Сўнгги янгиликлар
Янгиликлар
Сув ҳаёт бахш этади, тириклик, қишлоқ хўжалиги, саноат ва бошқа маҳсулотларини етиштириш учун бебаҳо манба, балки, фавқулодда вазиятларни бартараф этишнинг ҳам самарали воситаси ҳисобланади. Чунки ёнғинларнинг 99 фоизи сув ёрдамида бартараф этилади. Шу сабабли, аҳоли яшаш жойлари, корхона, муассаса ва ташкилотларда ёнғинга қарши сув манбаларининг соз ва ишчи ҳолатда бўлиши муҳим аҳамият каб этади.
Эътиборсизлик оқибатида кўплаб сув қудуқларининг қаровсиз қолиши ёки кўмиб юборилиши ҳолатлари борлиги ачинарли ҳол.
Сув манбаларининг соз ва ишчи ҳолатда бўлишини назорат қилиш, яроқсиз аҳволга келиб қолганларини қайта тиклаш борасида вилоятнинг Косонсой тумани фавқулодда вазиятлар бўлими ходимлари ҳам бир қатор амалий ишларни олиб борилмоқда.
Ушбу туманда бугунги кунда 134 та ер ости сув олгич (гидрант), 165 та сув ҳовузи мавжуд бўлиб, уларнинг соз ҳолатда бўлиши туман фавқулодда вазиятлар бўлими ходимлари томонидан доимий равишда текширилмоқда.
Жорий йилнинг январь-февраль ойлари давомида ходимларимиз томонидан ўтказилган ўрганишлар давомида туманимиздаги 4 та ер ости сув олгичнинг носоз эканлиги, яна 3 таси турли сабабларга кўра, кўмиб юборилганлиги аниқланди, Косонсой тумани фавқулодда вазиятлар бўлими бошлиғи подполковник А.Ахматжонов, ўрганишлар жараёнида аниқланган носоз, хизмат муддатини ўтаб бўлган 5 та сув ҳовузига мутасадди корхона ва ташкилотлар иштирокида далолатномалар расмийлаштириб, шу соҳа мутахассислари билан ҳамкорликда соз ҳолатга келтиришига эришдик.
Ёнғинга қарши манбаларнинг соз ва ишчи ҳолатда бўлиши ёнғинларни қисқа фурсатда кам талафот билан ўчириш имконини беради. Акс ҳолда, сувни бошқа манбадан цистерналарда ташиб келишга тўғри келади. Бу эса қўшимча вақт, куч ва воситалар талаб этади. Ҳар бир сонияси ғанимат ҳисобланган ёнғин ўчириш жараёнида эса бу катта йўқотиш демакдир.
Ахматжонов Аъзамжон Мамаджонович
Косонсой тумани фавқулодда вазиятлар
бўлими бошлиғи, подполковник
Мамлакатимизда сўнгги йилларда халқ депутатлари маҳаллий Кенгашларининг ҳудудларни ижтимоий-иқтисодий ривожлантириш, аҳолини ижтимоий ҳимоя қилишга оид долзарб масалаларни ҳал қилиш бўйича ваколатлари кенгайтирилиб, халқ ҳокимиятчилигини тўлақонли рўёбга чиқариш борасида кенг қамровли ислоҳотлар амалга оширилди.
Маҳаллий Кенгашларнинг назорат фаолиятини кучайтиришга қаратилган ҳуқуқий асослар яратилди. Маҳаллий ижро этувчи ҳокимият органларининг фаолияти устидан халқ депутатлари Кенгашларининг назорат функцияларини кенгайтириш мақсадида уларга ўндан ортиқ қўшимча ваколатлар берилди.
Ана шундай ишларнинг давоми сифатида жорий йилнинг 2 февраль куни давлатимиз раҳбарининг «Маҳаллий давлат ҳокимияти органлари фаолиятининг самарадорлигини ошириш чора-тадбирлари тўғрисида»ги ПФ-28-сонли Фармони қабул қилинди.
Халқ депутатлари Косонсой туман Кенгаши, депутатлар туман Адлия бўлими иштирокида фармоннинг мазмун-моҳиятига бағишланган давра суҳбати ташкил этилди.
Суҳбатда фармон билан белгиланаётган ўзгаришлар, маҳаллий Кенгашга юкланаётган 33 та ваколатлар ва уларнинг ижроси хусусида депутатларга атрофлича тушунтиришлар берилди.
Бугун халқ депутатлари Учқўрғон тумани Кенгашининг навбатдан ташқари сессияси бўлиб ўтди. Унда ташкилий масала кўрилди.
Сессияда Наманган вилояти ҳокими Шавкатжон Абдураззоқов кун тартибидаги масала юзасидан маъруза қилди.
Шундан сўнг депутатлар Наманган вилояти ҳокимининг Учқўрғон тумани ҳокими Жаҳонгир Риззаевни Учқўрғон тумани ҳокими лавозимидан озод этиш ҳамда Ҳайдаров Муҳаммад Абдуҳакимовични Учқўрғон тумани ҳокими лавозимига тайинлаш тўғрисидаги қарорларини бир овоздан маъқулладилар.
Муҳаммад Ҳайдаров ҳозирга қадар Наманган туманидаги «Олахамак» МФЙда ҳоким ёрдамчиси сифатида фаолият юритиб келаётган эди.
Китоб ва китобхонлик инсон камолотида муҳим ўрин тутади. Зеро, мутолаага боғланган кўнгил китобдан беҳад улуғ маънавий озуқа олади. Наманган вилоятида ҳам бу борада ибратли ишлар амалга оширилмоқда. Барча туманларда ахборот-ресурс марказларининг моддий-техник базасини мустаҳкамлаш, китоблар фондини кўпайтиришга алоҳида эътибор қаратилмоқда.
Хусусан, Косонсой туманида ҳам аҳолига ахборот-кутубхона хизмати кўрсатишни янада такомиллаштириш, ахборот-кутубхона муассасалари фаолиятини ривожлантириш мақсадида бугунги кунда қатор ижобий ишлар олиб борилмоқда.
Бугун, 13 февраль куни Алишер Навоий номидаги Ўзбекистон Миллий кутубхонаси директори Умида Тешабаева бошчилигадаги ишчи гуруҳ томонидан Косонсой туманида бўлиб, тумандаги кутубхоналарда яратилган шароитлар, ахборот-кутубхона маркази, китобхонларга хизмат кўрсатиш, фондларни тўлдириш ва сақлаш, кутубхона жараёнларини автоматлаштириш, илмий-тадқиқот ва ташкилий-услубий фаолият, кадрларни тайёрлаш, қайта тайёрлаш ва рағбатлантириш, китобхонликни кенг тарғиб этиш борасидаги амалга оширилаётган ишларни кўздан кечирди.
Сўнгги йилларда ёшларни ҳар томонлама қўллаб-қувватлаш, уларнинг замонавий билим ва касб-ҳунар эгаллаши учун зарур шарт-шароит яратишга алоҳида эътибор қаратилмоқда.
Давлатимиз раҳбари томонидан ёшлар билан ишлашнинг янгича тизимини жорий этиш борасидаги долзарб вазифалар юзасидан ўтказилган йиғилишда ёшлар билан ишлаш – ҳаёт-мамот масаласи эканлиги алоҳида таъкидланиб, уларни қўллаб-қувватлаш борасида инқилобий ташаббусларни илгари суриш устувор вазифа эканлиги кўрсатиб ўтилган.
Шунингдек, давлатнинг алоҳида кўмаги ва эътиборига муҳтож ёшлар орасида ҳуқуқбузарликларни олдини олиш ҳамда жиноятчиликка қарши курашиш ишларини ягона ёндашув асосида ташкил этиш юзасидан муаммоларини ўрганиш, амалий ёрдам кўрсатиш мақсадида ҳар бир сектор раҳбарига шаҳар-туманларда яшаётган ушбу тоифадаги ёшлар бириктирилган.
Хусусан, Косонсой туманининг 3-сектор ҳудудида истиқомат қилувчи 55 нафар ёшлар ҳам Ички ишлар органи маъсул раҳбарларига бириктирилган бўлиб, улар билан бир қатор манзилли ишлар амалга оширилиб келинмоқда.
Бугун полковник Ш.Алиев Косонсой тумани «Қўқимбой» маҳалласида жойлашган маданият марказида туман ИИБ масъул ходими ҳамда ёшлар етакчилари иштирокида ёшлар билан учрашув ўтказиб, улар билан яқиндан суҳбатлашди. Суҳбат давомида уларнинг қизиқишлари, таклиф ва мулоҳазалари ҳамда муаммолари тингланиб, келажакдаги режалари юзасидан тавсиялар берилди.
Учрашув сўнггида, амалий ёрдам сўраб мурожаат қилган ёшларнинг муаммолари ўрганилиб, ижобий ҳал этиш юзасидан масъулларга аниқ топшириқ берилди ва келгусида ёшларни бандлигини таъминлаш ҳамда бўш вақтларини мазмунли ташкил этиш юзасидан вазифалар белгилаб олинди.