Сўнгги янгиликлар
Янгиликлар
Косонсой туманининг "Обод" маҳалласи жорий йилда "Обод қишлоқ" дастурига киритилган бўлиб, ҳудудда катта кўламдаги ишлар амалга оширилиши режалаштирилган.
Айни пайтда "Обод" маҳалласига 9,8 километр тармоқ тортиш режалаштирилган бўлиб ҳозирда магистрал тармоқ учун траншея қазиш ва дастлабки ишлов бериш ишлари амалга оширилмоқда. Тармоқ тортиш ишлари якунланса, аҳолининг ичимлик сувига бўлган тўла қондирилади.
Маҳалла ҳудудига янги 180 ўринли мактабгача таълим ташкилоти биноси қурилиши ишлари жадаллик билан амалга оширилмоқда.
Шунингдек, 1 млрд. 811 млн. сўм маблағ эвазига мавжуд 2008 йилда қурилган 315 ўринли 49-мактаб ўқув биносини мукаммал таъмирлаш ишлари олиб борилмоқда.
Бугун туман ҳокими ўринбосари Абдурауф Худойбердиев маҳаллада бўлиб, амалга оширилаётган ишларни кўздан кечирди.
Иқтисодий тадқиқотлар ва ислоҳотлар маркази томонидан Наманган вилоятининг 2022 йил биринчи ярим йиллик макроиқтисодий кўрсаткичлари таҳлил қилинди.
📈 2022 йил 6 ой якунига кўра, Наманган вилояти бўйича ялпи ҳудудий маҳсулот (ЯҲМ) ҳажми жорий нархларда 17 222,9 млрд.сўмни ташкил этди, ўсиш 6,6%.
📈 Аҳоли жон бошига ЯҲМ 5847,8 минг сўмни ташкил этди, ўсиш 4,2%
Мамлакатимизда ёшларга эътибор масаласи давлат сиёсати даражасига кўтарилган бўлиб, эртамиз эгалари ўзларининг қизиқишлари бўйича ҳар томонлама қўллаб-қувватлаб келинмоқда. Хусусан, жойларда сектор раҳбарлари ёш авлод вакиллари билан учрашувлар ўтказаётганини бунга бир мисол қилиб келтириш мумкин.
Худди шундай учрашувлардан бири бугун Косонсой тумани 1-сектор биносида туман ҳокими, 1-сектор раҳбари Дилмурод Қодиров томонидан "Ўрикзор" маҳалласи ёшлари билан бўлди.
Учрашувда ёшлар муаммоларини ҳал қилиш, бандлигини таъминлаш, бўш вақтини мазмунли ташкил этиш бўйича очиқ мулоқот бўлиб ўтди.
Учрашувда ёшларга зарур маслаҳатлар берилиб, уларни қийнаётган саволларга аниқ жавоблар қайтарилди.Шунингдек, бир қатор ёшларнинг кредит олиш, бандлик, тадбиркорлик фаолиятини йўлга қўйиш каби мурожаатлари мутасаддиларга йўналтирилиб, ижроси назоратга олинди.
“Таътил Баркамол билан” шиори остида Республика “Баркамол авлод” болалар мактаби ташаббуси билан ташкил этилган болалар кубоги футбол мусобақаси ташкил этилган эди.
Жорий йилннг 6 июль куни мазкур мусобақанинг ҳудудий босқичи ўтказилиб, унда Косонсой туман “Баркамол авлод” болалар мактабининг жамоаси ғолиб бўлиб, вилоят босқичига йўлланма олган эди.Бугун, 15 июль куни ушбу мусобақанинг вилоят босқичи бўлиб ўтди.
Мусобақада Косонсой “Баркамол авлод” болалар мактаби жамоаси фахрли биринчи ўринни эгаллаб, Республика босқичига йўлланма олди.
Мусобақанинг Республика босқичи 26 июль куни Андижон вилоятида ўтказиладиган финал босқичида Косонсой жамоаси Наманган вилояти шаарафини ҳимоя қилади.
Мусобақани ташкил этишдан мақсад мамлакатимизда футболни оммавий ривожлантиришда ёрдам бериш, ёшларимизни спортга болган қзиқишини янада ошириш ҳамда ёшларни соғлом бўлиб етишишларига кўмаклашишдан иборатдир.
Косонсой туманидаги С.Айний кинотеатри залида “Жаҳолатга қарши марифат билан” шиори остида маънавий ва маърифий семинар-тренинг ташкилланди. Тадбирда туман ҳокими ва сектор раҳбарлари иштирок этди.
Бугунги қалтис даврда ҳар бир инсонни ёт ғоялардан маънавият билан ҳимоя қилиш, уларда юксак ватанпарварлик туйғусини ва гўзал ахлоқий маданиятни янада шакллантиришга алоҳида тўхталиб ўтилди. Семинар спикери томонидан турли ғаразли кучлар томонидан ёлғон ахборотлар билан халқни давлатга қарши қўйишда фақат соғлом фикр муҳим аҳамиятга эгалиги таъкидлаб ўтилди. Семинар давомида гиёҳвандлик, ақидапарастликнинг салбий оқибатлари ҳақидаги видеоролик намойиш этилди. Тадбирда Вазирлар Маҳкамаси ҳузуридаги Дин ишлар бўйича қўмитанинг ахборот хизмати раҳбари Илҳомжон Маърупов иштирок этди. У аҳоли айниқса, ёшлар ўртасида жиноятчиликни олдини олиш ҳамда уларнинг бўш вақтларини мазмунли ташкил этиш борасида тушунчалар берди.