Бундан бир неча йил бурун, Наманганда таниқли рассом, Ўзбекистон Рассомлар Бадиий академияси ижодий уюшмаси аъзоси, марҳум Маҳмуджон Ашурматовнинг шахсий кўргазмаси очилганди. Унга ташриф буюрган ўша йилларда Франциянинг Ўзбекистондаги мухтор элчиси бўлган жаноб Клод Ришар рассомнинг "Умрбоқийлик" картинаси олдида анча вақт туриб қолиб, "Ҳаёт ёшликдан қариликка эмас, қариликдан ёшликка қараб юрса, қандай бўларкин?" - дея фикр билдирган эди.
Косонсой тарих музейида очилган "Tasvirlarda ona yuirt madhi" деб номланган рассом кўргазмасидан айнан шу асарлар - "Умрбоқийлик-1", "Умрбоқийлик-2" картиналари ҳам ўрин олди.
Маҳмуджон Ашурматовнинг барча картиналари коинот нури билан суғорилган бўлиб, бу ёруғлик орқали рассомнинг уйғунликка интилаётган ақлли ва маънавиятли замондошларининг чеҳралари кўриниб туради.