Сўнгги янгиликлар
Янгиликлар
Пиллачилик қишлоқ хўжалигининг даромадли соҳаларидан бири ҳисобланади. Оз муддат ичида натижа кўрсатувчи юмуш бўлган ипак тола етиштиришга бугунги кунда мамлакатимизда алоҳида эътибор қаратилмоқда. Косонсой туманида жорий йилда 3247 қути ипак қурти парваришлаб, 192 тонна пилла етиштириш режалаштирилган.
Косонсой туманидаги Миллий маданият марказида соҳа масъуллари, хотин-қизлар фаоллари, лидер аёллар иштирокида ўтказилган семинарда мавсум муваффақияти ҳозирдан кўрилган чора-тадбирларга боғлиқ экани таъкидланди.
Семинар тарзида ўтказилган тадбирда туман ҳокимининг ўринбосари Нодира Ахмедова, вилоят "Агропилла" бош агрономи Алишер Мақсудов ҳамда мутахассиси Акмалжон Ибрагимов, "Косонсой агропилла" МЧЖ раҳбари Илҳомжон Султоновлар пиллачилик соҳасига замонавий технологияларни жорий этиш, бунда Вьетнам давлатининг илғор тажрибаларини маҳаллийлаштириш тўғрисидаги тажрибаларни айтиб ўтишди. Янги мавсумни бошлашда асқотадиган йўл-йўриқлар, фойдаланиш мумкин бўлган имтиёзлар ҳақида тушунчалар берилди. Пиллачиликни ривожлантириш, касаначилик фаолияти орқали оилалар фаровонлигини ошириш ҳақида мулоҳазалар юритилди.
Ўзбекистон Республикаси Президентининг «Ўзбекистон – 2030» стратегиясини «Ёшлар ва бизнесни қўллаб-қувватлаш йили»да амалга оширишга оид Давлат дастури тўғрисида»ги Фармони қабул қилинди. (https://namhaqiqat.uz/uzhzhatlar/uzbekiston__2030_strategiyasini_yoshlar_va_biznesni_ullab-uvvatlash_yilida_amalga_oshirishga_oid_davlat_dasturi_turisida.html)
Ҳужжатга кўра, 2024 йил 1 июндан бошлаб «Ёш тадбиркор» танловларини ўтказиш амалиёти йўлга қўйилади.
Ёшлар ишлари агентлиги томонидан танлов асосида «маҳалла – туман – вилоят – республика» босқичларида ёшларнинг истиқболли бизнес лойиҳа ва ғоялари сараланади. Бунда, ногиронлиги бўлган ёш тадбиркорларнинг лойиҳа ва ғояларига алоҳида эътибор қаратилади.
Республика босқичида саралашдан ўтган ҳар бир лойиҳага базавий ҳисоблаш миқдорининг 1 000 бараваригача миқдордаги имтиёзли кредитлар ажратилади. Ғолиб бўлган бизнес лойиҳа ва ғоялар эгалари Ёш тадбиркорларни қўллаб-қувватлаш жамғармаси ҳисобидан хорижий давлатларга малака оширишга юборилади.
Худди шундай таклифни хитойлик инвестор сармоясига эга "INFINITI FRAMEWORK" МЧЖ вакиллари бермоқда.
Бугун Наманган вилояти ҳокими Шавкатжон Абдураззоқов хорижлик тадбиркор ва унинг ҳамкорларини қабул қилди. Косонсой тумани “Ўрикзор” МФЙ ҳудудида қурилиши режалаштирилган савдо ва маиший хизмат шоҳобчаларини ўз ичига олган "Косонсой" кўп қаватли тураржой комплекси лойиҳа таклифи атрофлича ўрганиб чиқилди.
Вилоят раҳбари лойиҳа билан батафсил танишиб, уни ҳамкорлар иштирокида янада такомиллаштириш бўйича мутасаддиларга кўрсатма берди.
Таъкидлаш жоиз, мазкур мажмуа нафақат замонавий уй-жойлар, балки, боғча, мактаб каби ижтимоий соҳа объектларини ҳам ўз ичига олган.
Aholini ro‘yxatga olish har 10 yilda o‘tkaziladigan tadbir hisoblanib bu tadbirda aholi: yoshi, jinsi, ma’lumoti, ish joyi, millati, shuningdek, turarjoyi va uning maishiy asboblar bilan jihozlanishi kabi savollarga javob berishi kerak bo‘ladi. Mustaqillik yillarida O‘zbekiston Respublikasida aholini ro‘yxatga olish o‘tkazilmagan. Aholining soni, yosh-jins tarkibi, hududiy joylashuvi xususiyatlari va boshqa ijtimoiy-demografik holatlaridagi o‘zgarishlar aholining joriy hisobi bo‘yicha mavjud ma’lumotlarni qo‘llashni sezilarli darajada cheklanmoqda. Aholini ro‘yxatga olishga tayyorgarlik ko‘rish va o‘tkazish ishlari keng qamrovli tadbir bo‘lib, ketma-ket hamda bir vaqtning o‘zida tegishli tadbirlarni amalga oshirish mumkin bo‘lgan bosqichlarni o‘z ichiga oladi, ya’ni: Birinchi bosqichda (3 yilgacha bo‘lgan muddat) quyidagi ishlar amalga oshiriladi: aholini ro‘yxatga olish tadbirini o‘tkazishni tashkil etish, o‘tkazish tamoyillari, uslubiy asoslari va moliyalashtirish manbalarini aniqlash masalalarini tartibga soluvchi normativ-huquqiy hujjatlar tayyorlanadi; aholini ro‘yxatga olish tadbiri dasturini, aholini ro‘yxatga olishni o‘tkazish, uning natijalarini olish va e’lon qilishni tashkil etish uslubiyati ishlab chiqiladi; aholini sinov asosida ro‘yxatga olish tadbiriga tayyorgarlik ko‘rish va o‘tkazishni tashkil etish, uning natijalarini tahlil qilish ishlari olib boriladi; har bir ro‘yxatga oluvchilarni o‘z hududi bo‘yicha xaritalar bilan ta’minlanadi; aholi punktlaridagi uylarning ro‘yxatini tuzish va aholini ro‘yxatga olish tadbirini o‘tkazishning tashkiliy rejasi tuziladi; har bir xonadon raqamlanishi va ko‘chalar nomlanishini amalga oshiriladi; zamonaviy xaritalash texnologiyalaridan foydalangan holda aholini ro‘yxatga olish tadbiriga tayyorgarlik ko‘rish, uning o‘tkazilishini nazorat qilish, yakuniy natijalarni olish va taqdim etishning avtomatlashtirilgan tizimini yaratish orqali tadbir monitoring qilib boriladi; aholiga aholini ro‘yxatga olishning maqsadi va vazifalari axborot-tushuntirish ishlari orqali tanishtiriladi; ro‘yxatga olish varaqalari va boshqa hujjatlarni chop etilib, joylardagi mutaxassislarga etkaziladi; ro‘yxatga olish uchastkalarini bino, transport va aloqa vositalari bilan ta’minlash ishlari tashkil etiladi; ro‘yxatga olish tadbirida ishtirok etuvchi vaqtinchalik xodimlarni o‘qitilib, ular zaruriy vositalar bilan ta’minlanadi; aholini ro‘yxatga olish tadbiriga tayyorgarlik ko‘rish bilan bog‘liq boshqa ishlar olib boriladi. Ikkinchi bosqichda (10 kundan 60 kungacha bo‘lgan davr) bevosita aholini ro‘yxatga olish tadbirini o‘tkazish ishlari amalga oshiriladi, ya’ni aholi to‘g‘risidagi ma’lumotlar yig‘iladi, nazorat tekshiruvi o‘tkaziladi va aholini ro‘yxatga olish tadbiri materiallari qayta ishlash uchun ixtisoslashgan tuzilmalarga taqdim etiladi. Uchinchi bosqichda (2 yildan 3 yilgacha bo‘lgan davr) quyidagilar amalga oshiriladi: aholini ro‘yxatga olish tadbirining birlamchi materiallari ma’lumotlarni qayta ishlash bo‘yicha ixtisoslashgan tuzilmalar tomonidan qabul qilib olinadi; aholini ro‘yxatga olish tadbiri materiallarini avtomatlashtirilgan tizimda qayta ishlashga tayyorlanadi;
birlamchi ma’lumotlarni kiritish, kodlashtirish, nazorat va tahrir qilish ishlari amalga oshiriladi; aholini ro‘yxatga olish bo‘yicha dastlabki natijalar olinadi; aholini ro‘yxatga olish tadbiri natijalarini e’lon qilish va ularni tarqatish ishlari amalga oshiriladi.
Давлатимиз раҳбари раислигида жорий йилнинг 5 феврал кун "Таълим, соғлиқни сақлаш, рақамлаштириш, маданият ва спорт соҳаларида амалга оширилиши лозим бўлган устувор вазифалар" юзасидан видеоселектор йиғилиши ўтказилган эди.
Мазкур йиғилишда ўқувчи-ёшлар тарбиясида “Мактаб – ота-она – маҳалла” занжири асосида маънавий-маърифий тадбирлар ташкил этиш белгиланган. Ана шундай тадбирлардан Косонсой туманидаги 11, 13, 17, 22, 24-сонли мактабларда ўтказилди.
Тадбирда Диний қўмитанинг туман бўйича бош мутахассиси Ш.Бойбобоев, Республика маънавият ва маърифат маркази туман бўлинмаси раҳбари Д.Исақов, туман ИИБ тезкор ходими Б.Устабобоев, туман Оила ва хотин-қизлар бўлими мутахассиси Д.Жалиловалар иштирок этиб, ўқувчиларни ватанпарварлик руҳида тарбиялаш, улар ўртасида оммалашган ижтимоий тармоқларнинг зарарли таъсиридан ҳимоялаш ва ижобий томондан фойдаланиш кўникмаларини янада ривожлантириш юзасидан атрофлича маълумот бердилар.
Шунингдек, "ҳужра" шароитида ўқувчиларга билим бериш қонун билан тақиқланиши, замонавий билим ва касбларни эгаллаган ёшлар жамиятда доимо ўз йўлини топиб кетиши бўйича аниқ мисоллар билан тавсиялар берилди.