва фармацевтика соҳалари учун маҳсулотлар ишлаб чиқаришга ихтисослашган корхоналар иштирок этишмоқда.
Ярмаркада намойиш этилаётган Наманган туманидаги “Нам мотор сервис” МЧЖ томонидан турли хилдаги сув насос двигателлари, Наманган шаҳридаги “Ором-Файз Металл” МЧЖ томонидан шуруп маҳсулотлари, Косонсой туманидаги “Spring Pharmaceutic” МЧЖ томонидан 40 турдаги воситалари, “Namangan Porloq Ta’mir Servis” МЧЖ томонидан бўёқ маҳсулотлари ва Уйчи туманидаги “Inter Texno Prom” МЧЖ томонидан машинасозлик асбоб-ускуналари ва бутловчи қисмлари иштирокчиларда катта қизиқиш уйғотмоқда.