Давлатимиз раҳбари ташаббуси билан амалга оширилаётган “Обод қишлоқ” ва “Обод маҳалла” дастурлари доирасида жойларда кенг кўламли қурилиш, ободонлаштириш ишлари амалга оширилмоқда.Натижада туманлар, қишлоқлар қиёфаси, инфратузилмаси тубдан яхшиланмоқда, аҳолининг турмуш фаровонлиги ортмоқда.
Жорий йилда “Обод қишлоқ” дастури доирасида Косонсой туманидаги "Обод" ва "Истиқлол" маҳаллаларида катта ҳажмдаги қурилиш, ободонлаштириш ишларини амалга ошириш, муҳандислик-коммуникация инфратузилмасини ривожлантириш режалаштирилган.
Дастур доирасида маҳаллаларда барча соҳаларда ишлар жадал кетмоқда.
Хусусан, "Истиқлол" маҳалласи аҳолисига электр таъминотини яхшилаш мақсадида 3та трансформатор ўрнатиш, 85та бетон таянч устунлар ўрнатиш, 3,4 километр электр тармоғини тортиш белгиланган бўлиб, ҳозиргача 85та бетон устунлар ўрнатилиб, 1,8 километр тармоқ тортилиб, 2та трансформатор ўрнатилди.