ХАЛҚ ДЕПУТАТЛАРИ КОСОНСОЙ ТУМАН КЕНГАШИНИНГ ЎНИНЧИ СЕССИЯСИ БЎЛИБ ЎТДИ

19.08.2020

Сессияни Халқ депутатлари туман Кенгаши раиси Б.Юсупов олиб борди. Сессияда туман ҳокимининг ўринбосарлари, ҳуқуқни муҳофаза қилувчи идоралар, секторлар раҳбарлари, Халқ депутатлари туман Кенгаши депутатлари, тегишли ташкилотлар вакиллари иштирок этди. Сессия котиби, кун тартиби ва иш регламенти тасдиқланди.

Дастлаб кун тартибидаги биринчи масала – карантин талабларини босқичма-босқич юмшатиш бўйича белгиланган вазифаларнинг туманда ижроси юзасидан туман тиббиёт бирлашмаси бошлиғи О.Қосимовнинг ҳисоботи тингланди. Шунингдек, О.Қосимов санитария талаблари ва карантин қоидаларига қатъий риоя этиш юзасидан туман аҳолиси давлат ва жамоат ташкилотлари раҳбарларига мурожаатномани ўқиб эшиттирди.

Иккинчи масала Косонсой туман ҳокимининг маънавий-маърифий ишлар самарадорлигини ошириш, давлат тили тўғрисидаги қонун ҳужжатларига риоя этилишини таъминлаш масалалари бўйича маслаҳатчиси З.Нишонованинг айрим маҳалла ва кўчаларнинг номланишини ўзгартириш бўйича маърузаси тингланди.

Сессия давомида туман ҳокимининг айрим қарорларини тасдиқланиб, кўрилган масалалар юзасидан тегишли қарорлар қабул қилинди.

 

Косонсой туман ҳокимлиги ахборот хизмати

МИБ: СОБИҚ МИБ ХОДИМЛАРИГА ИШ ҲАҚИ ВА УНГА ТЕНГЛАШТИРИЛГАН ТЎЛОВЛАР ТЎЛАБ БЕРИЛГАН

12.08.2020

Жорий йилнинг 11 август куни ижтимоий тармоқда “Компенсация, ишдан бўшатиш нафақаси ва мукофот пули тўлаб берилишини кутяпмиз” хабар жойлаштирилган.

Хабарда Бюронинг Косонсой туман бўлимининг собиқ МИБ давлат инспекторлари, 2 ойлик компенсация тўлови, ишдан бўшатиш нафақаси ва 2-чорак мукофоти тўлаб берилишини сўраб мурожаат этишган.

Мазкур мурожаат юзасидан ўтказилган ўрганишда қуйидагилар маълум бўлди.  Хусусан, Ўзбекистон Республикаси Президентининг 18.06.2020 йилдаги “Табиий газ ва электр энергиясини сотиш механизмини такомиллаштириш бўйича қўшимча чора-тадбирлар тўғрисида”ги ПФ-6010-сонли Фармонига асосан - энергия таъминоти, қаттиқ маиший чиқиндиларни тўплаш ва олиб чиқиш соҳасида тўлов интизомини таъминлаш бўйича Бюро органларининг вазифалари тугатилган.

Бўлимнинг 23 нафар давлат инспекторлари 06.07.2020 йилда бошқарма бошлиғи номига қўл ёзма равишда аризалар билан мурожаат қилишиб, ўз хоҳишларига кўра жорий йилнинг 6 июль кунидан эгаллаб турган Мажбурий ижро бюроси Косонсой туман бўлими энергия ресурслари ва маиший чиқиндилар бўйича қарздорликни ундириш ва назорат қилиш шўъбасининг давлат инспектори лавозимидан озод қилиб, тузилган меҳнат шартномаларини бекор қилишни ҳамда тизимдан бўшатишни сўраб, жорий йилнинг 1 августга қадар огоҳлантириш муддати даврида тўланиши лозим бўлган пуллик компенсацияси ҳамда Меҳнат кодексининг 67 ва 104-моддаларига асосан кафолат тўловларини тарафлар келишувига кўра талаб қилмасликларини маълум қилишган.

Ўзбекистон Республикаси Меҳнат кодексининг 97-моддаси 1-бандига асосан бошқарма бошлиғи (иш берувчи) ҳамда 23 нафар давлат инспекторлари ўртасида 06.07.2020 йилда мехнат шартномасини бекор қилиш тўғрисида ёзма келишувлар имзоланган.

Бундан ташқари, мурожаатда кўрсатилган мукофот пул маблағлари тўлаб берилмаганлик ҳолати ўрганилганда, Бюро директорининг 2020 йил
8 июлдаги 363-сонли буйруғи билан 2020 йилнинг 2-чорак якуни бўйича ўз хизмат вазифаларини виждонан ва масъулият билан бажарган, амалда интизомий жазоси бўлмаган Мажбурий ижро бюросининг ходимларига бир ойлик иш ҳақларининг 50 фоизи миқдорида меҳнатга ҳақ тўлаш жамғармаси маблағлари ҳисобидан пул мукофоти берилиши белгиланган.

Мазкур буйруққа асосан бошқарма бошлиғининг 09.07.2020 йилдаги 421-сонли буйруғи қабул қилиниб, Мажбурий ижро бюроси Наманган вилоят бошқармаси ва туман (шаҳар) бўлимлари ходимларига бир ойлик иш ҳақларининг 50 фоизи миқдорида меҳнатга ҳақ тўлаш жамғармаси маблағлари ҳисобидан пул мукофотлари берилган. Бюронинг Косонсой туман бўлимининг собиқ давлат инспекторларига мукофот пули берилмаганини уларни 6.07.2020 йилдан ўз ҳохишларига кўра лавозимдан озод этилгани билан боғлаш мумкин.

Шунингдек, меҳнат қонунчилигига асосан Бюронинг Косонсой туман бўлимининг 23 нафар давлат инспекторларига иш ҳақи ва унга тенглаштирилган тўловлар 05.08.2020 йилда тўлиқ қайта ҳисоб-китоб қилиниб, тўлаб берилиши таъминланди.

Ўрганиш давомида айнан тегишли идоралар ва ижтимоий тармоқларга ёзилган мурожаат бўйича ҳар бир давлат инпектор билан суҳбатлашилганда, уларнинг аксариятининг аризага алоқаси йўқлигини билдиришди. Собиқ давлат инспекторларга бошқарма кадрлар бўлими томонидан тушунтиришлар берилди.

Бундан ташқари, бошқарма Кадрлар бўлими томонидан таъминотчи корхоналарга ажратилаётган штат бирликларига мутаносиб Бюронинг Косонсой туман бўлимининг собиқ давлат инспекторлари ишга жойланмоқла.

     МИБ Наманган вилоят бошқармаси

 

ОНЛАЙН ТИББИЙ МАСЛАҲАТГА МАРҲАМАТ!

05.08.2020

Коронавирус пандемияси даврида қатор шифохоналарда карантин тартиблари ўрнатилган. Бундай шароитда аҳолига тиббий хизмат кўрсатишни такомиллаштириш мақсадида Наманган вилоят соғлиқни сақлаш бошқармаси ташаббуси билан шаҳар ва туман тиббиёт бирлашмаларида Онлайн тарзда тиббий маслаҳат кўрсатиш хизмати йўлга қўйилди. Косонсой туман аҳолисига онлайн тарзда ихтисослаштирилган тиббий маслаҳат бериш бўйича шаҳар ва туман тиббиёт бирлашмаларида фаолият юритадиган мутахассислар

ҳақида маълумотлар.

 

Косонсой туман тиббиёт бирлашмаси

 

Хирургия – (90) 223-19-59

Терапия. Ички касалликлар хизмати бўйича маслаҳат – (91) 352-23-32

Терапия. Ички касалликлар хизмати бўйича маслаҳат – (98) 771-33-57

Травматология (шикастланишлар) хизмати бўйича маслаҳат – (90) 598-16-72

Болалар кардиоревматологи – (99) 645-28-56

Кардиолог хизмати бўйича маслаҳат – (90) 598-81-01

Хирургия хизмати бўйича маслаҳат – (91) 367-81-50

Инфекционист хизмати бўйича маслаҳат – (91) 355-13-38

Педиатр. Болалар хизмати бўйича маслаҳат - (90) 551-96-22

Педиатр. Болалар хизмати бўйича маслаҳат - (93) 495-06-50

Педиатр. Болалар хизмати бўйича маслаҳат – (93) 671-86-03

Иммунолог хизмати бўйича маслаҳат – (90) 551-49-90

Нефролог хизмати бўйича маслаҳат – (90) 741-82-70

Уролог хизмати бўйича маслаҳат – (94) 171-01-81

Эндокринолог хизмати бўйича маслаҳат – (93) 911-30-70

ЛОР (қулоқ, томоқ, бурун) хизмати бўйича маслаҳат – (98) 772-36-56

ЛОР (қулоқ, томоқ, бурун) хизмати бўйича маслаҳат – (93) 496-12-69

ЛОР (қулок, томоқ, бурун) хизмати бўйича маслаҳат (93) 670-32-92

Акушер-гинеколог хизмати бўйича маслаҳат – (91) 292-97-61

Акушер-гинеколог хизмати бўйича маслаҳат – (93) 400-44-96

Акушер-гинеколог хизмати бўйича маслаҳат – (90) 505-59-48

Гастроэнтеролог хизмати бўйича маслаҳат – (93) 947-49-99

Офтальмолог хизмати бўйича маслаҳат - (93) 264-02-87

Офтальмолог хизмати бўйича маслаҳат – (94) 504-98-54

Нарколог хизмати бўйича маслаҳат – (91) 349-15-46

Онколог хизмати бўйича маслаҳат – (93) 263-26-93

Психиатр хизмати бўйича маслаҳат – (94) 558-00-66

Психиатр хизмати бўйича маслаҳат – (90) 555-50-68

Гематолог хизмати бўйича маслаҳат – (99) 976-04-83

Невропатолог хизмати бўйича маслаҳат - 93-495-06-85

Болалар невропатолог хизмати бўйича маслаҳат – (93) 946-86-83

Кожвенеролог хизмати бўйича маслаҳат – (93) 406-63-26

Кожвенеролог хизмати бўйича маслаҳат – (91) 367-0221

Фтизиатр хизмати бўйича маслаҳат – (94) 157-92-89

 

Эслатма: Маслаҳат олиш учун эрталаб соат 8.00дан 18.00гача қўнғироқ қилиш мумкин.

 

ХАЙРУЛЛО БОЗОРОВ: САXОВАТ ВА КЎМАК, МЕҲР-ОҚИБАТ ВА БАҒРИКЕНГЛИК ХАЛҚИМИЗГА ХОС ОЛИЖАНОБ ФАЗИЛАТЛАР

02.08.2020

Вилоят ҳокими Хайрулло Бозоров Косонсой туманидаги ижтимоий-иқтисодий ислоҳотларнинг бориши жараёни билан танишиш баробарида эҳтиёжманд кўплаб хонадонлар ҳолидан ҳам хабар олиб, ажратилган маблағларни ўз эгаларига топширди.

 

«Янгийўл» МФЙ, «Кумуштола» кўчаси 66-уйда Равзахон Тожибоева 3 нафар фарзанди билан яшайди. Бир фарзандида 1-гуруҳ ногиронлиги бор. «Чорбоғ» МФЙ, 133-уйда истиқомат қилувчи Шоҳиста Раҳимова эса бемор ота-онаси ва бир нафар боласи билан туради. «Гузар» МФЙ, 29-уйдаги Мухторжон Тўхтаназаровлар хонадонида ҳам 5 нафар ўғил-қиз вояга етмоқда. Оила аъзоларини ижтимоий ҳаётда ўз ўрниларини топишлари, тадбиркорликка қизиқтириш, бандлигини таъминлашда, ҳудуднинг дахлдор мутасаддилари ва маҳалла фаоллари мунтазам иш ташкил қилишган.

 

Вилоят раҳбари бу каби оила вакилларини иш билан таъминлаш, уларнинг турмуш даражаси ва сифатини ошириш, камбағалликдан чиқариш, аҳоли бандлигига йўналтирилган ижтимоий кўмак ва эътиборни ҳаётларида сезиши ва кўриши, жойлардаги ижтимоий муаммоларнинг ечимига оид саъй-ҳаракатларни тизимли ва самарали бўлишига аҳамият қаратиш лозимлигига урғу берди.

 

—Берилаётган маблағлар нафақат моддий жиҳатдан, балки халқимизни маънан қўллаб-қувватлаш, улар руҳияти ва кайфиятини кўтариш учун муҳтарам Президентимиз томонидан қилинган юксак эътибор ва ғамхўрликлар ифодасидир. Вилоятимизга республика бюджетидан 10 млрд. сўм маблағ ажратилди. Уни ижтимоий кўмакка ва моддий ёрдамга муҳтож аҳоли қатламларига тўғри тақсимлаш ва тарқатилиши шаҳар ва туманларимизда ташкил этилган махсус комиссиялар томонидан чуқур, пухта ўрганиб чиқилди ва ўн мингга яқин фуқароларимизга тўлалигича, манзилли етказиб берилди, — деди Хайрулло Бозоров.

ФАОЛ ТАДБИРКОРЛИК, ТИНИМСИЗ МЕҲНАТ ВА ҚАТЪИЙ ИНТИЛИШ

02.08.2020

Вилоят ҳокими Хайрулло Бозоров Косонсой тумани “Гўрмирон” маҳалласида иш юритаётган «Темир бетон» МЧЖ фаолияти билан танишди.

 

Тадбиркор Акрамхон Юсупов ташаббуси билан Хитой технологияси асосида ташкил этилган корхонада кунига 100га яқин, ойига эса 1 млрд. 200 миллион сўмлик лоток – қуйма ариқ, қудуқлар учун ҳалқа қувур (колодец), бардюр, плита каби бетон маҳсулотлари  ишлаб чиқарилмоқда. 

 

2,5 млрд. сўм банк кредити, 1,5 млрд.  сўм тадбиркор улуши эвазига ишга тушган   мазкур корхонада айни пайтда 20 нафар кишининг меҳнат бандлиги таъминланди. Муҳими, маҳсулотлар об-ҳаво таъсири ва оғир босимга ҳам мустаҳкамлиги, меъёрий стандартлар талабларига тўла жавоб беришидан харидорлар мамнун. 

 

Айни пайтда бунёдкорлик жараёнлари авжида, темир-бетон маҳсулотларига эҳтиёж ҳам катта.  Бунга жавобан келгусида фаолият кўламини янада кенгайтириш ва электр тармоқлари учун махсус таянч устунлари тайёрлаш баробарида қўшимча иш ўринларини вужудга келтириш режалаштирилган.

 

— Юртимизда кичик бизнес ва тадбиркорликни ривожлантиришга қаратилаётган алоҳида эътибор, бу йўналишдаги лойиҳаларнинг ҳар томонлама қўллаб-қувватланаётгани  қишлоқ жойларида ҳам ишлаб чиқариш корхоналарининг кўпайишига, янги иш ўринларини яратилишига ва аҳоли турмуш фаровонлигининг ошишига хизмат қилмоқда, —  деди Хайрулло Бозоров.

ЭЗГУ ИШЛАРДА ОЛИЖАНОБ МАҚСАДЛАР МУЖАССАМ

01.08.2020

Вилоят ҳокими Хайрулло Бозоровнинг Косонсой туманидаги танишув жараёни «Гулобод» маҳалласида қад ростлаган Ixlos medical center тиббий диагностика марказида давом этди. 

 

Лойиҳа қиймати 6 млрд. сўмни ташкил этувчи, 60 ўринга мўлжалланган 4 қаватли даволаш маскани фаолият бошлагач, 40 га яқин иш ўрни вужудга келади. Марказда терапия, гинекология ва урология бўлимлари шифоталаблар хизматида бўлади.

 

Вилоят раҳбари муассасада хизмат кўрсатиш сифати ва самарасини ошириш, беморларга қулай ва муносиб шарт-шароитлар яратиш, атрофни ободонлаштириш, ҳудудда саранжом-саришталик ва   кўкаламзорлаштириш бўйича мутасаддиларга тегишли тавсиялар  берди.

 

— Юксак андозалар даражасидаги мана шундай замонавий тиббий шифо масканларини бунёд этиш, соҳада хизматлар кўлами ва сифатига қаратилган чора-тадбирлар изчил давом этмоқда. Муассасадаги давр талабларига жавоб берувчи тиббий аппаратуралар ёрдамида барвақт ҳамда аниқ ташхислаш натижасида ижтимоий аҳамиятга эга ва юқумли хасталикларнинг янада пасайиши борасида ҳам ижобий кўрсаткичларга эришиш мумкин, — деди Хайрулло Бозоров.

ХАЙРУЛЛО БОЗОРОВ: ИЗЧИЛ ИСЛОҲОТЛАР ДОИМИЙ ИЗЛАНИШ ВА ЯНГИЛИКЛАРНИ ТАҚОЗО ЭТМОҚДА

01.08.2020

Вилоят ҳокими Хайрулло Бозоров Косонсой туманидаги «Оҳангарон бинокори» МЧЖга қарашли фаолияти яқинда йўлга қўйилган корхонада бўлди.

 

«Гўрмирон» МФЙдаги гипсокартон ишлаб чиқаришга ихтисослашган корхонанинг лойиҳа қиймати 1,5 миллион АҚШ доллари бўлиб, шундан 5 млрд. сўми банк кредити ҳисобидан қопланди. Хитойдан ускуналар келтирилиб ўрнатилгач, бу ерда 50 нафар кишининг бандлиги таъминланди. Иш бошланганига энди 4 ой бўлган мазкур корхонада кунига 3 мингта маҳсулот тайёрланмоқда.   Шу вақт мобайнида 165 минг АҚШ долларлик маҳсулотни қўшни республикалар бозорига чиқаришга ҳам улгурилди.  

 

Тадбиркор Юнусхон Темировнинг билдиришича, ойига 2 млрд. сўмлик маҳсулот ишлаб чиқарилаётган мазкур корхона фаолияти янада кенгайтирилиб, қўшимча завод қурилиши билан яна 70 та иш ўрни яратилади.  

 

Вилоят раҳбари бу ташаббусни қўллаб-қувватлаб, «Туятўйди» саноат зонасидан 1,5 гектар ер майдони ва 550 минг АҚШ доллари миқдоридаги банк кредитини кечиктирмай ажратилиши масаласида мутасаддиларга топшириқ ва тегишли кўрсатма берди.

 

— Изчил ислоҳотлар доимий изланиш, янгилик яратишни тақозо этмоқда.  Фақат ана шундай талаблар асосида иш юритиб, халқимизнинг ҳаётини яхши томонга ўзгартириш мумкин. Янги ишлаб чиқаришларни ташкил этишни рағбатлантириш, эркин иқтисодий зона ва илғор ривожланиш ҳудудларини яратиш, корхоналар ўртасида кооперацияни чуқурлаштириш, маҳсулот таннархини пасайтириш ва унинг рақобатбардошлигини ошириш, маҳаллий маҳсулотларнинг ташқи бозорларга экспортини кўпайтириш устувор масалалардир, — деди Хайрулло Бозоров.

КОСОНСОЙДА ИСТИҚБОЛЛИ ЛОЙИҲАЛАР АМАЛГА ОШИРИЛМОҚДА

01.08.2020

Вилоят ҳокими Хайрулло Бозоров Косонсой тумани, «Гўрмирон» МФЙдаги қарийб 3 гектар майдонда қад ростлаган 2 та кўп қаватли, 40 та хонадонли турар жой биноси, буюм, деҳқон ва ҳайвон бозорлари ҳамда автотураргоҳлар қурилиши жараёни билан танишди.

 

Умумий қиймати 16 млрд. сўмлик лойиҳанинг 3 млрд. сўми банк кредити ҳисобланади. «Осмон сайёраси» МЧЖ буюртмаси асосида қурилишга ихтисослашган «Ҳасанобод» МЧЖ томонидан ҳозиргача 10 млрд.  сўмлик ишлар уддаланиб, бунёдкорлик давом эттирилмоқда. 

 

Вилоят раҳбари бугунги мураккаб пандемия шароитида  бозорларда ижтимоий масофани қатъий сақлаш бўйича зарур чоралар кўриш, савдо-сотиқ қоидаларига тўла риоя қилиш, сотувчи ва харидорларга муносиб шарт-шароитларни яратиш, санитария-эпидемиология меъёр ва талабларига мувофиқ иш ташкил этиш юзасидан мутасаддиларга тегишли кўрсатма ва топшириқлар берди.

 

Шунингдек, вилоят раҳбари шу ернинг ўзида «Намуна», «Тергачи», «Гўрмирон» кичик саноат зоналарида барпо этилиши кутилаётган лойиҳалар тақдимотида иштирок этди. Умумий қиймати 417 млрд. сўм бўлган 50 га яқин лойиҳа тўлиқ ишга тушиши ва бунинг натижасида 1300 та янги иш ўринлари яратилиши кўзда тутилмоқда. 

 

— Аҳолини иш билан таъминлаш, иқтисодий ислоҳот ва ижтимоий ўзгаришларнинг самарасига хизмат қилувчи бундай лойиҳаларнинг ҳар бирини ўз вақтида, изчил амалга ошириш, уларнинг сони ва сифатини пухта кўриб чиқиш, ҳар қарич ердан унумли фойдаланиш, дастурга киритилган чора-тадбирларнинг ижроси устидан тизимли назорат ўрнатиш, тасдиқланган лойиҳаларни бажаришнинг самарадорлигини таъминлаш муҳим аҳамиятга эга, — деди Хайрулло Бозоров.

КОСОНСОЙ ТУМАН ҲОКИМИ БАҲОДИР ЮСУПОВНИНГ ҚУРБОН ҲАЙИТИ БАЙРАМИ МУНОСАБАТИ БИЛАН БАЙРАМ ТАБРИГИ

31.07.2020

Азиз ва муҳтарам косонсойликлар!

 

Сиз азизларни, она юртимизда, она заминимизда яшаётган барча мўмин-мусулмонларни, саховат ва меҳр-оқибат айёми - муборак Қурбон ҳайити билан чин юракдан самимий табриклайман.

 

Бу қутлуғ байрам биз учун ҳамиша эзгу қадриятларимизни мустаҳкамлашда, инсоний фазилатларимизни намоён этишда муҳим омил бўлиб келмоқда.

 

Жорий йил ушбу муборак айём муҳтарам Юртбошимизнинг қарорларига асосан пандемия шароитидан келиб чиқиб, оила даврасида ўтказилмоқда. Бу ҳам хонадонларимизда ўзаро меҳр-оқибат туйғуларини янада мустаҳкамлашга муносиб замин яратади.

 

Бу қутлуғ айёмда барчамиз файзли ва баракотли кунларга етказгани, юртимиз тинч, осмонимиз мусаффо эканлиги учун Аллоҳ таолога чексиз шукроналар айтамиз.

 

Бугунги кунда мамлакатимизни ҳар томонлама ривожлантириш, халқимизнинг ҳаёти, фарзандларимизнинг  келажагини, диний, маданий-маърифий соҳадаги иқболини таъминлаш бўйича Президентимиз томонидан амалга оширилаётган ислоҳотларни такомиллаштиришга қаратилган чора-тадбирлари дунё ҳамжамияти томонидан тан олинмоқда.

 

Она юртимизнинг келажаги буюк ва ёруғ, халқимиз ҳаёти янада фаровон, Президентимизнинг раҳнамолигида амалга оширилган барча хайрли ишлар бардавом бўлишини Аллоҳ таолодан сўраб дуолар қилайлик.

 

Азиз косонсойликлар!

Мана шундай саодатли дамларда, ушбу улуғ айём кунларида барча мусулмонларни, самимий қутлаб, уларнинг оилаларига тинчлик ва хотиржамлик ҳамда  фаровонлик тилайман.

Барчангизни муборак Қурбон ҳайити билан чин қалбимдан самимий табриклайман!

Хонадонларингизни файз-у барака ва осойишталик  тарк этмасин!

 

Байрамларингиз муборак бўлсин!

 

Баҳодир Юсупов,

Косонсой тумани ҳокими

ЎЗ ТИЛИМИЗГА БЕФАРҚ БЎЛМАЙЛИК

29.07.2020

Инсоннинг ўзлиги, ўзининг ким эканлиги аввало унинг ўз тилига муносабатида кўринади. Алломаларимиз айтганидек, одам ўз тилини ҳурмат қилсагина, ҳимоя қилсагина ҳақиқий одам ҳисобланади.

Адлия вазирлиги томонидан шу йил 24 апрель куни Ўзбекистон Республикаси Норматив-ҳуқуқий ҳужжатлар лойиҳалари муҳокамаси порталига қўйилган “Ўзбекистон РеспубликасинингМаъмурий жавобгарлик тўғрисидаги кодексининг 42-моддасига қўшимча киритиш тўғрисида”ги қонун лойиҳаси муҳокамаси ҳам ниҳоятда қизғин давом этди.

Маъмурий жавобгарлик тўғрисидаги кодекснинг 42-моддаси “давлат тили тўғрисидаги қонун ҳужжатларини бузиш” тўғрисида бўлиб, унга кўра, фуқароларнинг тарбия ва таълим беришда тилни эркин танлашдан иборат ҳуқуқларини бузиш, тилдан фойдаланишда тўсқинлик қилиш ва чеклаш, давлат тилини, шунингдек Ўзбекистон Республикасида яшовчи бошқа миллатлар ва элатларнинг тилларини менсимаслик - базавий ҳисоблаш миқдорининг бир бараваридан икки бараваригача миқдорда жарима солишга сабаб бўлиши қайд этилган.

Биз тил ҳақидаги янги қонун талабларига амал қиляпмизми? Кўча-кўйда юрганимизда, бирор иншоотга қадам босаётганимизда унинг тепасида ёзувларнинг тилига эътибор берамизми? Афсуски, туманимиз бўйлаб, савдо объектларига, маиший хизмат биноларига бориб қолсангиз, турли ажнабий, тушунарсиз, миллийлигимизга хос бўлмаган тил ибораларига кўзимиз тушади. «Мини маркет»нинг ўрнига «Кичик дўкон», «Ремонт сотовых»нинг ўрнига «Уяли телефон устахонаси» деб ёзсак, дўконимизга ҳеч ким кирмай қўядими, ё даромадимиз камаядими? Ахир, биз Ўзбекистон деган давлатда, киндик қонимиз томган тупроқда яшаяпмиз-ку. Барчамиз қадимдан давом этиб келаётган миллий қадриятларимиз руҳида ҳаёт кечиряпмиз-ку.

Шуни унутмангки, ҳар бир халқ азиз ва муқаддас бўлган ўз тилини асраш, ривожлантириш, жозибасини тўла намоён этиш учун ҳаракат қилади, чунки унда халқ тарихи, миллий қадриятлари, маданияти ифодаланади.

 

Замира НИШОНОВА,

Туман ҳокимининг маънавий-маърифий ишлар масалалари бўйича маслаҳатчиси

 
© 2014-2020, Namangan viloyat Kosonsoy tuman hokimligining rasmiy axborot portali. Sayt materiallaridan foydalanilganda www.kosonsoy.uz manbasi ko'rsatilishi shart.
Sayt Namangan viloyati hokimligining Kompyuterlashtirish markazi tomonidan ishlab chiqilgan.