ПОЛИКЛИНИКА БИЛАН БОҒЛИҚ МУАММО БЎЙИЧА ТУМАН ҲОКИМЛИГИНИНГ БАЁНОТИ

14.01.2020

Ижтимоий тармоқларда Косонсой туманидаги поликлиника билан боғлиқ “Поликлиниканинг бир шифокори иш жойида эмас, бошқаси қабул қилишдан бош тортди” сарлавҳали материалга

 

МУНОСАБАТ

 

Жорий йилнинг 9 январь куни Ижтимоий тармоқларда эълон қилинган “Поликлиниканинг бир шифокори иш жойида эмас, бошқаси қабул қилишдан бош тортди” номли материалга Косонсой туман ҳокимлиги муносабат билдиради.

Ушбу материалда Наманган вилояти Косонсой тумани Навбаҳор МФЙда яшовчи Анваржон Мўйдинов исмли фуқаро 8 январь куни Косонсой тумани 6-сонли оилавий поликлиникага бетоблиги сабабли мурожаат қилганлиги, қабулхонадан тиббий картасини топиб беришолмагани кейин эса Навбаҳор ҳудудига бириктирилган врач қабулига кирмоқчи бўлганлиги лекин врач соат 11:00 да иш жойида бўлмагани, қўшни хонадаги врач эса бошқа ҳудуд беморини кўрмаслиги, бундай ҳолат биринчи марта бўлмаётгани айтилган.

Ушбу ҳолат 2020 йилнинг 10 январь куни Республика Соғлиқни сақлаш вазирлиги тиббий хизматлар сифатини назорат қилиш бошқармаси Наманган вилояти бўлими бош мутахассиси Б. Валиев, Косонсой туман тиббиёт бирлашмаси бошлиғи О. Қосимов ва бошқа мутасадди шахслар томонидан ўрганиб чиқилди.

Фуқаро Анваржон Мўйдинов 8 январь куни соғлиги ёмонлашгани учун 6-сонли оилавий поликлиникага мурожаат этиб ўз ҳудуди врачига учрашмоқчи бўлган. Ҳудуд потранаж ҳамшираси малака оширишда бўлган. Бемор картаси эса унинг хонасида бўлган.

Ҳудуд врачи Ж. Шамсиддинов айни шу вақтда ҳудуддаги бошқа бир беморни назорат қилиш учун борганлиги учун қабулда бўлмаган.

Ушбу ҳолатга аниқлик киритилмасдан мурожаат асоссиз равишда ижтимой тармоқларга юборилган.

Косонсой тумани ҳокимлиги ўз фаолиятида туманда халқ розилиги ҳамда қонун талаблари ижроси таъминланишини устувор вазифа деб билади ва бунга асосан иш олиб боради. Халқнинг мавжуд муаммоларини қонун доирасида ҳал этилишини изчил давом эттиради.

 

Косонсой туман ҳокимлиги Ахборот хизмати

 

 
© 2014, Namangan viloyat Kosonsoy tuman hokimligining rasmiy axborot portali. Sayt materiallaridan foydalanilganda www.kosonsoy.uz manbasi ko'rsatilishi shart.
Sayt Namangan viloyati hokimligining Kompyuterlashtirish markazi tomonidan ishlab chiqilgan.