ЎЗБЕКИСТОН РЕСПУБЛИКАСИ ДАВЛАТ СОЛИҚ ҚЎМИТАСИ РАИСИНИНГ БИРИНЧИ ЎРИНБОСАРИ ТАДБИРКОРЛАР БИЛАН ОЧИҚ МУЛОҚОТ ЎТКАЗДИ

20.01.2021

Ўзбекистон Республикаси Давлат солиқ қўмитаси раисининг биринчи ўринбосари ҳамда Наманган вилоят Давлат солиқ бошқармаси бошлиғи иштирокида Ўзбекистон Республикасининг 2020 йил 30 декабрдаги ЎРҚ-659-сонли Қонуни билан Солиқ кодексига киритилган ўзгартириш ва қўшимчалар юзасидан тадбиркорлар билан видеоконференция шаклида очиқ мулоқот бўлиб ўтди.

Тадбирда мамлакатимизда тадбиркорлик фаолияти учун яратилаётган имтиёз ва преференциялар, жорий йилдан солиқ қонунчилигига киритилган ўзгартиш ва қўшимчалар ҳамда бир қатор янги нормаларнинг мазмун-моҳияти хусусида батафсил тушунтирилди.

Хусусан, 2021 йилда солиқ турлари бўйича солиқни ҳисоблаб чиқариш ва тўлашнинг амалдаги тартиби, солиқ тўловларидаги ўзгариш ва қўшимчалар юзасидан маълумот берилди.

Тадбир якунида тадбиркорларнинг қизиқтирган саволларига жавоб берилди.

КОСОНСОЙ ТУМАНИДА ҚАЙСИ ДАВЛАТЛАРНИНГ КАПИТАЛИ ИШТИРОКИДАГИ КОРХОНАЛАР СОНИ КЎП?

19.01.2021

Корхона ва ташкилотларнинг ягона давлат рестри” маьлумотларига кўра, 2021 йилнинг 1 январь ҳолатига Косонсой туманида рўйхатдан ўтган хорижий капитал иштирокидаги корхоналар сони 20 тани  ташкил этиб, уларнинг сони  ўтган йилнинг мос даврига нисбатан 9 тага ошган.

 

Хорижий капитал иштирокида  рўйхатга олинган корхоналарнинг давлатлар кесимида сони:

 

Россия – 3 та

Хитой – 3 та

Корея – 3 та

Ҳиндистон – 2 та

Сурия  – 1 та

Қирғизистон – 1 та

Покистон – 1 та

Голландия – 1 та

Миср – 2 та  

Польша – 1 та

Нидерландия – 1 та

Афғонистон – 1 та

КОСОНСОЙ ТУМАН ТЎРТИНЧИ СЕКТОР ТОМОНИДАН “2021 ЙИЛ: ЯНГИ МАРРАЛАР, ЯКДИЛ ҚАДАМЛАР" МАВЗУСИДА МАЪНАВИЙ-МАЪРИФИЙ ТАДБИР ЎТКАЗИЛДИ

18.01.2021

2020 йил сўнгги кунларида мамлакатимизнинг ижтимоий-сиёсий ҳаётидаги энг муҳим воқеа, бу Давлатимиз раҳбарининг Ўзбекистон Олий Мажлиси ва халқига йўллаган мурожаатномаси бўлди.

 

Косонсой туманидаги 4-сектор ҳудудида жойлашган "Кушон" маданият марказида Президентимизнинг Мурожаатномаси мазмун моҳиятини янада кенг тушунтириш мақсадида “2021 йил: янги марралар, якдил қадамлар” мавзусида маънавий-маърифий тарғибот тадбири бўлиб ўтди.

Тадбирда тўртинчи сектор раҳбари Акрамхон Нажмиддинов, халқ таълими тизими вакиллари, ўзини ўзи бошқариш органлари вакиллари, ҳудуддаги ташкилот ва корхона жамоалари ҳамда раҳбарлари, сектор раҳбарлари, жойлардаги ижроия органлари вакиллари, тадбиркорлар, мактаблардаги ёшлар етакчилари ва тиббиёт соҳаси вакиллари иштирок этишди.

Тадбирда 4-сектор раҳбари, давлат солиқ инспекцияси раҳбари Акрамхон Нажмиддинов, туман ҳокимининг ўринбосарлари, 4-сектор ҳудудидаги туман ташкилотлари раҳбарлари, таълим муассасалари директорлари, маҳалла фуқаролар йиғинлари раислари, ёшлар вакиллари ҳамда оммавий ахборот воситалари вакиллари қатнашишди.

Тадбирдан кўзланган асосий мақсад Президент Мурожаатномасини мазмун моҳиятини халқимизга тушинтиришдан иборат.

Маънавий-маърифий тадбирда якунида бир гуруҳ фаолларга сектор раҳбарининг эсталик совғалари ҳамда ташаккурномалари топширилди.

"2021 ЙИЛ: ЯНГИ МАРРАЛАР, ЯКДИЛ ҚАДАМЛАР" МАВЗУСИДА МАЪНАВИЙ-МАЪРИФИЙ ТАДБИРЛАР ДАВОМ ЭТМОҚДА

18.01.2021

Косонсой туманида Ўзбекистон Республикаси Президентининг Олий Мажлисга Мурожаатномаси мазмун-моҳиятига бағишланган тарғибот тадбирлари давом этмоқда. Ана шундай тадбирлардан бири учинчи сектор ҳудудида жойлашган маданият марказида бўлиб ўтди. “2021 йил: янги марралар, якдил қадамлар” мавзусига бағишланган тадбирда 3-сектор раҳбари, туман ички ишлар бўлими бошлиғи Фурқатжон Мирзаев, туман ҳокимининг ва туман ИИБ бошлиғининг соҳалар бўйича ўринбосарлари ҳамда                       3-сектор ҳудудидаги туман ташкилотлари раҳбарлари, таълим муассасалари директорлари, тиббиёт соҳаси вакиллари, маҳалла фуқаролар йиғинлари раислари ва уларнинг ўринбосарлари, тадбиркор ва фермер хўжаликлари раҳбарлари ҳамда оммавий ахборот воситалари вакиллари иштирок этишди.

Тадбирда Тошкент архитектура ва қурилиш институти доценти, иқтисодиёт фанлари номзоди Абдураҳмон Мирисаев раҳбарлигидаги Наманган муҳандислик технология институтининг профессор ўқитувчилар жамоаси иштирок этишди. Улар мамлакатимизда амалга оширилаётган ислоҳотларнинг мазмун-моҳияти ва аҳамияти борасида йиғилганларга маъруза қилишди.

Мурожаатномада давлатимиз раҳбари томонидан илгари сурилган асосий ғоялар маърузачилар томонидан халқчил, таъсирчан, инфографика ҳамда видеороликлардан фойдаланган ҳолда етказиб берилди.

Маънавий-маърифий тадбирда якунида бир гуруҳ фаоллар сектор раҳбарининг эсталик совғалари ҳамда ташаккурномалари билан рағбатлантирилди.

 

Косонсой туман ҳокимлиги ахборот хизмати

КОСОНСОЙ ТУМАНИ 2-СЕКТОР ҲУДУДИДА “2021 ЙИЛ ЯНГИ МАРРАЛАР, ЯКДИЛ ҚАДАМЛАР” ТАРҒИБОТ ТАДБИРИ ӯТКАЗИЛДИ

16.01.2021

2020 йил сўнгги кунларида мамлакатимизнинг ижтимоий-сиёсий ҳаётидаги энг муҳим воқеа, бу Давлатимиз раҳбарининг Ўзбекистон Олий Мажлиси ва халқига йўллаган мурожаатномаси бўлди.

 

Юртимизнинг ҳар томонлама тараққиётида тобора муҳим аҳамият касб этиб бораётган бугунги кунда давлатимиз раҳбари ўтган йилда амалга оширилган ишлар, эришилган натижалар ҳамда бу йил олдимизда турган катта вазифалар тўғрисида атрофлича тўхталиб ўтдилар. Муҳтарам Президентимизнинг Олий Мажлисга ва халқга қилган мурожаатларини секторлар кесимида кенг жамоатчиликка етказиш, унда белгилаб берилган устувор вазифаларни соҳалар ва тармоқлар бўйича бажарилишини таъминлаш бугунги кунда энг асосий вазифага айланган.

“2021 йил: янги марралар, якдил қадамлар” мавзусидаги ана шундай тадбирлардан бири Косонсой туманидаги 2-сектор ҳудудида жойлашган 3-сон болалар мусиқа ва санъат мактабида бўлиб ўтди.

Тадбирда 2-сектор раҳбари, туман прокурори Фозилжон Тоиров, туман ҳокимининг ўринбосарлари, 2-сектор ҳудудидаги туман ташкилотлари раҳбарлари, таълим муассасалари директорлари, маҳалла фуқаролар йиғинлари раислари, ёшлар вакиллари ҳамда оммавий ахборот воситалари вакиллари қатнашишди.

Шунингдек, тадбирда Тошкент архитектура ва қурилиш институти доценти, иқтисодиёт фанлари номзоди Абдураҳмон Мирисаев раҳбарликларида Наманган муҳандислик технология институтининг профессор ўқитувчилар ҳам қатнашдилар.

Тадбирда тарбиявий аҳамиятга эга бўлган ролик намойиши ҳам кўпчиликка янги-янги мақсадлар сари интилишга туртки бўлди десак муболаға бўлмас.

Таъкидлаш жоиз, жорий йилда мамлакат тараққиёти йўлидаги муҳим вазифалар ижросини таъминлашда бу каби  тадбирларнинг ўрни беқиёс.

Тадбирда тарбиявий аҳамиятга эга бўлган ролик намойиши ҳам кўпчиликка янги-янги мақсадлар сари интилишга туртки бўлди десак муболаға бўлмайди.

“КИМ ВАТАНГА СОДИҚ БЎЛСА МЕНДИРМАН ЎША” МАВЗУСИДАГИ ТАДБИРЛАР ДАВОМ ЭТМОҚДА

15.01.2021

Ёшларни ватанпарварлик руҳида тарбиялаш, уларни юртга садоқат, касбга масъулият билан ёндошишга ундаш мақсадида туманимизда “Ватанпарварлик ойлиги” доирасида “Ким ватанга содиқ бўлса мендирман ўша” мавзусида тарғибот тадбирлари ўтказилмоқда.

Тантанали тадбир аввалида Косонсой туман ҳокими Баҳодир Юсупов, туман мудофаа бўлими бошлиғи Умиджон Мирзаевлар барчани Ватан ҳимоячилари куни билан муборакбод этиб, самимий тилакларини изҳор этдилар.

Тадбирда туман Мудофаа бўлими ҳамда Ғурумсарой ҳарбий қисми билан ҳамкорликда  кўргазмали чиқишлари намойиш этилди. Айниқса, майдон узра ҳарбий оркестр ижросида янграган наволар, фахрий қоровулларнинг саф тортиши, ҳарбийлар, ёш спортчилар, Ўзбекистон Мудофаага кўмаклашувчи “Ватанпарвар” кенгаши қошидаги ўқув-спорт техника клуби аъзоларининг кўргазмали чиқишлари барчада катта таассурот қолдирди.

Тадбир сўнгида ҳарбий техника ва қурол-яроқлар кўргазмаси ташкил этилди.

Бир гуруҳ ҳарбий хизматчилар туман ҳокимининг фахрий ёрлиқлари ҳамда эсталик совғалари тақдирландилар.

“2021 ЙИЛ ЯНГИ МАРРАЛАР, ЯКДИЛ ҚАДАМЛАР” ТАРҒИБОТ ТАДБИРИ ЎТКАЗИЛДИ

15.01.2021

2020 йил сўнгги кунларида мамлакатимизнинг ижтимоий-сиёсий ҳаётидаги энг муҳим воқеа, бу Давлатимиз раҳбарининг Ўзбекистон Олий Мажлиси ва халқига йўллаган мурожаатномаси бўлди. Юртимизнинг ҳар томонлама тараққиётида  тобора муҳим аҳамият касб этиб бораётган бугунги кунда давлатимиз раҳбари ўтган йилда амалга оширилган ишлар, эришилган натижалар ҳамда бу йил олдимизда турган катта вазифалар тўғрисида атрофлича тўхталиб ўтдилар. Муҳтарам Президентимизнинг Олий Мажлисга ва халқга қилган мурожаатларини секторлар кесимида кенг жамоатчиликка етказиш, унда белгилаб берилган устувор вазифаларни сохалар ва тармоқлар бўйича бажарилишини таъминлаш бугунги кунда энг асосий вазифамизга айланган. Шу нуқтаи назардан келиб чиқиб, бугун биз сизлар билан “2021 йил: янги марралар, якдил қадамлар” тарғибот тадбирини ўтказиш чора-тадбирлари белгиланди. Тадбирга туман ҳокимининг соҳалар бўйича ўринбосарлари, 1-сектор ҳудудидаги туман ташкилотлари раҳбарлари, таълим муассасалари директорлари, тиббиёт соҳаси вакиллари, маҳалла фуқаролар йиғинлари раислари ва уларнинг ўринбосарлари, тадбиркор ва фермер хўжаликлари раҳбарлари ҳамда оммавий ахборот воситалари вакиллари қатнашишди. Шунингдек, унда Тошкент архитектура ва қурилиш институти доценти, иқтисодиёт фанлари номзоди Мирисаев Абдурахмон Абдулахатович раҳбарликларида Наманган муҳандислик технология институтининг профессор ўқитувчилар ҳам қатнашиб, фикр-мулоҳазаларини билдирдилар.

 Давлат ва жамият қурилиши тизимини такомиллаштириш, қонун устуворлигини таъминлаш ва суд-ҳуқуқ тизимини янада ислоҳ қилишга доир белгиланган устувор йўналишлар шарҳи юзасидан сўз Наманган муҳандислик технология институтининг профессори, фалсафа фанлар доктори Абдурашид Мирзаахмедов, мурожаатномадан ўрин олган иқтисодиётни ривожлантириш ва либераллаштириш борасидаги вазифалар шарҳи юзасидан Наманган муҳандислик технология институтининг доценти, иктисод фанлар номзоди  Рахмонжон Эгамбердиев ҳамда  Олимжон Қозоқов, институтининг доценти, фалсафа фанлари номзоди  Турдали Маликов сўз олишди. Шунингдек, Мурожаатномадан ўрин олган хавфсизлик, миллатлараро тотувлик ва диний бағрикенгликни таъминлаш ҳамда чуқур ўйланган, ўзаро манфаатли ва амалий ташқи сиёсат соҳасидаги устувор йўналишлар шарҳи юзасидан сўз Наманган муҳандислик технология институтининг доценти, тарих фанлари номзоди Зафаржон Юсупов ҳам бу борада ўз мулоҳазалари билан ўртоқлашдилар. Тадбирда тарбиявий аҳамиятга эга бўлган ролик намойиши ҳам кўпчиликка янги-янги мақсадлар сари интилишга туртки бўлди десак муболаға бўлмас.

Таъкидлаш жоиз,  жорий йилда мамлакат тараққиёти йўлидаги муҳим вазифалар ижросини таъминлашда бу каби  тадбирларнинг ўрни беқиёс.

КОСОНСОЙДА "ҲОКИМ КУБОГИ" ЯКУНЛАНДИ

15.01.2021

Косонсой тумани ҳокимлиги ташаббуси билан тумандаги корхона ва ташкилотлар ўртасида  мини футбол бўйича "Ҳоким кубоги" мусобақаси ўтказилди.

 

Эътиборлиси, шундаки  ушбу мусоқабада тумандаги 14 та корхона ва ташкилотларнинг жамоалари иштирок этиб, ғолиблик учун беллашдилар.

 

"Ҳоким кубоги" учун ўтказилган мазкур мини футбол мусоқабақасида 1-ўринни туман болалар ва ӯсмирлар спорт мактаби, 2-ўринни туман давлат солиқ инспекцияси, 3-ўринни эса туман ҳокимлиги жамоаси қўлга киритди.

 

Мусобақа якунида ғолиблар туман ҳокими Баҳодир Юсупов томонидан кубок, диплом ва эсдалик совғалари билан тақдирландилар.

14 ЯНВАР - ВАТАН ҲИМОЯЧИЛАРИ КУНИ МУНОСИБ НИШОНЛАНДИ

15.01.2021

Косонсойда Қуролли Кучларимиз ташкил этилганининг 29 йиллиги ҳамда Ватан ҳимоячилари куни муносабати билан  байрам тадбири ташкил этилди.

 

Дарҳақиқат, бутун мамлакатимиз бўйлаб, Ўзбекистон Республикаси Қуролли Кучлари ташкил этилганлигининг 29 йиллиги кўтаринкилик билан умумхалқ байрами сифатида кенг нишонланди.

 

Ана шундай тадбирлардан бири Косонсой туман миллий маданият марказида қуролли кучлар фахрийлари, ҳарбий хизматчилар, туман ҳокимлиги, мудофаа бўлими, миллий гвардия, ҳуқуқни муҳофаза қилувчи идоралар ва ёшлар ташкилотлари вакиллари иштирокида ўтказилди. Ушбу тантанали тадбир туман ҳокими Баҳодир Юсупов, туман мудофаа бўлими бошлиғи Умиджон Мирзаевлар барчани Ватан ҳимоячилари куни билан муборакбод этиб, самимий тилакларини изҳор этдилар.

 

Шунингдек, тадбир давомида Қуролли кучлар фахрийлари, ҳарбий хизматчилар, мудофаа ишлари бўлими фахрийлар кенгаши аъзолари, “Ватанпарвар” ташкилотининг спорт мураббийлари бир гуруҳига туман ҳокимининг фахрий ёрлиқлари ҳамда эсталик совғалари топширилди. Туман маданият бўлими, “Хушнаво” ашула ва рақс халқ ансамбли, ҳамда 3- ва 4-сонли болалар мусиқа ва санъат мактаби томонидан тайёрланган концерт дастури эса йиғилганларга янада хушкайфият бахш этди.

 

Косонсой туман ҳокимлиги ахборот хизмати

ХАЛҚ ДЕПУТАТЛАРИ КОСОНСОЙ ТУМАНИ КЕНГАШИНИНГ 23-СЕССИЯСИ БЎЛИБ ЎТДИ

13.01.2021

Бугун Халқ депутатлари Косонсой туман Кенгашининг йигирма учинчи сессияси бўлиб ўтди. Сессия кун тартибида олтита масала кўриб чиқилди.

Сессия ишида халқ депутатлари туман Кенгаши депутатлари, туман ҳокимининг соҳалар бўйича ўринбосарлари, сектор раҳбарлари, тегишли туман ташкилотлари раҳбарлари, МФЙ раислари ҳамда оммавий ахборот воситалари вакиллари иштирок этдилар.

Дастлаб, Ўзбекистон Республикаси Президенти Шавкат Миромонович Мирзиёевнинг 2020 йил 29 декабрь кунги Олий Мажлисга Мурожаатномасида белгилаб берилган вазифалар ижроси юзасидан туман ҳокими Баҳодир Юсупов ахборот берди.

Масала юзасидан туман Кенгаши депутатлари В.Тожибоева, И.Жўраевлар музокара сўзга чиқиб, фикрларини билдирдилар.

Шундан сўнг, халқ депутатлари Косонсой туман Кенгаши котибиятини ташкил этиш, котибият мудирини тайинлаш, Кенгаш котибияти бош мутахассисларини тайинлаш тўғрисидаги масалалар депутатлар томонидан кўриб чиқилди.

Унга кўра, Халқ депутатлари Косонсой туман Кенгаши котибияти ташкил этилиб, котибият мудири сифатида 18-Гурмирон округидан сайланган депутат Дилфуза Валиева номзоди маъқулланди. Котибиятнинг бош мутахассислари сифатида Дилшод Темиров, Жаҳонгир Хўжамовлар тасдиқланди.

Сессия давомида Косонсой туманида 2021 йил учун юридик ва жисмоний шахсларнинг қишлоқ хўжалигига мўлжалланмаган ерлар учун базавий солиқ ставкаларини белгилаш тўғрисида Косонсой туман Давлат солиқ инспекцияси бошлиғи ўринбосари Фарҳод Валиевнинг ахбороти тингланди. 

Шу билан халқ депутатлари Косонсой туман Кенгашининг йигирма учинчи сессияси ўз ишини якунлади. Сессия якунида туман Кенгашининг тегишли қарорлари қабул қилинди

 

Косонсой туман ҳокимлиги ахборот хизмати

 
© 2014-2021, Namangan viloyat Kosonsoy tuman hokimligining rasmiy axborot portali. Sayt materiallaridan foydalanilganda www.kosonsoy.uz manbasi ko'rsatilishi shart.
Sayt Namangan viloyati hokimligining Kompyuterlashtirish markazi tomonidan ishlab chiqilgan.