БОЛАЖОНЛАР УЧУН ЯНГИ ЙИЛ БАЙРАМ ТАДБИРИ ЎТКАЗИЛДИ

30.12.2019

2020 йил кириб келишига оз фурсатлар қолди. Айни шу дамда қалбларимизни йил сарҳисобию, янги йил байрам шукуҳи қамраб олган. Бугун туман ҳокимлиги ташаббуси билан миллий маданият марказида болажонлар учун янги йил байрами тадбири ташкил этилди. Юз-кўзларида қувонч ва шодлик, ўзларига кўрсатилаётган чексиз эътибор ҳамда ғамхўрликдан мамнунлик ифодаси балқиган болажонлар иштирокида ўтган тадбирда туман ҳокими Б. Юсупов иштирок этиб, барчани байрам билан қизғин қутлади.

Ўтказилган тадбирда болажонлар учун қизиқарли томоша ва саҳна кўринишлари намойиш этилди. Болажонларнинг шўх-шодон куй-қўшиқлари байрам тадбирига ўзгача файз киритди. Барча ташриф буюрган жажжи болажонларга янги йил совғаси улашилди. Болалар турли эртак қаҳрамонлари билан бирга қўшиқлар куйлаб, рақсга тушдилар. Шунингдек тадбирда Хитой халқ республикасидан ташриф буюрган меҳмонлар иштирок этиб, йиғилганларни байрам билан табриклаб ўтишди.

Бир сўз билан айтганда ўтказилган Янги йил байрам тадбири болажонлар қалбига қувонч бахш этиб, эсда қоларли кун бўлди десак, муболаға бўлмайди.

 

Туман ҳокимлиги ахборот хизмати

 

 
© 2014, Namangan viloyat Kosonsoy tuman hokimligining rasmiy axborot portali. Sayt materiallaridan foydalanilganda www.kosonsoy.uz manbasi ko'rsatilishi shart.
Sayt Namangan viloyati hokimligining Kompyuterlashtirish markazi tomonidan ishlab chiqilgan.