Сўнгги янгиликлар
Янгиликлар
Косонсой тумани 1-сектор биносида “Юксалиш” маҳалласи ёшларининг мурожаат ва таклифларини тинглади.
Ёшларни касб маҳоратини ривожлантириш, ишга бўлган масъулият ва муҳаббатини янада ошириш мақсадида, ташкил этилган тадбирда юртимизда амалга оширилаётган ислоҳотлар, эришилаётган ютуқлар борасида сўз юритилди.
Очиқ мулоқот шаклида бўлиб ўтган учрашувда ёшлар раҳбарларга ўзларини қизиқтирган саволлар билан мурожаат қилдилар.
Ўзбекистон фермер, деҳқон хўжаликлари ва томорқа ер эгалари кенгашининг бўлим бошлиғи З.Алламуродов томонидан Косонсой туманида 2024 йилда ғалла ҳосилидан бўшаган майдонларда такрорий экинларни экиш ишларини ташкил этиш бўйича ўрганиш ишлари олиб борилди.
2024 йил Косонсой туманида ғалладан бўшаган жами 6535 гектар ер майдонларига, сабзавот 625 гектар, мойли экинлар 535 гектар, дуккаклик экинлари 1445 гектар, полиз 9 гектар ва озуқа экинлар 2660 гектар ер майдонларига такрорий экинлар экиш режалаштирилган.
Шунингдек, тумандаги “Намуна ширин” фермер хўжалигида ғалладан бўшаган 9 гектар ер майдонларга такрорий экинларни экиш бўйича амалий семинар ташкил этилди.
Семинарда туман фермер, деҳқон хўжалилаклари ва томорқа ер эгалари кенгаши раиси, бухгалтерия марказ ходимлари, "Гўрмирон" маҳалла фуқаралари йиғими раиси, ҳоким ёрдамчиси, хотин-қизлар фаоллари ва маҳалла ёшлари иштирок этди.
Семинар давомида такрорий экин экиш жараёнида “Бир контур-бир маҳсулот” тамойили асосида қишлоқ хўжалиги экинларни экиш ташкил этиш лозимлиги тушунтирилди.
Кенгаш раиси Д.Қодиров олиб борган сессия ишида депутатлар, сектор раҳбарлари, ҳоким ўринбосарлари ҳамда тегишлилиги бўйича корхона ва ташкилотлар раҳбарлари иштирок этдилар.
Унда Косонсой тумани ҳокими Д.Қодировнинг маҳаллаларда аҳоли бандлигини таъминлаш ва тадбиркорликка жалб қилиш орқали даромадларини ошириш бўйича амалга ошириладиган ишлар юзасидан мурожаати, Ўзбекистон Республикаси Президентининг Косонсой туман Халқ қабулхонаси мудири Т.Муйдинованинг ҳоким ёрдамчилари фаолиятини натижадорлигини ўрганиш ҳамда 2024 йил 3 ой давомида аҳоли мурожаатлари ва муаммолари билан ишлаш аҳволи юзасидан киритилган ахбороти, “Ҳудудларни комплекс ижтимоий-иқтисодий ривожлантириш бўйича секторлар фаолиятини янада такомиллаштиришга доир қўшимча чора-тадбирлар тўғрисида”ги ПҚ-4102-сонли қарори ижросини таъминлаш мақсадида, 2024 йилнинг 2-чораги давомида амалга оширилган ишлар юзасидан туман сектор раҳбарларининг ҳисоботи ҳамда 2024 йил 2-чораги “Йўл харита”сини тасдиқлаш, Косонсой туман Адлия бўлими бошлиғи Н.Камолованинг 2024 йил 2-чораги давомида туман халқ депутатлари Кенгашига тумандаги давлат органлари ва ташкилотларининг норма ижодкорлигини ҳамда ҳуқуқни қўллаш амалиёти аҳволи бўйича ахбороти, Косонсой туман ҳокимининг биринчи ўринбосари Э.Тошпўлатовнинг оилавий тадбиркорликни ривожлантириш дастури ижросини, шу жумладан ажратилган кредитлар самарадорлигини таъминлаш борасида амалга оширилаётган ишлар тўғрисида ҳисоботи ва бошқа масалалар кўриб чиқилди.
Баҳс-мунозараларга бой ўтган сессия якунида халқ депутатлари Косонсой туман Кенгашининг тегишли қарорлари қабул қилинди.
Ахборот соҳасидаги эркинлик ва ошкораликни таъминлаш ҳамда кенг жамоатчиликка етказишда оммавий ахборот воситаларининг фаоллигини ошириш бугунги куннинг долзарб вазифасидир. Айниқса, тараққиёт ва ижтимоий ҳаёт воқеликларини халқ оммасига етказишда телевидение, радио, интернет, давлат органлари ва ташкилотлари ахборот хизматлари, босма нашрлар ҳамда ижтимоий тармоқлардаги каналларнинг ўрни беқиёс.
Бугун оммавий ахборот воситалари ходимлари ўзларининг касб байрамларини нишонламоқдалар. Улар ўз қаламлари билан юртимизда тинчлик-осойишталик, ўзаро ҳамжиҳатлик муҳитини янада мустаҳкамлашга хизмат қилмоқдалар. Эътироф этиш жоиз, соҳа фидойиларини фидокорона меҳнати, ҳақиқатни сўзлашдаги жасорати мамлакатимизда демократик ислоҳотларни амалга оширишда катта аҳамиятга эга бўлиб бормоқда.
Фурсатдан фойдаланиб барча матбуот соҳаси вакилларини бугунги касб байрамлари билан муборакбод этамиз. Бундан кейинги фаолиятингиз ҳам улкан муваффақиятларга бой бўлишига тилакдошмиз. Сизга сиҳат-саломатлик, хонадонларингизга файз-у барака тилаймиз. Байрамингиз муборак бўлсин! Қаламингиз ҳамиша ўткир бўлсин!
Косонсой тумани ҳокимлиги
Xalqaro tavsiyalarga ko‘ra, aholini ro‘yxatga olish quyidagi muhim tamoyillarga asoslanadi:
- Aholini ro‘yxatga olishni boshqarishning qat’iy markazlashtirilishi ushbu tadbirni muvaffaqiyatli o‘tkazishning asosiy shartlaridan biridir.
- Aholini ro‘yxatga olishning muntazamligi. BMT tavsiyalariga ko‘ra, aholini ro‘yxatga olish 10 yilda kamida bir marotaba o‘tkazilishi belgilangan.
- Aholini ro‘yxatga olish maxsus tayyorlangan mutaxassislar – hisobchilar tomonidan o‘tkazilishi. Mazkur tadbirni amalga oshirish uchun ko‘p miqdorda maxsus xodimlar yollanadi, ularning tarkibiga ziyolilar, talabalar ham kiritilishi mumkin.
- Aholini ro‘yxatga olishni aniq bir muddatda o‘tkazish. Bu tadbirni amalga oshirishga odatda 10–12 kun talab etiladi. Aholini ro‘yxatga olish bir necha kun davomida o‘tkazilsa ham, ma’lumotlar aniq bir vaqtda – ko‘pincha aholini ro‘yxatga olishning birinchi kunining 0 soatdagi holati bo‘yicha qayd etiladi. Bu aholini ro‘yxatga olishning nozik vaqti, deb ham ataladi.
Masalan, chaqaloq aholini ro‘yxatga olish davrida, ammo ana shu aniq muddatdan keyin tug‘ilgan bo‘lsa, u aholi ro‘yxatiga kiritilmaydi. Lekin, kimdir bu aniq nozik muddatda hayot bo‘lib, shundan keyin, ya’ni aholini ro‘yxatga olish davrida vafot etsa, u aholi ro‘yxatiga kiritiladi.
- Aholini ro‘yxatga olishning belgilab qo‘yilgan aniq dasturining mavjudligi va tadbirni unga qat’iy rioya qilgan holda o‘tkazish. Aholini ro‘yxatga olish dasturi – ro‘yxatga olishda muayyan talablarni hisobga olgan holda, aholiga murojaat qilinadigan savollar ro‘yxatini, ma’lumotlarni qayd etish, to‘plash, qayta ishlash, yakuniy ma’lumotlarni e’lon qilish tartiblarini o‘z ichiga oladi.
- Aholining to‘liq qamrab olinishi. Aholini ro‘yxatga olishda kimdir unutib qoldirilishi yoki ikki marta ro‘yxatga olinishi hollari uchrasa ham, mavjud aholining ro‘yxatdan joy olinishini ta’minlash asosiy vazifa hisoblanadi.
- Ma’lumotlarning maxfiyligi va shaxsiylashtirilishi. Aholini ro‘yxatga olishda individual asosda har bir shaxs to‘g‘risidagi yakka ma’lumotlar to‘planadi. Shu bilan birga, respondentlardan olingan ma’lumotlarning nomsizligi kafolatlanadi. Aholini ro‘yxatga olish varaqasidan faqat natijalarni umumlashtirish uchun foydalaniladi.
Ixtiyoriylik. Shaxs to‘g‘risidagi ma’lumotlar so‘ralayotgan (respondent)ning javoblari (kichik yoshdagilar uchun – ota-onalari yoki ularning o‘rnini bosadigan shaxslarning) asosida qayd qilinadi va buni hujjat bilan tasdiqlash talab etilmaydi.