АҲОЛИ ВА ЁШЛАР МУРОЖААТЛАРИ ТИНГЛАНДИ

29.01.2021

Прокуратура органлари томонидан сайёр қабуллар ташкил этиш орқали аҳоли билан бевосита мулоқот қилиш айниқса, ёшларни қийнаб келаётган муаммоларни аниқлаб, жойида бартараф этиш юзасидан амалий тадбирлар ўтказиб келинмоқда.

Наманган вилоят прокурори Жаҳонгир Ҳатамов томонидан Косонсой туманидаги миллий маданият марказида ўтказилган навбатдаги қабул ҳам бу борадаги тадбирларнинг амалий давоми бўлди.

Дастлаб вилоят прокурори, 2-сектор раҳбари ёшлар билан ишлашнинг янгича тизимини жорий этиш бўйича туманда ташкил этилган штаб фаолияти билан яқиндан танишди.

Тадбирнинг асосий қисмида вилоят прокурорининг ҳудуд ёшлари билан очиқ мулоқот тарзидаги учрашуви ташкил этилиб, 22 нафар ёшларнинг муаммо ва таклифлари тингланди, идора ва ташкилотларга тегишли вазифалар белгилаб берилди.

ҲУДУДИЙ ИНВЕСТИЦИЯ ЛОЙИҲАЛАРИ ҚИШЛОҚ ҲЎЖАЛИГИ СОҲАСИДА

23.01.2021

Ҳудудий инвестиция лойиҳалари қишлоқ ҳўжалиги соҳасида қиймати 102,7 млрд. сўмга тенг бўлган 34 та лойиҳа ишга туширилиб, 218 нафар янги иш ўринлари яратилди.

Ушбу лойиҳалардан:
"Ахмадхонхожи Косоний" фермер хўжалиги, қиймати 14 млрд. сўмга тенг бўлган "Паррандачилик хўжалиги ташкил этиш", иш ўрни 15 та.

"Мясные продукты SBC" МЧЖ, қиймати 4 млрд.сўм, "Паррандачиликни ташкил этиш (гўшт йўналишида)" лойиҳаси, иш ўрни 20та.

“QAYTMAS ZAMINI” МЧЖ , қиймати 1 млрд.сўм, "Музлатгичли омбор ташкил этиш", 5 янги иш ўрни яратилди.

ЁШЛАР БИЛАН ИЖОДИЙ УЧРАШУВ

23.01.2021

Мамлакатимизда ёшлар билан ишлашнинг янгича тизимини жорий этиш бўйича чора-тадбирлар дастури асосида 23 январ куни Косонсой туманида "Ёшлар фестивали" ташкил этилди. Ушбу "Ёшлар фестивали" доирасида "Миллий маданият маркази"да Республика маънавият ва маърифат маркази туман бўлинмаси ташаббуси билан "Ёшлар билан ижодий учрашув" кечаси ўтказилди. Ушбу кечада Ўзбекистон ёзувчилар уюшмаси Наманган вилояти бўлими раҳбари,  таниқли шоир Зиёвуддин Мансур, Ўзбекистон журналистлари ижодий уюшмаси вилоят бўлими раҳбари, шоир Носир Аббос, таниқли ғазалнавис Дилором Эргашева, таниқли шоир Иброҳим Маҳкамовлар иштирок этдилар. Қолаверса, ушбу тадбирда тумандаги 50 дан ортиқ ижодкор ўқувчилар ўз шеърларини устозлар синовидан ўтказдилар. Тадбир якунида бундай тадбирларни ҳар ойда бир марта ўтказишга келишиб олинди.

КОСОНСОЙ ТУМАН ҲОКИМЛИГИ КАТТА МАЖЛИСЛАР ЗАЛИДА ТУМАН ҲУҚУҚНИ МУҲОФАЗА ҚИЛИШ ОРГАНЛАРИНИНГ МУВОФИҚЛАШТИРУВЧИ КЕНГАШ ЙИҒИЛИШИ БЎЛИБ ЎТДИ

22.01.2021

Туман прокурори раислигида ўтказилган йиғилишда 2020 йил давомида туманда содир этилган жиноятлар ва ҳуқуқбузарликлар, уларни келтириб чиқарган сабаблар,  олдини олиш ва қарши курашиш бўйича амалга оширилган профилактик тадбирлар атрофлича муҳокама қилинди.

Йиғилишда барча мутасадди ташкилотлар ва ҳуқуқни муҳофаза қилувчи орган ходимлари иштирок этдилар. Масъуллар бу борада ўз олдиларига мақсадлар қўйиб, эътиборни аҳоли билан ишлашнинг янги механизмига қаратиш кераклиги ҳамда бу бўйича вазифаларни белгилаб олдилар.

Тадбир якунида 2020 йилда жиноятчиликка қарши кураш ва уни олдини олиш борасида ижобий кўрсаткичларга эга бўлган маҳалла фуқаролар йиғинлари, ҳудудлар профилактика инспекторлари ташаккурнома ва эсдалик совғалари билан тақдирландилар.

ТУМАНИМИЗДА ЁШЛАР БИЛАН ОЧИҚ МУЛОҚОТЛАР ДАВОМ ЭТМОҚДА

22.01.2021

Ёшларга берилаётган эътиборни барча ҳудудларимизда тез-тез раҳбарлар ҳамда ёшлар билан ўтказилаётган очиқ мулоқотлардан ҳам кўриш мумкин.

Ҳудди шундай мулоқотлардан бири Косонсой туман 2-сектор ҳудудида жойлашган 3-сонли болалар мусиқа ва санъат мактабида бўлиб ўтди.

"Ёшлар" дафтарига киритилган  оилалар фарзандлари, уюшмаган, ишсиз ёшлар иштирок этган ушбу очиқ мулоқотда туман прокурори катта ёрдамчиси Ф.Каримджанов, туман Халқ қабулхонаси мудираси Т.Муйдинова, туман ҳокими ўринбосари А.Шералиев ҳамда тумандаги корхона ва ташкилотлар раҳбарлари иштирок этишди. Мулоқотда мутасаддилар ёшларнинг муаммо, таклиф ва мурожаатларини тингладилар.

 

Очиқ мулоқотда ёшлардан турли йўналишлардаги кўплаб мурожаатлар келиб тушди.

Тадбир якунида келиб тушган мурожаатлар юзасидан йўл харитаси тузилиб, ижрога йўналтирилди.

ФАВҚУЛОДДА ВАЗИЯТЛАР БЎЛИМИ ҲАМКОРЛИГИДА МАХСУС-ТАКТИК ЎҚУВ МАШҒУЛОТИ ЎТКАЗИЛДИ

22.01.2021

Косонсой туман ҳокимлиги ва фавқулодда вазиятлар бўлими ҳамкорлигида 2021 йил қиш мавсумида аҳоли пунктларини, ижтимоий-иқтисодий объектларни электр энергияси, табиий ва суюлтирилган газ ҳамда кўмир ёқилғиси билан узлуксиз таъминлаш тизимини ташкил этиш, шунингдек туман ФВДТ қуйи тизими бошқарув органлари, куч ва воситаларининг ҳамкорлигини мувофиқлаштириш, доимий шайлигини таъминлаш мақсадида 2021 йилнинг20 январь куни Косонсой  туманида “Қиш мавсумида содир бўлиши мумкин бўлган кўнгилсиз ҳодисаларни олдини олиш ва аҳоли хавфсизлигини таъминлаш” мавзусида кўргазмали махсус-тактик ўқув машқлари ўтказилди.

КОСОНСОЙ ТУМАНИДА ҲУДУДИЙ ИНВЕСТИЦИЯ ЛОЙИҲАЛАРИ ХИЗМАТ КЎРСАТИШ СОҲАСИДАГИ КЎРСАТКИЧЛАР

22.01.2021

2020 йилда Косонсой туманида ҳудудий инвестиция лойиҳалари хизмат кўрсатиш соҳасида қиймати 46,7 млрд. сўмга тенг бўлган 26 та лойиҳа ишга туширилиб, 140 нафар янги иш ўринлари яратилди.

Ушбу лойиҳалардан:

"Иброхимжон ота медикал" МЧЖ томонидан қиймати 7.5 млрд.сўм га тенг бўлган "Диагностика маркази ва шифохона" ташкил этилиб,10 нафардан зиёд иш ўринлари яратилган.

"Косонсой шебен бетон" МЧЖ, қиймати 6 млрд.сўм, "Савдо комплекси ва хизмат кўрсатиш" лойиҳаси, иш ўрни 15дан зиёд иш ўрни яратилди.

"Ҳасанхон Обод савдо маркази" МЧЖ, қиймати 7 млрд.сўм, "Савдо комплекси ташкил этиш" лойиҳаси, иш ўрни 30 та.

Ravot Obod Guzari МЧЖ томонидан қиймати 6 млрд.сўмга тенг бўлган "Қурилиш махсус техникалари хизматини кўрсатиш" ташкил этилиб, 10 нафар янги иш ўринлари яратилди.

КОСОНСОЙ ТУМАНИДАГИ 5-УМУМИЙ ЎРТА ТАЪЛИМ МАКТАБИДА ВИЛОЯТ СЕМИНАРИ ТАШКИЛ ЭТИЛДИ

21.01.2021

Косонсой туманидаги 5-умумий ўрта таълим мактабида табиий фанлар йўналишида “Табиий фанларни ўқитишда АКТ ва электрон дарсликлардан фойдаланиш самарадорлиги” мавзусида вилоят семинари ўтказилди. Мазкур семинарда вилоят халқ таълими бошкармаси, туман ҳокимлиги вакиллари, шаҳар ва туманлар услубчилари,  вилоятдаги таълим рус тилида олиб бориладиган мактабларнинг табиий фан ўкитувчилари  қатнашдилар.

Иштирокчилар мактабда ташкил этилган кўргазмалар, жонли бурчаклар билан таништирилиб, таълим муассасасидаги табиий фан ўқитувчилари томонидан ташкил этилган очиқ дарслар кўздан кечирдилар. Ўтказилган очиқ дарсларда ноанъанавий дарс ўтиш методлари ва ахборот технологияларидан фойдаланиш кўникмалари ҳақида маълумот берилди. Иштирокчилар ўзаро касбий, педагогик ва услубий тажриба алмашди.  Ўқитувчилар томонидан ўтилган дарслар томонидан таҳлил қилиниб, фикр-мулоҳазалар билдирилди. Семинар якунида иштирокчиларга фахрий ёрлиқлар топширилди.

 

Наманган вилоят халқ таълими бошқармаси Ахборот хизмати

“JANGLYOR CUP” МУСОБАҚАСИ ҒОЛИБЛАРИ АНИҚЛАНДИ

20.01.2021

Мамлакатимизда аҳоли, айниқса ёшларни спортга фаол жалб қилиш, иқтидорли спортчиларни қўллаб-қувватлаш, чекка ҳудудларда яшовчи ёшларнинг ҳам спорт билан шуғулланиши учун имконият яратиш масалалари давлатимиз ва ҳукуматимизнинг доимий эътиборида десак муболаға бўлмайди.

Косонсой туман ҳокимлиги ахборот хизмати ҳамда “Косонсойликлар” канали ташаббуси билан, жорий йилнинг 20 январь куни “Спортни сев, спорт билан яша!” шиори остида, 30 ёшгача бўлган ёшлар орасида, жанглёр бўйича туман биринчилиги бўлиб ўтди.

 

Тадбирни Ўзбекистон Футбол ассоциацияси вице президенти, Жисмоний тарбия ва спорт вазирининг биринчи ўринбосари Равшан Эрматов очиб берди ҳамда мусобақа иштирокчиларига омад тилади.

 

Мусобақа якунларига кўра ғолибларга ташкилотчиларнинг эсдалик совғалари ва ташаккурномалари топширилди.

 

Ғолиблар билан танишинг:

1-ўрин: Муминов Музаффар - 980та

2-ўрин: Иброҳимхонов Акбархон - 472та

3-ўрин: Каримов Беҳрузжон - 417та

 

“Спортни сев, спорт билан яша!” фестивали - бу соғлом ҳаёт сари катта қадам!

РАВШАН ЭРМАТОВ КОСОНСОЙ ТУМАНИГА ТАШРИФ БУЮРДИ

20.01.2021

Вазирлар Маҳкамасининг Спорт ва туризмни ривожлантириш масалалари котибияти бош мутахассиси Р.Талипов, Жисмоний тарбия ва спорт вазирининг биринчи ўринбосари Р.Эрматов, Миллий Олимпия Қўмитаси бош котиби О.Қосимовдан иборат ишчи гуруҳ Наманган вилоятида ўрганиш ишларини олиб бормоқда.

Ҳудудларда соғлом турмуш тарзи тарғиботининг амалдаги ҳолати, келгусидаги режалар хусусида атрофлича ўрганишлар олиб борилди, шунингдек, марказий ўйингоҳ, спорт объектларининг фаолияти ва ёшлар учун яратиб берилаётган шароитлар каби масалалар суҳбатнинг асосий мавзуларига айланди.

Болалар ва ўсмирлар спорт мактабида таҳсил олаётган ёш спортчиларга яратилиб берилаётган имкониятлар юзасидан мулоқот бўлиб ўтди. Ёш гимнастикачиларнинг спорт машғулотлари кўздан кечирилди.

Ўрганишлар якунида ишчи гуруҳ болалар ва ўсмирлар спорт мактабида ташкил этилган жанглёр кубоги мусобақасининг очилиш маросимида иштирок этишди.

 
© 2014-2021, Namangan viloyat Kosonsoy tuman hokimligining rasmiy axborot portali. Sayt materiallaridan foydalanilganda www.kosonsoy.uz manbasi ko'rsatilishi shart.
Sayt Namangan viloyati hokimligining Kompyuterlashtirish markazi tomonidan ishlab chiqilgan.