ЯНГИ ЙИЛДА ЁШЛАР БИЛАН ДАСТЛАБКИ УЧРАШУВ

06.01.2020

Ҳар қандай жамиятнинг иқболи ва истиқболи ёш авлодга бўлган эътиборга боғлиқлиги аён. Президентимиз фаолияти ва қарашларининг муҳим йўналиши ҳам шунга қаратилгани бежиз эмас. Келажагимиз бунёдкори, эртанги куннинг ҳал қилувчи кучи - ёшларга муносабат масаласи давлатнинг устувор сиёсатига айланди, десак муболаға бўлмайди.

Президентимиз Шавкат Мирзиёевнинг 27 декабрь куни Муҳаммад ал-Хоразмий номидаги мактабда ёшлар билан учрашувида белгилаб берилган вазифалар ижроси доирасида Норин туманида вилоят ҳокими Хайрулла Бозоровнинг селектор тарзида ёшларга мурожаати ҳамда Косонсой туман ҳокимлигида “Янги Ўзбекистонни, ёшлар билан бирга қурамиз” шиори остида йилнинг дастлабки учрашуви ўтказилди.

Учрашувда фан ва олимпиада, спорт мусобақалари ғолиблари, ёшлар етакчилари, ёш тадбиркорлар ҳамда уюшмаган ёшлар вакиллари иштирок этишди.

Учрашувда туман ҳокими Б.Юсупов сўзга чиқиб, муҳтарам юртбошимиз томонидан ёшлар маънавиятини юксалтириш, уларнинг бўш вақтини мазмунли ташкил этиш бўйича илгари сурилган 5 та муҳим ташаббусларининг мазмун-моҳиятини тушунтириб, ёшларни маънавий жиҳатдан баркамол, етук, жисмонан соғлом, ватанпарвар, фидоий, ёт ғояларга қарши кураша оладиган ҳолда тарбиялаш бугунги куннинг асосий вазифаси эканлигини таъкидлаб, иқтидорли ёшларга алоҳида эътибор қаратиш кераклиги ҳамда истеъдодли ёшлар Ватанимиз эртаси учун муҳим аҳамиятга эга эканлигини таъкидлаб, мамлакатнинг халқаро майдондаги нуфузи ҳам кўп жиҳатдан ёшлар салоҳиятига боғлиқ эканлигини таъкидлаб ўтди.

Очиқ мулоқот тарзида ўтган учрашувда навқирон авлод вакиллари ўз фикр-мулоҳазалари ва таклифлари билан ўртоқлашдилар. Ёшлар томонидан билдирилган бир қатор масалалар бўйича ҳам фикрлар тингланиб, улар ҳаётидаги муаммолар, долзарб вазифалар, шунингдек, 2020 йилда ёшлар ўртасида амалга оширилиши режалаштирилган ишлар юзасидан келишиб олинди.

 

Косонсой туман ҳокимлиги ахборот хизмати

 
© 2014-2020, Namangan viloyat Kosonsoy tuman hokimligining rasmiy axborot portali. Sayt materiallaridan foydalanilganda www.kosonsoy.uz manbasi ko'rsatilishi shart.
Sayt Namangan viloyati hokimligining Kompyuterlashtirish markazi tomonidan ishlab chiqilgan.