ХОТИН-ҚИЗЛАР БЎЙИЧА МАСЛАҲАТЧИЛАР ВА ҲОКИМЛИКЛАР АХБОРОТ ХИЗМАТЛАРИ РАҲБАРЛАРИГА ХИЗМАТ АВТОМОБИЛЛАРИ ТОПШИРИЛДИ

29.10.2020

Наманган шаҳридаги “Уч фаввора” хиёбонида шаҳар-туман ҳокимларининг хотин-қизлар бўйича маслаҳатчилари ва шаҳар-туман ҳокимликлари ахборот хизматлари раҳбарларига хизмат автомобиллари топшириш маросими бўлиб ўтди.

 

Тадбирда вилоя ҳокими Шавкатжон Абдураззақов иштирок этди.

 

Ҳокимларнинг хотин-қизлар бўйича маслаҳатчиларига Nexia 3, шаҳар-туман ҳокимликлари ахборот хизматлари раҳбарларига эса Spark автомобиллари тақдим этилди.

 

—Бу икки тизим олдига бугунги кунда ниҳоятда долзаб масалалар қўйилган. Хотин-қизлар бўйича маслаҳатчилар Президентимиз томонидан жорий йил 8 октябрь куни ўтказилган видеоселектор йиғилишида белгиланган вазифалар, хусусан, аёллар дафтарини тўлақонли шакллантиришга алоҳида эътибор қаратишлари зарур. Ахборот хизматлари эса бугунги кун нафасини тезкорлик билан илғаб, ҳудудларда рўй бераётган воқеа-янгиликларни ҳозиржавоблик билан ёритиб боришлари, журналист ва блогерлар билан ҳамкорликни узвий йўлга қўйишлари зарур, — деди вилоят ҳокими.

 

Тадбир якунида хотин-қизлар бўйича маслаҳатчилар ва ахборот хизматлари раҳбарлари галдаги вазифалар хусусида ўзаро фикрлашиб олди.

 
© 2014-2020, Namangan viloyat Kosonsoy tuman hokimligining rasmiy axborot portali. Sayt materiallaridan foydalanilganda www.kosonsoy.uz manbasi ko'rsatilishi shart.
Sayt Namangan viloyati hokimligining Kompyuterlashtirish markazi tomonidan ishlab chiqilgan.